Romános 4
4
Páblo chacãra daruode aja Abraham uté, uje Dupade cho ayoré ujñapetáguiji Abraham uté to gu uje chedu changureta Dupade uté
1¿Ama yocujnusinamátique cucha ome judı́ode yocãrapi uté Abraham? ¿Ama Abraham chimo dáringai ujñapetágome re gu ipesutique cucha ya? 2Yirajágo uje que ipesudode cucha u. Ujetiga Abraham uté ate arétique chimanirase uté aja dáringárique ujñapetaque ome Dupade, enga a jé tiógararása ujetiga uté chisı́rase dabánique. Mu a jé ca toguı́rase arı̃a ujetiga doi ga chisírase dabai ome dapesutique cucha iji Dupade iquei. 3Jecute obiréjna uje que Dupade cho ayoré ujñapetáguiji uté ome ipesudode cucha. Chamáñaje Dupade uru cásodicáite chósi te ome Abraham: "Abraham changuretapise Dupade, jecute Dupade chopise ayoré ujñapetáguiji uté gu anguretigai."#4:3 Génesis capítulo 15, versículo 6 jé aja versículo 22 chatata Dupade isocai uté ome Abraham nanique.
4A qué yacaráma yuruode aja piroi ayoré jne uje doi dajnéone darósõri iroquéo. Uje uté irósõri cho oré, mu que cho derani regálo iji gotique, uje itrabajádi oredie u gu, enga pijoque uje que bisidéguei go. 5Jé basa ga Dupade cãrápisa dasocai ome pirósõri jnutiminore isocai uté. A máraque gosi ome dáringai pisijnaringuéone ipesusõre uté, mu chicha danguretigai aja Dupade uté, uje chiraja gu uje gusu Dupade uje isocai cuse ome pisijnaringuéone úringáringo pĩrocho, enga jogadi jé u uje Dupade cho ayoré ujñapetáguiji. Enga Dupade chedu gosi anguretigai ome re, enga uté ipesutique cucha que pimeraja gotique ome dáringai pimeserãque.
6Enga jnani bajai David uté urusarane quigode jé chopise udojo to nanique. Uje chatata uje pininaquei gajnesṍri tu gosi uje Dupade chı̃ro isijnaringuéone enga cho ayoré ujñapetáguiji. Enga que uté gosi adode u gotique uje chimate uté aja dáringai pimeserãque uté. Enga David uru cásodicáite udore chósi te:
7"¡Pininaquei gajnesórone u udore uje e pinoningañaque ore isijnaringuéone iji, uje e pı̃rocho udore ate gajnaréngone jnese ga que dépoji páyipieraque rı̃!
8¡Pininaquei gajnesṍri tu jnani uté gosi uje Pangarádejnai que chopo máranguiji uté rı̃!" #4:8 David uruode udojo jogadi tu Dupade uruode iji Sálmo capítulo 32, ga versículode 1 aja 2.
Dupade chapuse judı́ode, purása quedéjnane ore jnese aja ome dacaniratiguédatéi uté
9¿Ama jnani bajai David urusãráiso udore chedu judı́ode uyoque uje picaque uyoque a? ¿Jeoga purása quedéjnane ore gajnei urásu to ujetiga ore chimo dáringane pininaquei gajnesóño ome raque, uje que picaque ore mu? Ajnusináño Dupade uruode uje e yatatame uaque, uje chósi te: "Abraham changuretapise Dupade uruode, jecute Dupade chopise ayoré ujñapetáguiji uté gu anguretigai." 10Mu adójnachopı́sa cucha dacadi uté: ¿Ama e picaque Abraham uje Dupade chimesẽre uté, jeoga cáma picaque uté uje Dupade cho ayoré ujñapetáguiji nanique a?
¡Que Dupade chirote yui gotique ujetiga e picaque Abraham bajaque uje chimesẽre uté! Mu uje cáma picaque Abraham, mu Dupade e doi ga cho ayoré ujñapetáguiji uté. 11Enga cucha dacadode udojo quigade u uje quene Dupade chisı́ome cucha pijogúsõri "circuncisión"#4:11 Judíode jmapié u uje ore doi Dupade utoquéode quigode ome jnani bajai Abraham iji Génesis capítulo 17. Dupade chiroque Abraham aja nanique ujetiga paquesuque aoi uté iji ujnungungué gai, jé aja ape diyoquíode ujnungunguenie gáyode jnese. Imoi tu nanique uje Dupade cho dajnéngu ore, enga ore gajneque Dupade ingoméone cucha uje chichagája ore yui. uté ome Abraham. Enga jé u uje Abraham úringai ujñapetaque pijogúsõri tu icáchui uté, uje e chicha danguretigai aja Dupade bajaguı́ji yui nanique. Dupade gaidi tu gu ujetiga erámi unirisórone jnese ore cho daji Abraham casicaite ome ore anguretigai iji Dupade uté, uje que picaque ore mu.
12Enga Dupade gaidi tupo rĩ ujetiga judíode yoco yocaji Abraham uté. Jé ũré uje picaque judíode yocúdode, ga yocãrapi tu Abraham. Mu que qui turásu ujetiga cachi judíode ore chedu dacáchurique iji daoi gai enga ore cho daji Abraham gu dajmapié uaté. Mu yojningane u judíopísode uyoque uje yajnángo yocáqui gatei Abraham quigade iji jnumi ome anguretigai iji Dupade uté; uje cáma picaque Abraham nanique marı́nga, e chicha danguretigai aja Dupade uté.
Dupade ingoméone cucha omı́o uje chichaga aja Abraham yui nanique jé chuságaja udore jnese uje ore chicha danguretigai aja Dupade uté
13Ajnusináño uje nanique ga Dupade chichaga daru ueradode aja Abraham yui, enga jé chuságaja uté ájnape disi ejode ore jnese rı̃. Uje a ore chorase dajnéngu erámi jnese jne. Mu que Dupade ojningai tu ujetiga ore dorási Moisés urusarane cucha puyácho quigode jnese, enga quene Dupade ingoméone cucha chisı́rase ore. ¡Úngare! Mu cucha ujñapetai tu panguretigai ome Dupade, jecute uje Abraham changureta Dupade uruode ome re, enga jé u uje Dupade cho ayoré ujñapetáguiji. 14Mu ujetiga jé ũré enga Moisés urusarane cucha puyácho gaisórone urásu ujetiga ore gajneque Dupade ichagájade cucha omı́o udore, enga a cucha bisideguirase panguretigai. Enga a jé ca toguı́rase ujetiga Dupade ingoméone cucha udore chisı́rase dáringane tocachucho gotique. 15U gu uje Moisés urusarane cucha puyácho udore ujuyagaite dagaisórone ore, uje que gaisórone udore chijnimipise ãrírique gu. Enga chiborátaja uje gusu ore ijnimi tu Dupade ájningai ome re. Jé basa ga íjnonguirase cucha puyade ome erámi unirisórone uyoque, enga a jé ca toguı́rase jeta gosi chó gai gotique, uje ı́jnoque gu.#4:15 Obiréjna uje cucha puyade cuse arı̃a, enga jecucha gosi chó gai enga chise dáringai máraque ome dayógayode cucha puyácho udore, uje que ayorérique cuse iji erámi uje chimate udore aja guesi jnese.
16Jecute Dupade pésu ga yocajneque ingoméone cucha omío ome panguretigai uté. Gaidi tu gu ujetiga choqui guesi uje que tṍraji yocangoninguı́teguesáringane ome Moisés urusarane cucha puyácho udore, mu garani jé upúsu Dupade icaniratiguédatéi uté. Ome uté adi uté, ga Dupade chajo raja uje ingoméone cucha ome Abraham a chuságaja ájnape disi ejode jnese jne uje panguretigai déji ore. Enga qui tu uje que gusu ome Dupade anguresórone judı́o uyoque uje yajnángo Moisés urusarane cucha puyácho quigode, mu chapuse purása quedéjnane jnese aja to uje ore chirate Abraham aja anguretigai. Jecute yoco yocaji Abraham uté jnese ome yocanguretigai uté iji Dupade edominone. 17Enga pijoque uje ũréo udojo gu uje jé péroji Dupade uté ichagájade darúo ome Abraham nanique, uje chósi te: "Ayorébujnane a ore cho daji ua jnese jne iji danire dipeséode udore iji erámi údode." #4:17 Adójnacho Génesis capítulo 17, versículo 5 uté, uje chatata Dupade ichagájade darúo udore ome Abraham.
Abraham changuretapise Dupade ojningane udore yui ome re, enga Dupade cho ayoré ujñapetáguiji Abraham gu anguretigai uté
Dupade upúsu uje chichaga udore aja Abraham yui, enga que Dupade ajéningapúsu darúrique. Enga Abraham angureni Dupade uté upúsu uje ujopı́erãque ga chiringare togode ga ore ecápo rı̃. Ga uté jé upo rı̃ uje chiroque cuchade aja dáringane tocachucho uje qué erã́ta yui.#4:17 Adójnacho uje Dupade chatata Abraham ape disi ejórigo úringane dipeséjna ome uté uje qué erã́ta yui nanique. Cáma Abraham atique cuse gotique, enga acoté Sára aberepe, jecute chorase ujetiga tocho ore.
18Ujetiga Abraham uté tangárirási dáringárique ayoré, enga a chárasu dangoroné ome Dupade ichagájade cucha yúode, ujetiga disı́rique tṍraji uté. Mu uje Dupade quene chichaga ape disi ejórigo aja yui, enga Abraham changuretapise uruode, ga que cha dangoroné ome yui gotique. Enga jé ũré uje Abraham chise dáringai punirı́sõre uásejna ore dai uté. Enga cucha dacadode udojo jé péropı́siji Dupade uruode ome Abraham ape disi ejórigo uje chojninga: "A jiépisi ore jne."#4:18 Dupade uruode udojo jogadi u Génesis 15:5, uje chatata uje Abraham ape disi ejórigo ore batigai a jé chorase guédodie udire batigai jne.
19E Abraham guejnanie siquerei chirõre 100 años uje Dupade chingo ape disi ejode aja. Enga Abraham chidójnanga dáringai choquı́jnape, ga chiraja uje aoi eyuque. Chirajápo rı̃ uje gatájnupié dacoté Sára uaté, ga que toguı́rase ujetiga ica base. Mu que Abraham uté anguretigai doi jnutique ome darajade cucha udore gotique. 20Que áyipie cho sebégome Dupade ingoméone cucha yúode, mu chidota re iji danguretigai, enga anguretigai quérã gaté. Enga jé u uje Abraham uté chisi Dupade gai ome úringai ingoningarãque, uje áyipie que chamurase Dupade ingoméone cucha udore. 21Jé ũré uje que potigayaquérique chimo Abraham ome Dupade ingoméone cucha yúode. Chiraja gu uje ujopı́erãque Dupade, ga que toque ujetiga ca chimate dachagájade darúo aja guesi, mu a tocade jnese jne. 22Jecute ome Abraham anguretigai uté, ga Dupade uruode chósi te: "Dupade cho ayoré ujñapetáguiji uté."
23¿Ama Dupade uruode udore uje chojninga: "Dupade cho ayoré ujñapetáguiji uté," chedu re ome Abraham, uje purusãracho nanique a? ¡Úngare! 24Dupade uruode udore purusãracho ome uyoque to arı̃a. Yojningane u uyoque gosode jnese uje Dupade a cho ayoré ujñapetáguiji yoque jne. Uje chapuse udore ore jnese aja uje ore chicha danguretigai aja Uté uje chiringare Yocangarádejnai Jesús uté iji datoringai. 25Jesús uté u uje pẽrate nanique ome dáringai chuque iji yoquiyaridi ujetiga chimate yoquisijnaringuéone oré, enga piringarãque aja gaté iji quigade ome yocúringáringo ujñapetaque yui.
موجودہ انتخاب:
Romános 4: Ayore
سرخی
کاپی
موازنہ
شئیر
کیا آپ جاہتے ہیں کہ آپ کی سرکیاں آپ کی devices پر محفوظ ہوں؟ Sign up or sign in
© 2021 Ethnos360
Romános 4
4
Páblo chacãra daruode aja Abraham uté, uje Dupade cho ayoré ujñapetáguiji Abraham uté to gu uje chedu changureta Dupade uté
1¿Ama yocujnusinamátique cucha ome judı́ode yocãrapi uté Abraham? ¿Ama Abraham chimo dáringai ujñapetágome re gu ipesutique cucha ya? 2Yirajágo uje que ipesudode cucha u. Ujetiga Abraham uté ate arétique chimanirase uté aja dáringárique ujñapetaque ome Dupade, enga a jé tiógararása ujetiga uté chisı́rase dabánique. Mu a jé ca toguı́rase arı̃a ujetiga doi ga chisírase dabai ome dapesutique cucha iji Dupade iquei. 3Jecute obiréjna uje que Dupade cho ayoré ujñapetáguiji uté ome ipesudode cucha. Chamáñaje Dupade uru cásodicáite chósi te ome Abraham: "Abraham changuretapise Dupade, jecute Dupade chopise ayoré ujñapetáguiji uté gu anguretigai."#4:3 Génesis capítulo 15, versículo 6 jé aja versículo 22 chatata Dupade isocai uté ome Abraham nanique.
4A qué yacaráma yuruode aja piroi ayoré jne uje doi dajnéone darósõri iroquéo. Uje uté irósõri cho oré, mu que cho derani regálo iji gotique, uje itrabajádi oredie u gu, enga pijoque uje que bisidéguei go. 5Jé basa ga Dupade cãrápisa dasocai ome pirósõri jnutiminore isocai uté. A máraque gosi ome dáringai pisijnaringuéone ipesusõre uté, mu chicha danguretigai aja Dupade uté, uje chiraja gu uje gusu Dupade uje isocai cuse ome pisijnaringuéone úringáringo pĩrocho, enga jogadi jé u uje Dupade cho ayoré ujñapetáguiji. Enga Dupade chedu gosi anguretigai ome re, enga uté ipesutique cucha que pimeraja gotique ome dáringai pimeserãque.
6Enga jnani bajai David uté urusarane quigode jé chopise udojo to nanique. Uje chatata uje pininaquei gajnesṍri tu gosi uje Dupade chı̃ro isijnaringuéone enga cho ayoré ujñapetáguiji. Enga que uté gosi adode u gotique uje chimate uté aja dáringai pimeserãque uté. Enga David uru cásodicáite udore chósi te:
7"¡Pininaquei gajnesórone u udore uje e pinoningañaque ore isijnaringuéone iji, uje e pı̃rocho udore ate gajnaréngone jnese ga que dépoji páyipieraque rı̃!
8¡Pininaquei gajnesṍri tu jnani uté gosi uje Pangarádejnai que chopo máranguiji uté rı̃!" #4:8 David uruode udojo jogadi tu Dupade uruode iji Sálmo capítulo 32, ga versículode 1 aja 2.
Dupade chapuse judı́ode, purása quedéjnane ore jnese aja ome dacaniratiguédatéi uté
9¿Ama jnani bajai David urusãráiso udore chedu judı́ode uyoque uje picaque uyoque a? ¿Jeoga purása quedéjnane ore gajnei urásu to ujetiga ore chimo dáringane pininaquei gajnesóño ome raque, uje que picaque ore mu? Ajnusináño Dupade uruode uje e yatatame uaque, uje chósi te: "Abraham changuretapise Dupade uruode, jecute Dupade chopise ayoré ujñapetáguiji uté gu anguretigai." 10Mu adójnachopı́sa cucha dacadi uté: ¿Ama e picaque Abraham uje Dupade chimesẽre uté, jeoga cáma picaque uté uje Dupade cho ayoré ujñapetáguiji nanique a?
¡Que Dupade chirote yui gotique ujetiga e picaque Abraham bajaque uje chimesẽre uté! Mu uje cáma picaque Abraham, mu Dupade e doi ga cho ayoré ujñapetáguiji uté. 11Enga cucha dacadode udojo quigade u uje quene Dupade chisı́ome cucha pijogúsõri "circuncisión"#4:11 Judíode jmapié u uje ore doi Dupade utoquéode quigode ome jnani bajai Abraham iji Génesis capítulo 17. Dupade chiroque Abraham aja nanique ujetiga paquesuque aoi uté iji ujnungungué gai, jé aja ape diyoquíode ujnungunguenie gáyode jnese. Imoi tu nanique uje Dupade cho dajnéngu ore, enga ore gajneque Dupade ingoméone cucha uje chichagája ore yui. uté ome Abraham. Enga jé u uje Abraham úringai ujñapetaque pijogúsõri tu icáchui uté, uje e chicha danguretigai aja Dupade bajaguı́ji yui nanique. Dupade gaidi tu gu ujetiga erámi unirisórone jnese ore cho daji Abraham casicaite ome ore anguretigai iji Dupade uté, uje que picaque ore mu.
12Enga Dupade gaidi tupo rĩ ujetiga judíode yoco yocaji Abraham uté. Jé ũré uje picaque judíode yocúdode, ga yocãrapi tu Abraham. Mu que qui turásu ujetiga cachi judíode ore chedu dacáchurique iji daoi gai enga ore cho daji Abraham gu dajmapié uaté. Mu yojningane u judíopísode uyoque uje yajnángo yocáqui gatei Abraham quigade iji jnumi ome anguretigai iji Dupade uté; uje cáma picaque Abraham nanique marı́nga, e chicha danguretigai aja Dupade uté.
Dupade ingoméone cucha omı́o uje chichaga aja Abraham yui nanique jé chuságaja udore jnese uje ore chicha danguretigai aja Dupade uté
13Ajnusináño uje nanique ga Dupade chichaga daru ueradode aja Abraham yui, enga jé chuságaja uté ájnape disi ejode ore jnese rı̃. Uje a ore chorase dajnéngu erámi jnese jne. Mu que Dupade ojningai tu ujetiga ore dorási Moisés urusarane cucha puyácho quigode jnese, enga quene Dupade ingoméone cucha chisı́rase ore. ¡Úngare! Mu cucha ujñapetai tu panguretigai ome Dupade, jecute uje Abraham changureta Dupade uruode ome re, enga jé u uje Dupade cho ayoré ujñapetáguiji. 14Mu ujetiga jé ũré enga Moisés urusarane cucha puyácho gaisórone urásu ujetiga ore gajneque Dupade ichagájade cucha omı́o udore, enga a cucha bisideguirase panguretigai. Enga a jé ca toguı́rase ujetiga Dupade ingoméone cucha udore chisı́rase dáringane tocachucho gotique. 15U gu uje Moisés urusarane cucha puyácho udore ujuyagaite dagaisórone ore, uje que gaisórone udore chijnimipise ãrírique gu. Enga chiborátaja uje gusu ore ijnimi tu Dupade ájningai ome re. Jé basa ga íjnonguirase cucha puyade ome erámi unirisórone uyoque, enga a jé ca toguı́rase jeta gosi chó gai gotique, uje ı́jnoque gu.#4:15 Obiréjna uje cucha puyade cuse arı̃a, enga jecucha gosi chó gai enga chise dáringai máraque ome dayógayode cucha puyácho udore, uje que ayorérique cuse iji erámi uje chimate udore aja guesi jnese.
16Jecute Dupade pésu ga yocajneque ingoméone cucha omío ome panguretigai uté. Gaidi tu gu ujetiga choqui guesi uje que tṍraji yocangoninguı́teguesáringane ome Moisés urusarane cucha puyácho udore, mu garani jé upúsu Dupade icaniratiguédatéi uté. Ome uté adi uté, ga Dupade chajo raja uje ingoméone cucha ome Abraham a chuságaja ájnape disi ejode jnese jne uje panguretigai déji ore. Enga qui tu uje que gusu ome Dupade anguresórone judı́o uyoque uje yajnángo Moisés urusarane cucha puyácho quigode, mu chapuse purása quedéjnane jnese aja to uje ore chirate Abraham aja anguretigai. Jecute yoco yocaji Abraham uté jnese ome yocanguretigai uté iji Dupade edominone. 17Enga pijoque uje ũréo udojo gu uje jé péroji Dupade uté ichagájade darúo ome Abraham nanique, uje chósi te: "Ayorébujnane a ore cho daji ua jnese jne iji danire dipeséode udore iji erámi údode." #4:17 Adójnacho Génesis capítulo 17, versículo 5 uté, uje chatata Dupade ichagájade darúo udore ome Abraham.
Abraham changuretapise Dupade ojningane udore yui ome re, enga Dupade cho ayoré ujñapetáguiji Abraham gu anguretigai uté
Dupade upúsu uje chichaga udore aja Abraham yui, enga que Dupade ajéningapúsu darúrique. Enga Abraham angureni Dupade uté upúsu uje ujopı́erãque ga chiringare togode ga ore ecápo rı̃. Ga uté jé upo rı̃ uje chiroque cuchade aja dáringane tocachucho uje qué erã́ta yui.#4:17 Adójnacho uje Dupade chatata Abraham ape disi ejórigo úringane dipeséjna ome uté uje qué erã́ta yui nanique. Cáma Abraham atique cuse gotique, enga acoté Sára aberepe, jecute chorase ujetiga tocho ore.
18Ujetiga Abraham uté tangárirási dáringárique ayoré, enga a chárasu dangoroné ome Dupade ichagájade cucha yúode, ujetiga disı́rique tṍraji uté. Mu uje Dupade quene chichaga ape disi ejórigo aja yui, enga Abraham changuretapise uruode, ga que cha dangoroné ome yui gotique. Enga jé ũré uje Abraham chise dáringai punirı́sõre uásejna ore dai uté. Enga cucha dacadode udojo jé péropı́siji Dupade uruode ome Abraham ape disi ejórigo uje chojninga: "A jiépisi ore jne."#4:18 Dupade uruode udojo jogadi u Génesis 15:5, uje chatata uje Abraham ape disi ejórigo ore batigai a jé chorase guédodie udire batigai jne.
19E Abraham guejnanie siquerei chirõre 100 años uje Dupade chingo ape disi ejode aja. Enga Abraham chidójnanga dáringai choquı́jnape, ga chiraja uje aoi eyuque. Chirajápo rı̃ uje gatájnupié dacoté Sára uaté, ga que toguı́rase ujetiga ica base. Mu que Abraham uté anguretigai doi jnutique ome darajade cucha udore gotique. 20Que áyipie cho sebégome Dupade ingoméone cucha yúode, mu chidota re iji danguretigai, enga anguretigai quérã gaté. Enga jé u uje Abraham uté chisi Dupade gai ome úringai ingoningarãque, uje áyipie que chamurase Dupade ingoméone cucha udore. 21Jé ũré uje que potigayaquérique chimo Abraham ome Dupade ingoméone cucha yúode. Chiraja gu uje ujopı́erãque Dupade, ga que toque ujetiga ca chimate dachagájade darúo aja guesi, mu a tocade jnese jne. 22Jecute ome Abraham anguretigai uté, ga Dupade uruode chósi te: "Dupade cho ayoré ujñapetáguiji uté."
23¿Ama Dupade uruode udore uje chojninga: "Dupade cho ayoré ujñapetáguiji uté," chedu re ome Abraham, uje purusãracho nanique a? ¡Úngare! 24Dupade uruode udore purusãracho ome uyoque to arı̃a. Yojningane u uyoque gosode jnese uje Dupade a cho ayoré ujñapetáguiji yoque jne. Uje chapuse udore ore jnese aja uje ore chicha danguretigai aja Uté uje chiringare Yocangarádejnai Jesús uté iji datoringai. 25Jesús uté u uje pẽrate nanique ome dáringai chuque iji yoquiyaridi ujetiga chimate yoquisijnaringuéone oré, enga piringarãque aja gaté iji quigade ome yocúringáringo ujñapetaque yui.
موجودہ انتخاب:
:
سرخی
کاپی
موازنہ
شئیر
کیا آپ جاہتے ہیں کہ آپ کی سرکیاں آپ کی devices پر محفوظ ہوں؟ Sign up or sign in
© 2021 Ethnos360