Na Sailm 50
50
Salm 50.
Deus deorum.
1Labhair an Tiarna, Labhair Dia na gcumhacht: agus ghlaoigh sé ar an domhan, ó éirí go dul faoi na gréine.
2Nocht Dia amach as Síón: is é an áilleacht féin é.
3Tiocfaidh ár nDia, agus ní fhanfaidh sé ina thost: rachaidh tine chraos‑slogthach roimhe, tógfar mórdhoineann ghaoithe ina thimpeall
4Glaofaidh sé anuas ar neamh: agus ar talamh, go dtuga sé breithiúnas ar a mhuintir.
5Cruinnígí le chéile chugam mo naoimh: an dream a rinne conradh liom le híobairt.
6Agus foilseoidh na ncamha a fhíréantacht: óir is é Dia féin is breitheamh.
7Éisteadh mo mhuintir liom, agus labhróidh mé: tabharfaidh mé féin fianaise id éadan, a Iosrael; ós mé Dia, do Dhia féin.
8Ní bhfaighidh mé locht ort de bharr dʼíobartha: más ag trácht ar íobartha loiscthe é, bíd de shíor os mo choinne.
9Ní Ghlacfaidh mé bullán as do theach: ná pocán gabhair as do bhanracha.
10Óir is liom beithígh uile na coille: agus is liom an t‑eallach ar mhíle cnoc.
11Tá aithne agam ar éanlaith uile na sléibhte: tá beithígh allta an mhachaire ar mʼamharc.
12Má bhíonn ocras orm, ní duit a inseod é: ós liom an chruinne, aʼs a bhfuil inti.
13An measann tú go n‑íosfaidh mise feoil tarbh: agus go n‑ólfadsa fuil gabhar?
14Go mba é an buíochas dʼofráil do Dhia: comhall do mhóideanna don Té is Airde.
15Agus glaoigh orm in am an bhuartha: is amhlaidh beidh mise do dʼéisteacht, agus beidh tú do mo mholadh.
16Ach is é deir Dia le fear an oilc: cad chuige a mbíonn tú ag seanmóiriú mo dhlíthe, agus cad chuige a nglacann tú mo chonradh i do bhéal;
17Cé gur fuath leat do chur ar bhealach do leasa: agus go dtug tú droim do láimhe do mo bhriathra?
18Nuair a chonaic tú gadaí, chuaigh tú i gcomhar leis: agus bhí tú páirteach le lucht an adhaltranais.
19Ligteá do do bhéal an t‑olc a rá: agus chuireadh do theanga na bréaga in iúl.
20Bhíteá i do shuí, agus labhartá in aghaidh do dhearthár: sea, agus dhéantá ithiomrá ar mhac do mháthar.
21Rinne tú amhlaidh, agus dʼfhan mise i mo thost, agus thug an urchóid ort a smaoineamh, nach bhfuil ionamsa ach do leithéid eile: ach tabharfaidh mise achasán duit, agus nochtfaidh mé duit a bhfuil déanta agat.
22Dearcaigí air seo, a lucht dearmadta Dé: ar eagla go gcuirfinn den saol sibh, agus gan an té ann a fhuasclódh sibh.
23An té a thugann buíochas agus moladh dom, is é a dhéanann mʼonórú: agus an té a chaitheas a shaol mar is ceart, taispeánfaidh mé slánú Dé dó.
موجودہ انتخاب:
Na Sailm 50: OC1965
سرخی
شئیر
کاپی
Want to have your highlights saved across all your devices? Sign up or sign in
© Cumann Gaelach na hEaglaise (Irish Guild of the Church) 1965