1 ยฮ 1
1
1อึย เบ บีนอง, โอว แดม แปะ นี ตึย ดี เบ. อึณ มูห ลอง อัน เฌา อี จืร “โฆรห” อี ดัว อาซาก. อึณ บอ มูห เฌา เยซู อี แฮะ มึห ซีณ ดอ โฆว อัน. เย มืร แฮะ โทม โฆรห อัน. เย แฮะ ยึร ดี งาย เย, แฮะ ยอด ซีคยา อารึบ อัน, แฮะ ปึอน ปา โดว อัน. 2อัน เฌา อี ดัว อาซาก ตี แฮะ แบน ดูอี. เย มืร แฮะ ยึร อัน, วี กาลาง ดี เบ ลอง ดี ดัว อัน อาซาก กามาย ดี เบ. อัน แฮะ ดึอม กอย รึม โดบ เฌาพรา เซเซ, อัน ยี แฮะ วี แตห เย ยึร อัน. 3แคะ ปี ยึร ปี โทม เย, เย วี กาลาง ดี เบ, แตห บอ เบ บอ เย ปึอน ดี กอย กาฌูะ แบน อู น็อห. ปาย ตี บอ เอ บอ เฌาพรา อี มูห ฆูณ เอ บอ ฆอน เฌาพรา อี มูห เฌา เยซู, เอ บอกาเฆลียด ดี บอ ปึอน ดี กอย กาฌูะ แบน อู น็อห. 4เย แดม แปะ ลอง อัน ตี ตึย ดี เบ, แตห อี ดาคึย กอ โนะ ลูต แคง น็อห เย.
5โฆรห แปะ แฮะ กาลาง เฌาพรา ดี เย, เย วี กาลาง ดี เบ. อึณ ต็อห, เฌาพรา ปี บลาง. อาว มึห อี อับ ว็อง มาเซ ดี อัน. 6ปาย ตี, เซ เอ ต็อห, บอ เอ บอ เฌาพรา แฮะ กอย กาฌูะ แบน อู น็อห, เซ เอ ยี ซี โบง แบน โมยว แบน โมยว โดบ อี อับ อี ว็อง, เอ กาโลว. เอ มืร ตู โบง นา มูห นา หมาน. 7มาแล, เซ เอ แฮะ กอย แคง บลาง ปี อัน เฌา แฮะ กอย แคง บลาง เซเซ, เอ มืร แฮะ ลาย กาล็อะ, ลาย แบน อู น็อห. เอ ยี แฮะ นับ, โกบ แฮะ คัม เฌา เยซู ดี ยัม กาดาง เอ, อัน ดี ฆ็อห แวน หมาบ เอ ดอน โมยว, แตห เอ วี ซีงา บอด. 8เซ เอ ยี ต็อห, เอ ตู มึห หมาบ, เอ กาโลว โดว บรีม เอ. อี มูห อี หมาน มืร ตู กอย แคง น็อห เอ. 9มาแล, เซ เอ กาลาง หมาบ เอ บอ หมาณ ดี บลัวะ แวน แคะ มึห เอ หมาบ, อัน เฌา อี มึห น็อห ซืร น็อห หมาน, อัน ดี ฆ็อห แวน โตต หมาบ เอ บอ แวน นา มืก ดอน โมยว แปะ แฮะ โบง เอ, แตห น็อห เอ ซีงา บอด. 10เซ เอ ยี ต็อห, เอ ตู มึห ดี โบง หมาบ, อึณ ปี เอ ต็อห, โฆรห เฌาพรา ตู หมาน. เซ อึณ ปาย ตี, โฆรห เฌาพรา มืร ตู ดึอม ลึบ แคง น็อห เอ.
موجودہ انتخاب:
1 ยฮ 1: pce
سرخی
کاپی
موازنہ
شئیر
کیا آپ جاہتے ہیں کہ آپ کی سرکیاں آپ کی devices پر محفوظ ہوں؟ Sign up or sign in
© 2021, Wycliffe Bible Translator, Inc. All rights reserved.