อาโฮวซียา 6

ลอง ดูอี อีซาเรลัะ ณึงราง กาปลูะ น็อห

1เฆ ดูอี กืน วี ต็อห, “ตัห ตัห อึย, แตห เอ วี โดบ เฌาพรา ปี กรึบ เอ. อึณ ปี เฌาพรา แฮะ กายาต กาดัด เอ, อัน ปี ดี วี โบง แตห เอ วี ปี บรีม ปี อาต นี. อัน เฌา ปี บอ แฮะ โบง แตห เอ มึห โดง ดีม โดง เซา มืร, อัน ยี ดี วี กาบัน วี ซีนัม โดง ดีม เอ.

2อาว บอ เหลณ อัน เฌา ดี วี แตห เอ มึห โปลม มึห แฮณ, แตห เอ ปึอน ดี กอย กาดึก กาด็อะ ดี อัน.

3แตห เอ นับ ลอง เฌาพรา, แตห เอ โฆยวฆยา ดี นับ ซีคยา อัน. ปาย ตี อัน ดี บอ วี ตัห โดง กอย เอ, แตห อึณ ปี บลาง ซีแง อี เลห โฮะ เจว หณา. อึณ ดี บอ ปี บอ ฆลาย อี โจห ดอ มูห ฆีณ ซีนัม บอ ดอ ดี โตต ซีนัม, กาดาย กอ อัม ณัะ อาคัร หมาน.”

4เฌาพรา ยี วี ต็อห, “อึย เบ ดูอี อีซาเรลัะ บอ เบ ดูอี อายูดา, โอว ตู นับ ปี ดี โบง โอว ดี เบ. น็อห ร็อก เบ ดี โอว อึณ บอ ปี อึณอูะ อี มึห ดอ ซีณวัห บอ อึม ดีงาน อี โจห ซีณวัห เจว, อาว เหลณ แฮะ วี หราย.

5ปาย ตี โอว แฮะ แตห เฆ ดา อี บยาน โฆรห เฌาพรา กาลาง โฆรห โอว. อึณ ต็อห, เบ โลว คัม ปี ซูงพยาด โอว อามู เบ, แตห เบ กาปยาต ลึร โตต. โอว มืร แฮะ ต็อห, เบ ดี โลว ยัม. ปี ซูงพยาด โอว ดี เบ ตี, อึณ ดี ปี บลาง ปลัะ อึณเปลต.

6โอว ซี แตห เบ มึห น็อห ร็อก โอว หลึอม แตห เบ หลู โดว ซัดดาวา ดี โอว. บอ เซ เบ วี กาล็อะ ดี เฌาพรา, อึณ บอ หมึอม หลึอม เบ หลู โดว อี โดะ ดี เงา.

7มาแล, เฆ ยี วี หลึร กาดีก ซัดฌา ปี ดัว โอว ดี เฆ ดอ กอย เฆ ดี โดง จืร อาดาม. เฆ บอ กาบัห ดี โอว.

8แคง มืง ฆีเลอาด บอ มึห โตต ดูอี อี โบง นา ฮาย นา มืก. หนาม ดูอี อี แฮะ กาดูห ดี ง็อห ยัม แฮะ บูงบรัด ดอน โปละ.

9ดา อี หลู ดี เฌาพรา บอ ปี พึง ดา โฌน อี บัร ดี โฌน อี เฮา. เฆ แฮะ ง็อห ยัม ดูอี โดบ อึณเตณ อี ฮาว ดี มืง เซเคม. น็อห เฆ แฮะ ฮาย แฮะ มืก อาคาคัร.

10โอว แฮะ ยึร อี หมึอม กาอีห กาเซา กาแต เฆ ดูอี อีซาเรลัะ. เฆ ดูอี ปี อึบ โอว, เฆ แฮะ โบง แตห โดว เฆ กาดาต โกบ กรึบ เฆ เฌา ปี กรึบ อี เฮา.

11อึย เบ ดูอี อายูดา, โอว ปี บอ มึห น็อห ซี ม็องการา ดัว อี หมึอม ดี เบ มืร, บอ เบ ยี โลว คัม หมาบ โกบ ปี โบง เบ.”

موجودہ انتخاب:

อาโฮวซียา 6: pce

سرخی

کاپی

موازنہ

شئیر

کیا آپ جاہتے ہیں کہ آپ کی سرکیاں آپ کی devices پر محفوظ ہوں؟ Sign up or sign in

บับ เฌาพรา อี บรีม บอ อี กามาย - รูจีง ดาอาง کے بارے میں مزید معلومات حاصل کریں