Petrus II 2
2
Mbue somui le asu misionare bahilou.
1Su Provet bahilou su gin meher le molengasu Israel lie, dege su holel, su da le molengamu, su ghenunuen mu le sal momen ge. Su gobharni le ndro mu bahilou asu ge, su bieni Ndorlaben, su hangaini i, i da gin semani su le ndrai aden goru, boen su na glos roud. 2Su mabosanged delengasu le nongen asu, su ibdi bern asu momen, su ndramed ber boan su boii sal hian ad Ndorlaben, be su gilndri dogi asu momen. 3Su hangungerou ge memrad ber boan, su gbahilou le ndro mu, beg behena memrad ademu ge. Gord ad Jehova ir belengen su, ndremda gord i de medir bui, longu momen i da gmeher ndro su, de hengang bugane: Su na glos gane.
4Jehova de gin ibdi gahaloseli le ndro su Angelo bui, su da gin los le longu momen, i gin buldi su le gor ndrogmoan, gin hosi su le sen, su do da le kalabus asu, su belengeni gord ad Jehova, i da gmeher ndro su. 5I de gin ibdi heb gahaloseli le ndro su gor masi goru bugane. I gin rumburdi Noah ge, homo i da gin bohernou nongen ad Ndorlaben, dagara su monondrdilmou la born ndro i, be i gin rendegien lengen mandromai, i da gin ndrud le boan, gin daii su ndramed masi sumburdi, su da gin bieni Jehova. 6I gin rendegien moan le ndro su ber Sodom e Gomora, be i gin bo gord le ndro su, moan gin dilmui gor asu sumburdi, i ha leng henunuen su ndramed ber muren le gord aden manden, i da gmeher ndro su, su da bieni Jehova. 7I gin rumburdi Lot, i da gin dogi monen le gor aden. I gin rumburdi i le molengasu ndramed momen ber gor, su da gin bo ngendian le ndro i. 8Be i gin ilndri longu asu momen, su da gin hinen i le bormarn ad Lot bing si e rang si. 9Ndorlaben i danen rumburdi su lao aden monen dagara, ma i gob gord le ndro su, su gin bieni Jehova, bersi muren le rang aden manden, boen i rii su.
10Hanu su, su da gin hangungerou momen sidesi, su da gin hangungerou sengen asu ndramed ge, su gin bieni Ndorlaben, hanguruen asu i gina momen gane, bombulsu i de mesi hebsa bui, su ha noh ndoui ad Ndorlaben ber belengan hebsa bugane. 11Su Angelo su da ndoa ge, su dege su ndramed ber boan bui, su de gin boii dege su gin hinen i bugane. 12Su ndramed ogo su dege su bu e mui, su ndramed su hosi su, su daii su ge. Su boii longu hendre e hendre, de dansu heb leri bui. Ndangen su na glos, su na gmed dege su bu ma dege su mui. 13Boen gord irbelengen su, su da bo gous manden ge, su hanguruen gan ansu ge, hanguruen asu gina segdan, su bahilou le henunuen asu, be su gmeher ndro mu. 14Begmarsu hangungerou longu momen ge, su hangungerou bihin ge, heb longu momen i de vonei le ndro su bui, su ha leng hinen i sidegesi. Su rui su ndramed la born ndro su, su da heb ndoa bui, ha leng behena memrad asu ge: Su mbunana ber gor moan ge. 15Su gin bieni sal hian monen ge, su da le sal momen. Su ndrbon le sal ad Bileam aga ndur Beor, i da gin hangungerou memrad momen ber boan. 16Homo gin boii i be i da le sal momen, donki si i gin vong le ndro i le ngasen ad hom ndramed, beg sendraini Provet Bileam le sal aden momen. 17Su ndramed ogo su dege sal ndran, heb ndran i do dari bui, su dege ndoulang, ior i buldi su. Gor ndrogum gane ir belengeni su, su do da ge ri sidegesi. 18Su ha vong nongen dsoln, nongen asu molhe ndangen, su hangungerou momen ge, su ha rui su gmul gle bern asu momen, su da gin belueni bern asu heb eluen bui goru. 19Su ha leng hengen le ndro su longu hendre e hendre hian dege su bai, e lele, su lao dandendegei ad Satan. 20Goru, su gin belueni bern asu, su gin bieni longu segdan momen ber gor boan, su gin ibdi Ndorlaben Jesu Kristo le Ndorlaben asu, boen beld Satan gin hosi su lie, gin ndounen su gane. Malabo su gina momen gane, su momen manden hanu. 21Aga i hian la ndro su, de dansu sal hian monen bui, malabo dansu i, ma su gin bieni sal ogo hian, malabo su gina momen gane. 22Heb nongen, su ha bosoui sidesi i ndangen le ndro su: Mui i gien gan anen lie i da gin romud hanu. Bu i ndrogilieni le boan lie, be i gin nuh le ndran hanu.
موجودہ انتخاب:
Petrus II 2: LLENT
سرخی
کاپی
موازنہ
شئیر
کیا آپ جاہتے ہیں کہ آپ کی سرکیاں آپ کی devices پر محفوظ ہوں؟ Sign up or sign in
Published by the British and Foreign Bible Society 1956
Petrus II 2
2
Mbue somui le asu misionare bahilou.
1Su Provet bahilou su gin meher le molengasu Israel lie, dege su holel, su da le molengamu, su ghenunuen mu le sal momen ge. Su gobharni le ndro mu bahilou asu ge, su bieni Ndorlaben, su hangaini i, i da gin semani su le ndrai aden goru, boen su na glos roud. 2Su mabosanged delengasu le nongen asu, su ibdi bern asu momen, su ndramed ber boan su boii sal hian ad Ndorlaben, be su gilndri dogi asu momen. 3Su hangungerou ge memrad ber boan, su gbahilou le ndro mu, beg behena memrad ademu ge. Gord ad Jehova ir belengen su, ndremda gord i de medir bui, longu momen i da gmeher ndro su, de hengang bugane: Su na glos gane.
4Jehova de gin ibdi gahaloseli le ndro su Angelo bui, su da gin los le longu momen, i gin buldi su le gor ndrogmoan, gin hosi su le sen, su do da le kalabus asu, su belengeni gord ad Jehova, i da gmeher ndro su. 5I de gin ibdi heb gahaloseli le ndro su gor masi goru bugane. I gin rumburdi Noah ge, homo i da gin bohernou nongen ad Ndorlaben, dagara su monondrdilmou la born ndro i, be i gin rendegien lengen mandromai, i da gin ndrud le boan, gin daii su ndramed masi sumburdi, su da gin bieni Jehova. 6I gin rendegien moan le ndro su ber Sodom e Gomora, be i gin bo gord le ndro su, moan gin dilmui gor asu sumburdi, i ha leng henunuen su ndramed ber muren le gord aden manden, i da gmeher ndro su, su da bieni Jehova. 7I gin rumburdi Lot, i da gin dogi monen le gor aden. I gin rumburdi i le molengasu ndramed momen ber gor, su da gin bo ngendian le ndro i. 8Be i gin ilndri longu asu momen, su da gin hinen i le bormarn ad Lot bing si e rang si. 9Ndorlaben i danen rumburdi su lao aden monen dagara, ma i gob gord le ndro su, su gin bieni Jehova, bersi muren le rang aden manden, boen i rii su.
10Hanu su, su da gin hangungerou momen sidesi, su da gin hangungerou sengen asu ndramed ge, su gin bieni Ndorlaben, hanguruen asu i gina momen gane, bombulsu i de mesi hebsa bui, su ha noh ndoui ad Ndorlaben ber belengan hebsa bugane. 11Su Angelo su da ndoa ge, su dege su ndramed ber boan bui, su de gin boii dege su gin hinen i bugane. 12Su ndramed ogo su dege su bu e mui, su ndramed su hosi su, su daii su ge. Su boii longu hendre e hendre, de dansu heb leri bui. Ndangen su na glos, su na gmed dege su bu ma dege su mui. 13Boen gord irbelengen su, su da bo gous manden ge, su hanguruen gan ansu ge, hanguruen asu gina segdan, su bahilou le henunuen asu, be su gmeher ndro mu. 14Begmarsu hangungerou longu momen ge, su hangungerou bihin ge, heb longu momen i de vonei le ndro su bui, su ha leng hinen i sidegesi. Su rui su ndramed la born ndro su, su da heb ndoa bui, ha leng behena memrad asu ge: Su mbunana ber gor moan ge. 15Su gin bieni sal hian monen ge, su da le sal momen. Su ndrbon le sal ad Bileam aga ndur Beor, i da gin hangungerou memrad momen ber boan. 16Homo gin boii i be i da le sal momen, donki si i gin vong le ndro i le ngasen ad hom ndramed, beg sendraini Provet Bileam le sal aden momen. 17Su ndramed ogo su dege sal ndran, heb ndran i do dari bui, su dege ndoulang, ior i buldi su. Gor ndrogum gane ir belengeni su, su do da ge ri sidegesi. 18Su ha vong nongen dsoln, nongen asu molhe ndangen, su hangungerou momen ge, su ha rui su gmul gle bern asu momen, su da gin belueni bern asu heb eluen bui goru. 19Su ha leng hengen le ndro su longu hendre e hendre hian dege su bai, e lele, su lao dandendegei ad Satan. 20Goru, su gin belueni bern asu, su gin bieni longu segdan momen ber gor boan, su gin ibdi Ndorlaben Jesu Kristo le Ndorlaben asu, boen beld Satan gin hosi su lie, gin ndounen su gane. Malabo su gina momen gane, su momen manden hanu. 21Aga i hian la ndro su, de dansu sal hian monen bui, malabo dansu i, ma su gin bieni sal ogo hian, malabo su gina momen gane. 22Heb nongen, su ha bosoui sidesi i ndangen le ndro su: Mui i gien gan anen lie i da gin romud hanu. Bu i ndrogilieni le boan lie, be i gin nuh le ndran hanu.
Published by the British and Foreign Bible Society 1956