Na Sailm 108
108
Salm 108.
Paratum cor meum.
1A Dhia, tá mo chroí ullamh, tá mo chroí ullamh: beidh mé ag canadh agus ag seinm do mholta leis an mball is fearr de mo bhalla.
2Dúisigh, a liúit, agus a chláirseach: is moch maidine a dhúiseoidh mé féin.
3Tabharfaidh mé buíochas leat, a Thiarna, i measc na gciníocha: seinnfidh mé do mholadh i measc na náisiún.
4Óir is mó do thrócaire ná na neamha: agus sroicheann dʼfhírinne chun na néalta.
5Éirigh, a Dia, os cionn neimhe: agus bíodh do ghlóir os cionn an talaimh.
6Go bhfuascailtear do lucht cumainn: slánaíodh do lámh dheas iad, agus tabhair éisteacht dom.
7Labhair Dia ina naofacht: beidh mé ag déanamh gairdis, agus roinnfidh mé Secem, agus tomhasfaidh mé Gleann Succót.
8Is liom Gilead, agus is liom Manasses: is é Ephráím neart mo chinn; is é lúda mo shlat ríoga;
9Is é Móab mo scála níocháin; caithfidh mé mo bhróg uaim thar Édom: beidh an bua agam ar Philistia.
10Cé a threoróidh isteach sa chathair láidir mé: cé a dhéanfaidh eolas dom go hÉdom?
11Nach tú a thréig sinn, a Dhia: agus an é nach toil leat, a Dhia, dul amach lenár sluaite?
12Cuidigh linn in aghaidh an namhad: ós díomhaoin cuidiú ón duine.
13Is trí Dhia a dhéanfaimis mór‑éachta: agus is é a chuireas ár naimhde faoina chosa.
موجودہ انتخاب:
Na Sailm 108: OC1965
سرخی
شئیر
کاپی
Want to have your highlights saved across all your devices? Sign up or sign in
© Cumann Gaelach na hEaglaise (Irish Guild of the Church) 1965