रोमियो 2
2
परमेश्वरैरा न्याय
1ऐठणीरै तेईनी, हे होरनियां पन दोष लांणारियो! तुवे चाहै कोई बि कि ना भुईया, बहाना ना करि सकतै। तेसै गलै मझ अपांणा बि दोषी ठहरांतै, केईनी कि तुवे, जै होरनियां पन दोष लांतै, ऐपु बि तुवे सैहै कंम कातै। 2जां असु पता आ कि परमेश्वर सही न्याय काता। ऐठणीरै तेईनी तैस ऐतियै बुरै कंम कांनारा मैहणुवंनी जरूर सजा दींणी। 3जां तु जै ऐतियै-ऐतियै कंम कांनारा पन दोष लांता, जां ऐपु बि सैहै कंम काता; क्या ऐ समझता कि तु परमेश्वरेरी सजाय किना बचि गांहणा? 4क्या तु परमेश्वरेरी भलाई जां सहनशीलता जां तेसैरा धैर्य किछ बि ना समझता? क्या तु ऐ ना समझता कि परमेश्वरेरी भलाई ताउ किना बुरा कंमा केरा पछतावा कांना शिख्रांति?
5पण केईनी कि तुवे हठीलै अत्तै जां पछतावा कांना किना नमां कातै, ऐतियु करि करि तुवे अपड़ै तेईनी बड़ी, बडी सजा कमूंतै अत्तै। केईनी कि सै धियाड़ी ऐईंती आ, जेख्णी परमेश्वरा अपड़ा गुस्सा लुहाना जां अपड़ा सच्चा न्याय प्रकट कांना। 6परमेश्वरा हर मैहणुनी तेसेरै कर्मेरै अनुसार बदला दींणा। 7जै लगातार अच्छै कर्म कातै-कातै महिमा, आदर जां अमर भूंणेरी खोजि मझ रींहथै, तैन्हांंनि परमेश्वरा अनन्त जीवन दींणा। 8पण जै मैहणु अपड़ै मतलब कढणेरै तेईनी सच्चाई छडि करि झूठा पन विश्वास कातै, परमेश्वरा तैन्हांं पन अपड़ा गुस्सा जां कोप लुहाना। 9बुरू कांनारै हर मैहणु दुख जां मुसीबती सहन कांनी पूंणी, चाहै सै कोई बि किना भुईया। “पेहिलै यहूदी मैहणुवां जां फिरी सै जै यहूदी नत्तै।”
10पण जै कोई सच्चाई पन चलता, तेसनी परमेश्वरा महिमा, आदर जां शांति दींणी। परमेश्वरा सभनियांं पेहिलै यहूदियनी फिरी तेन्हांनि जै यहूदी नत्तै।
11केईनी कि परमेश्वरैरा न्याय कांनेरा तरीका सभनियां मैहणुवां केरै तेईनी बराबर आ। 12ऐठणीरै तेईनी कि होरनियां जातिया केरै मैहणु जैन्हां किनि मूसेरी व्यवस्था ना तैन्हैं जै पाप क्यै, तैन्हांंनि तेन्हैरै पापा केरी सजा बि व्यवस्थाय बगैर मेईंणी। जां जै यहूदी मैहणु मूसेरी व्यवस्थायरै बारै पता होते हुऐ बि पाप कातै, तैन्हांंनि सजा बि व्यवस्थायरै अनुसार मेईंणी। 13केईनी कि जै मैहणु मूसेरी व्यवस्था कथाय सैयि शुणतै, सैक्यै परमेश्वरेरी नजरी मझ धर्मी नत्तै, पण जै व्यवस्थायरा पालन कातै, सैक्यै परमेश्वरेरी नजरी मझ धर्मी समझियूंणै। 14फिरी होरनियां जातिया केरै मैहणु जैन्हां किनि मूसेरी व्यवस्था ना, पण सैक्यै मैहणु फिरी बि अपड़ै स्वभावै ला-ऐ व्यवस्थायरै अनुसार किछ कंम कातै ता, मूसेरी व्यवस्थयरै पतै बगैर बि सैक्यै ऐपु लुहातै कि तैन्हांं कितु कांनु चेहिंथु, ता कितु ना कांनु चेहिंथु। 15सैक्यै लुहातै कि परमेश्वरेरी व्यवस्था तैन्हांं केरै दिला मझ लिखोरी आ। केईनी कि तेन्हैरा आत्मा लुहाता कि ऐ सच आ; केईनी कि तेन्हैरै विचार या ता तैन्हांं पन दोष लांतै या तैन्हांंनि शुणांतै कि सैक्यै सही कातै अत्तै। 16ऐ तैस धियाड़ी भूंणु जेख्णी परमेश्वरा मिंडी प्रचार क्यौरी खुशखबरिरै अनुसार यीशु मसीहरै जरियै मैहणुवां केरी गुप्त गला केरा न्याय कांना।
यहूदी जां व्यवस्था
17अगर तु ऐपुनी यहूदी बोलता जां व्यवस्थाय पन भरौसा रखता जां ऐपु पन परमेश्वरैरा खास मैहणु समझि करि घमण्ड काता, 18जां ताउ पता कि परमेश्वर ताउ किना कितु करवांणा चांहथा जां ताउ ऐ बि पता कि क्या सही आ; केईनी कि ताउनि मूसेरी व्यवस्थाय मझां शिख्राउरू आ; 19तुहां यकीन आ कि तुवे ऐतियै मैहणु अत्तै, जै अंधानि सही बत्त लुहातै, अंधकारा मझ रींहणारानि ज्योति आ। 20बुद्धीहीननी शिख्रांणार अत्तै, जां बच्चा केरै उपदेशक अत्तै। केईनी कि तुहां किनि मूसेरी व्यवस्था आ, तुवे समझतै कि तुवे सभ-किछ अच्छी तराहि सिंउ जांणतै जां जै किछ तुवे बोलतै, सै बिल्कुल सच आ।। 21ऐठणीरै तेईनी तुवे जै होरनियांनि शिक्षा दींतै, अपांणा किना सुधारतै? तुवे प्रचार कातै, कि “चोरी मेईं करा” जां ऐपु चोरी कातै? 22तुवे बोलतै, कि “व्यभिचार मेईं करा” पण ऐपु व्यभिचार कातै! तुवे मूर्तिया सिंउ नफरत कातै जां मंदर लुटि नींतै! 23तुहां किनि परमेश्वरेरी व्यवस्था भूंणैरा घमण्ड आ, पण तुवे व्यवस्था ना मनणै ला परमेश्वरैरा अनादर कातै। 24ऐठणीरै तेईनी पवित्र शास्त्रा मझ लिखोरू आ कि तुहां यहूदिया केरै बुरै कंमा केरै कारण होरनियां जातिया केरै मैहणु बि परमेश्वरेरै नाँईयेरी निंदा कातै।
खतनेरा फायदा ना भूंणा
25ऐत मझ कोई शक ना कि तिंडा खतना कांनेरा फायदा सिर्फ तेख्णी आ, जेख्णी तु व्यवस्था मनता। पण अगर तु व्यवस्था ना मनता, ता सैक्यै मैहणु ताउ किना अच्छै अत्तै जैन्हैरा खतना ना भौरा। 26अगर जैन्हैं खतना ना क्यौरा, सैक्यै मैहणु व्यवस्थायरै नियम मनतै, ता परमेश्वर ऐतियै मैहणु तैस मैहणु सैयि तकांता, जेसैरा खतना भौरा। 27जां जै मैहणु शरीरैरा खतना कांने बगैर-ऐ व्यवस्था पूरी तरह सिंउ मनता, तैस तुवाड़ा न्याय कांना; केईनी कि तुहां किनि मूसेरी व्यवस्था आ जां तुवाड़ा खतना भौ-करि बि तुवे व्यवस्थायरा पालन ना कातै। 28केईनी कि ऐ ऐहीं ना कि तु यहूदी पेईदा भौरा, केईनी कि तुवाड़ा खतना भौरा सै तुहां सच्चै यहूदी बणांता। 29अक सच्चा यहूदी सैक्या, जेसैरा मंन परमेश्वरा सिंउ सही आ जां सच्चा खतना सिर्फ मूसेरी व्यवस्थायरा पालन कांना-ऐ ना; पण सैक्या मंन बदलणा जै पवित्र आत्माय किना पेईदा भूंता। ऐतिया मैहणु, मैहणुवां किना ना, पण परमेश्वरा किना तारीफ हासिल काता।
موجودہ انتخاب:
रोमियो 2: CDJNT
سرخی
کاپی
موازنہ
شئیر
کیا آپ جاہتے ہیں کہ آپ کی سرکیاں آپ کی devices پر محفوظ ہوں؟ Sign up or sign in
Churahi New Testament (चुराही नवाँ नियम), 2020 by The Love Fellowship is licensed under a Creative Commons Attribution-ShareAlike 4.0 International License.
रोमियो 2
2
परमेश्वरैरा न्याय
1ऐठणीरै तेईनी, हे होरनियां पन दोष लांणारियो! तुवे चाहै कोई बि कि ना भुईया, बहाना ना करि सकतै। तेसै गलै मझ अपांणा बि दोषी ठहरांतै, केईनी कि तुवे, जै होरनियां पन दोष लांतै, ऐपु बि तुवे सैहै कंम कातै। 2जां असु पता आ कि परमेश्वर सही न्याय काता। ऐठणीरै तेईनी तैस ऐतियै बुरै कंम कांनारा मैहणुवंनी जरूर सजा दींणी। 3जां तु जै ऐतियै-ऐतियै कंम कांनारा पन दोष लांता, जां ऐपु बि सैहै कंम काता; क्या ऐ समझता कि तु परमेश्वरेरी सजाय किना बचि गांहणा? 4क्या तु परमेश्वरेरी भलाई जां सहनशीलता जां तेसैरा धैर्य किछ बि ना समझता? क्या तु ऐ ना समझता कि परमेश्वरेरी भलाई ताउ किना बुरा कंमा केरा पछतावा कांना शिख्रांति?
5पण केईनी कि तुवे हठीलै अत्तै जां पछतावा कांना किना नमां कातै, ऐतियु करि करि तुवे अपड़ै तेईनी बड़ी, बडी सजा कमूंतै अत्तै। केईनी कि सै धियाड़ी ऐईंती आ, जेख्णी परमेश्वरा अपड़ा गुस्सा लुहाना जां अपड़ा सच्चा न्याय प्रकट कांना। 6परमेश्वरा हर मैहणुनी तेसेरै कर्मेरै अनुसार बदला दींणा। 7जै लगातार अच्छै कर्म कातै-कातै महिमा, आदर जां अमर भूंणेरी खोजि मझ रींहथै, तैन्हांंनि परमेश्वरा अनन्त जीवन दींणा। 8पण जै मैहणु अपड़ै मतलब कढणेरै तेईनी सच्चाई छडि करि झूठा पन विश्वास कातै, परमेश्वरा तैन्हांं पन अपड़ा गुस्सा जां कोप लुहाना। 9बुरू कांनारै हर मैहणु दुख जां मुसीबती सहन कांनी पूंणी, चाहै सै कोई बि किना भुईया। “पेहिलै यहूदी मैहणुवां जां फिरी सै जै यहूदी नत्तै।”
10पण जै कोई सच्चाई पन चलता, तेसनी परमेश्वरा महिमा, आदर जां शांति दींणी। परमेश्वरा सभनियांं पेहिलै यहूदियनी फिरी तेन्हांनि जै यहूदी नत्तै।
11केईनी कि परमेश्वरैरा न्याय कांनेरा तरीका सभनियां मैहणुवां केरै तेईनी बराबर आ। 12ऐठणीरै तेईनी कि होरनियां जातिया केरै मैहणु जैन्हां किनि मूसेरी व्यवस्था ना तैन्हैं जै पाप क्यै, तैन्हांंनि तेन्हैरै पापा केरी सजा बि व्यवस्थाय बगैर मेईंणी। जां जै यहूदी मैहणु मूसेरी व्यवस्थायरै बारै पता होते हुऐ बि पाप कातै, तैन्हांंनि सजा बि व्यवस्थायरै अनुसार मेईंणी। 13केईनी कि जै मैहणु मूसेरी व्यवस्था कथाय सैयि शुणतै, सैक्यै परमेश्वरेरी नजरी मझ धर्मी नत्तै, पण जै व्यवस्थायरा पालन कातै, सैक्यै परमेश्वरेरी नजरी मझ धर्मी समझियूंणै। 14फिरी होरनियां जातिया केरै मैहणु जैन्हां किनि मूसेरी व्यवस्था ना, पण सैक्यै मैहणु फिरी बि अपड़ै स्वभावै ला-ऐ व्यवस्थायरै अनुसार किछ कंम कातै ता, मूसेरी व्यवस्थयरै पतै बगैर बि सैक्यै ऐपु लुहातै कि तैन्हांं कितु कांनु चेहिंथु, ता कितु ना कांनु चेहिंथु। 15सैक्यै लुहातै कि परमेश्वरेरी व्यवस्था तैन्हांं केरै दिला मझ लिखोरी आ। केईनी कि तेन्हैरा आत्मा लुहाता कि ऐ सच आ; केईनी कि तेन्हैरै विचार या ता तैन्हांं पन दोष लांतै या तैन्हांंनि शुणांतै कि सैक्यै सही कातै अत्तै। 16ऐ तैस धियाड़ी भूंणु जेख्णी परमेश्वरा मिंडी प्रचार क्यौरी खुशखबरिरै अनुसार यीशु मसीहरै जरियै मैहणुवां केरी गुप्त गला केरा न्याय कांना।
यहूदी जां व्यवस्था
17अगर तु ऐपुनी यहूदी बोलता जां व्यवस्थाय पन भरौसा रखता जां ऐपु पन परमेश्वरैरा खास मैहणु समझि करि घमण्ड काता, 18जां ताउ पता कि परमेश्वर ताउ किना कितु करवांणा चांहथा जां ताउ ऐ बि पता कि क्या सही आ; केईनी कि ताउनि मूसेरी व्यवस्थाय मझां शिख्राउरू आ; 19तुहां यकीन आ कि तुवे ऐतियै मैहणु अत्तै, जै अंधानि सही बत्त लुहातै, अंधकारा मझ रींहणारानि ज्योति आ। 20बुद्धीहीननी शिख्रांणार अत्तै, जां बच्चा केरै उपदेशक अत्तै। केईनी कि तुहां किनि मूसेरी व्यवस्था आ, तुवे समझतै कि तुवे सभ-किछ अच्छी तराहि सिंउ जांणतै जां जै किछ तुवे बोलतै, सै बिल्कुल सच आ।। 21ऐठणीरै तेईनी तुवे जै होरनियांनि शिक्षा दींतै, अपांणा किना सुधारतै? तुवे प्रचार कातै, कि “चोरी मेईं करा” जां ऐपु चोरी कातै? 22तुवे बोलतै, कि “व्यभिचार मेईं करा” पण ऐपु व्यभिचार कातै! तुवे मूर्तिया सिंउ नफरत कातै जां मंदर लुटि नींतै! 23तुहां किनि परमेश्वरेरी व्यवस्था भूंणैरा घमण्ड आ, पण तुवे व्यवस्था ना मनणै ला परमेश्वरैरा अनादर कातै। 24ऐठणीरै तेईनी पवित्र शास्त्रा मझ लिखोरू आ कि तुहां यहूदिया केरै बुरै कंमा केरै कारण होरनियां जातिया केरै मैहणु बि परमेश्वरेरै नाँईयेरी निंदा कातै।
खतनेरा फायदा ना भूंणा
25ऐत मझ कोई शक ना कि तिंडा खतना कांनेरा फायदा सिर्फ तेख्णी आ, जेख्णी तु व्यवस्था मनता। पण अगर तु व्यवस्था ना मनता, ता सैक्यै मैहणु ताउ किना अच्छै अत्तै जैन्हैरा खतना ना भौरा। 26अगर जैन्हैं खतना ना क्यौरा, सैक्यै मैहणु व्यवस्थायरै नियम मनतै, ता परमेश्वर ऐतियै मैहणु तैस मैहणु सैयि तकांता, जेसैरा खतना भौरा। 27जां जै मैहणु शरीरैरा खतना कांने बगैर-ऐ व्यवस्था पूरी तरह सिंउ मनता, तैस तुवाड़ा न्याय कांना; केईनी कि तुहां किनि मूसेरी व्यवस्था आ जां तुवाड़ा खतना भौ-करि बि तुवे व्यवस्थायरा पालन ना कातै। 28केईनी कि ऐ ऐहीं ना कि तु यहूदी पेईदा भौरा, केईनी कि तुवाड़ा खतना भौरा सै तुहां सच्चै यहूदी बणांता। 29अक सच्चा यहूदी सैक्या, जेसैरा मंन परमेश्वरा सिंउ सही आ जां सच्चा खतना सिर्फ मूसेरी व्यवस्थायरा पालन कांना-ऐ ना; पण सैक्या मंन बदलणा जै पवित्र आत्माय किना पेईदा भूंता। ऐतिया मैहणु, मैहणुवां किना ना, पण परमेश्वरा किना तारीफ हासिल काता।
موجودہ انتخاب:
:
سرخی
کاپی
موازنہ
شئیر
کیا آپ جاہتے ہیں کہ آپ کی سرکیاں آپ کی devices پر محفوظ ہوں؟ Sign up or sign in
Churahi New Testament (चुराही नवाँ नियम), 2020 by The Love Fellowship is licensed under a Creative Commons Attribution-ShareAlike 4.0 International License.