Na Sailm 46
46
Salm 46.
Deus noster refugium.
1Is é Dia ár ndóchas agus ár neart: is giorra dúinn a chabhair inár mbuaireamh.
2Ní bheidh eagla orainn mar sin, siúd is go gcraitear an talamh: agus go gcartar na cnoic amach i lár na farraige.
3Siúd is go mbíonn a tonnta ar mire agat: agus go mbaintear crith as na sléibhte leis an ndoineann.
4Tá abhainn ann, a mbíonn a sruthanna ag cur aoibhnis ar chathair Dhé: ionad naofa pailliúin an Té is Airde.
5Bíonn Dia ina measc, agus ní bhogfar í dá bhrí sin: tiocfaidh Dia chuici le cabhair, agus tiocfaidh sé gan mhoill.
6Tá mórghleo as na náisiúin, agus tá gluaiseacht faoi na ríochta: ach cluineadh Glór Dé, agus coscróidh an chruinne.
7Tá Tiarna na slua linn: is é Dia Iácóib ár ndídean.
8Tagaigí chugainne, go bhfeice sibh oibreacha an Tiarna: an scrios a thug sé thar an talamh.
9Tá sé ag cur críche le cogaí ar fuaid an domhain: tá sé ag briseadh an bhogha, agus ag déanamh dhá leath den tsleá, agus ag dó na gcarbad sa tine.
10Tostaigí mar sin, ach aithnígí gur mé is Dia ann: beidh mé dom ardú i measc na náisiún, agus beidh mé dom ardú ar an talamh.
11Tá Tiarna na slua linn: is é Dia Iácóib ár ndídean.
موجودہ انتخاب:
Na Sailm 46: OC1965
سرخی
شئیر
کاپی
Want to have your highlights saved across all your devices? Sign up or sign in
© Cumann Gaelach na hEaglaise (Irish Guild of the Church) 1965