Romános 2
2
Jé ũrepise Dupade ome dajirigode yocacho jnese
1-2Yirajágo uje jé tiógara ujetiga Dupade cho dajuñame erámi unirisórone ore ome ore ipesudode cucha gajnarécho udore.
Mu uaque gosi a chojningárasa: "A jé ũré ua jõ. Omitigai turásu ujetiga Dupade cho dajuñame ayoré unejai uté, uje gajnareque adode gu."
¡Mu chimo jóroque re, uje bedugádi u ayoré unejai uté adode ome bajiritigade udore, uje uacaba gajnéone cucha cho ñane mu! Jecute máraque ua to, enga Dupade gajnepı́di turásu ujetiga cho dajuñame ua to. 3Ayoré ajirisṍri á, ¿ama ajos eti ajnimı́rase ua iji Dupade ujuyaquéode jmainie jne a? Báyipie qui jé u jórogu ujetiga apite ome Dupade ujuyaquei uté. Mu que togome ua, uje baba gajnéone cucha jé chopise bajirigode ayoré ore ate gajnaréngone gu.
Osõrataque Dupade, jecute que ujuyaquei jı̃raque chise pisijnaringuéone ipesusórone uyoque
4E bamo uje Dupade chingongara cutejmai dacaniratiguéode aja ua. Bamo uje uté chidota rome cuchade ga bajos eti ca Dupade ujuyaquei uté diji ua jne gu uje cáma tocade ujuyaquei. Jecute bo cucha bisidéguiji uté átegoningáne ome ua. ¿Ama jé ca adójnanga to a? uje Dupade chisı́ome piotiguei ome ua ujetiga écãre báyipiedie quigode ome basijnaringuéone udore quigode, jecute chingongara dacaniratiguéode, dajnoraquei ore aja ua. 5Mu betéquetı́ écãre báyipie quitique ome basijnaringuéone udore, enga jecucha bacusu ua. Ga jé babo bate gajnaréngone údi, údi, ga bañerane cucha jé u Dupade ujuyaquéode ome ua aja uté ojningai dire yui. Enga diri tuté upúsu uje Dupade a chõre dajuyaquéode ome ua jne.
¡Iji Dupade ájningadatéi tocachúringai dire uté jne, enga jé u uje uté ajiritı́ga uréone ome erámi unirisórone jnese a choquipı́siji guesi jne!
Dupade a cho yoquipesudode cucha jnese oré jne
6Iji Dupade ojningai jogapi dire uté, enga a cho oré erámi unirisórone, yoquipesudode cucha jnese. Enga oredie a jé chirate ayoré chojmara, chojmarane ipesudode cucha jne. Jetiga gajnareque gosi ipesudode ga gajnarénguei oredie. Jé basa ga ueracho gosi ipesudode ga ueradei oredie ome.
7Uje ome gosode ujetiga ore chidota re iji date arégode gatuaque, enga a ore chimo oredie, ga ueradei oredie uje Dupade a chisı́ome ore jne. Yojningane u udore uje ore ajegáitedatéi tu dáringárique pisı́gai ome Dupade uté, enga ore chejna daguesi ome cucha eyúgojmane, uje Dupade ingoningájnai u, enga ore jnusi rome Dupade guerani pucuecaringué uté yui uje que eruénique cuse. Ujetiga gosi isocai tu uté, enga Dupade a cho gosi oré ga oré tu pucuecaringué eyúgojmai iji deréjna pitade jnese jne.
8¿Mu Dupade cho ringome gosode uje ore chosi riji gaté, ga ore áyipie jé jogate re? Dupade cho júruru ome ore, arı̃a. Uje ore cho cusu, cusúgome cucha uréone gu, jé aja uje uajate ore iji date gajnaréngone. Enga a quene ore chimo oré jne ome re, mu gajnarengue oredie, enga Dupade ujuyaquédatéi jé u. Enga ujuyaquei ome ore a jé ca chajire rome ore jne. 9Ayoré ponáyone udore ore jnese a chejnárengui jóroque re ome dajnéone pujuyaquéo jne, ga páyuguhebátigadatéi a quene yore ore gai jne. Enga bajade u judı́ode ore jne uje ore gajnei tu ujetiga ore cho daba date gajnaréngone udore. Mu judı́ode que ore cãraque re ome páyuguhebátigadatéi uté. Uje purása quedéjnane ore gajnecápo to rı̃ ujetiga ore chejnáreque re ome dajnéone Dupade ujuyaquéo.
10Jé basa ga ome ate ujñapetade udore iji erámi unirisórone ore ujade, ga a pisi ore gai jne. Enga ore gajneque Dupade ingoningájnai, jé aja uté guerani pajesereringa uté. Enga bajade u judı́ode ore jne jeta ore cho dajnéngu udore, mu purása unejángone jé upo to rı̃.
11¡Uje yoco ñane jnese iji Dupade iquei arı̃a! Ujetiga judı́o uyoque gosi, jeoga purása unejaque uyoque gosi, mu ũrepise Dupade ome ajiritigade uje chajire yocadode aja quigode jnese.
Dupade ujuyágaidóde u pate gajnaréngone ipesusórone, enga a jé ca chimoque páyipie pipoguiédedie to jne
12Ome purása quedéjnane udore jnese uje ore chirajaque Moisés urusarane Dupade uru pirosobácho quigode, enga ore pésu pisijnaringuéone iji dáringane agúpurayó údi, mu a parãte ore jnese aja Dupade ujuyaquei jne. Uje ı́jnoque Moisés urusarane ome ore marı́nga, a ore jnese cho daba dapesute gajnaréngone udore gu uje pisijnaringuéone ipesusórone jnese úringane máracho cuse gu ome Dupade.
Jé basa ga judı́ode udore ore uje ore chiraja Moisés urusarane Dupade uru pirosobácho udore mu ore chó ojningane cucha gai, enga a parãte ore aja Dupade ujuyaquei jnese jne. Ome ore ga Dupade a chijna Moisés urusarane udore enga a chasingare ore aja ujetiga chajire ore adode aja quigode. 13Obiréjna arı̃a uje Dupade que cho ayoré ujñapetáguiji gosode uje cachi ore chudute Moisés urusarane bisideque. Mu Dupade a cho ayoré ujñapetáguiji udore ore jne uje angoninguite guesaque ore ga ore dopı́si uruode udore quigode jnese.
14-15Jé ũré uje pisı́ome Moisés urusarane Dupade uru pirosobácho ome judı́ode ore, enga que purása quedéjnane ore cho dajnéngu to. Mu uje purása quedéjnane ore doi Moisés urusarane quigode uje que pacadique ore ome mu, enga jé chorase ujetiga purusãracho Moisés urusarane quigode iji ore áyipiepı́sedie. Pijoque udojo gu uje ore cãra cucha gajnaréngone, cucha arégode ore iji ñane iji dajéode. A udore uñeque isocai gajnareque, enga chorase ujetiga gosi áyipie iji ajépisi chaquı̃́ra uté, ga chojningame uté: "Gajnareque basocai uté arı̃a," ga aguté cho jora ome date gajnarei uté. Jé basa ga uerate gosi ipesudode dacho, ga gosi ipijogútodie u dáyipiedie to ome dapesute ueradode udore, ga cho ujetiga gosi áyipie iji ajépisi chojningame uté: "Uerate basocai uté jõ," enga jé u uje áyipie iji ajei chirota uté gosi. Enga isocai jé u uté uje ore áyipiedie cho ore quique ome cuchade, uje cáma ore chudute Moisés urusarane Dupade uru pirosobácho mu.
16Iji Dupade ajegaitique dire jne enga a chuchẽri cucha dacadode jnese iji guesode. Enga Dupade angúromei tu datocaidi Jesucrı́sto jne ome udore ujetiga chajire erámi unirisórone jnese ore adode aja quigode, enga a cho ore oré jnese. Enga uté ajiritı́ga uréone udore a chuságaja páyipie pipoguiédedie jnese to jne.
Jecucha yáta cuchade udojo aja yacajnaquéode ome ayoréode gatuaque, uje yacate ore ome pujnomé ueradi quigode.
Páblo chatatame judíode uje jé ũré uje Moisés urusarane déji ore, mu ore cho cucha bisidéguiji quigode
17E yuruode quisórone upúsu uaque uje uaquẽ́cacho judı́ode aja uaque. ¿Ome uacajéode ga jé ca Dupade ujuyaquéode chuságaja judı́ode uaque to jne a? Judı́ogosábi á, ga a ajos eti ca cuchárique chósi tiji judı́ode uaque gu uje Moisés urusarane Dupade uru pirosobácho déji uaque. Enga ja seca asi babai ome bojórigo ayoréo ore gu uje Dupade cãra judı́ode uágome re ga cho darása iji uaque. 18Baraja Dupade ajegaidode cucha arı̃a, uje e bajiripise Moisés urusarane Dupade uru pirosobácho aja quigode gu. Enga jé u uje chiese ome bajéode ga cucha ujñapetade quigode choqui guesi ome ua, uje purása uñane que ore chiraja quigode mu. 19Jecute basi babai ome ore, ga bajos eti bajnui jé upúsu edoparigode ore ijñai uté aja Dupade yui. Enga chiese ua u to uje bajñate udore ore áyipiedie gáyode to uje qué ore déji ijnangununie ajéode, ome bajéode. 20Ua u uje bangureta ua ome báringai agúpurayóde ore oquisõre. Ua jé upo rı̃ ome bajéode uje bacadı́rase disi parátagabode gajnúone uje cáma ore chiraja Dupade uru pirosobádode udore quigode. Ome bajoyaquéode ga chiese arajapise Dupade gajnéone cucha jnese, uje ome bajéode, ga cucha uréone, pirajatigade jnese dépisi Moisés urusarane udore, enga judı́ode uacajnenguipı́so Moisés urusarane udore.
21Mu quedéjna gu uje que bepı́si Moisés urusarane quigode, uje baraja mu. Bacajnaquéode júdi u ome ayoré unejángone ujetiga ore doi Moisés urusarane quigode, mu ¿gotique chimo jóroque re uje que bacajnaquéode catája báyipieraque to? Jé barúbecho ome ayoré unejángone to ujetiga jé ca ore toria cuchárique, uje Dupade uru pirosobádode udore chãraque poriquéode. ¿Mu jé ca ayó Dupade uruode udore gáyode to a? 22Baquı̃́ra bojórigo ayoré jeta jé ca ore tungarája chequé quedéjnaraque, ¿mu ca angarája chequé unejángueraque to a? Betéquedatéode u dupa quedéjnaringo, mu que cucha ome ua ujetiga oria dupa quedéjnane udore gajnéone cucha orerã́cho iji ore iguı́jna puyade ajéode.
23Judı́ogosi á, basi babai gu uje Moisés urusarane Dupade uru pirosobácho déji judı́ode uaque, mu que cuchárique tṍraji uacarajatigade udore uje uacayóyo uruode gai. ¡Enga jogadi jé u uje uacoyo cucha iyiéguiji Dupade uté uje chisı́ome daru pirosobádode ome uaque! 24Enga jé chiborátaja uje purása quedéjnane ore cho cucha iyiéguiji uacangureni Dupade to, uje ore pañaji judı́ode uacadode udore. Chopise profétade ore urusarane Dupade urúo icaite, uje chósi te:
–Purása quedéjnane ore dojnóngaja Dupade i, ga gose judı́ode uacangoninguite paritigade ome uté.–#2:24 Profétade udore urusarane udojo jogadode u Isaías 52:5, jé aja Ezequiel 36:22.
Judı́ode ore isocabei uté uje i tu "circuncisión" que chãraque ore ome Dupade ujuyaquei gotique
25Judı́ogosi á, ja seca ome bajéode, ga báringai picaque#2:25 Judı́ode jmapié u uje ore doi Dupade utoquéode quigode ome jnani bajai Abraham iji Génesis capı́tulo 17. Dupade chiroque Abraham aja nanique ujetiga paquesuque aoi uté iji ujnungungué gai, jé aja ape diyoquı́ode ujnungunguenie gáyode jnese. Imoi tu nanique uje Dupade cho dajnéngu ore, enga ore gajneque Dupade ingoméone cucha uje chichagája ore yui. charanguirase ua ome Dupade ujuyaquei uté. Jé ũré uje bapijógome báringai Dupade urása ome basocai uté ujetiga ajuse Moisés urusarane cucha puyácho guio. Mu ujetiga ca ajuse Moisés urusarane cucha puyácho udore guio, enga que cuchárique tṍraji basocai uté, enga jé chorase ujetiga cáma paquesuque baoi tiji bajnungungué gai gotique.
26Jé basa ga ujetiga purása quedéjnarique dérasi uje que doi judı́ode yoquisocabei uté mu dopı́si Moisés urusarane Dupade uru pirosobácho udore quigode, enga ¿Dupade chorási ringome uté gosi a? Dupade a chimesẽrirase uté arı̃a, enga a jé chorase darása iji uté, uje que paquesuque aoi tiji ujnungungué gai mu.
27Que gusu uté, mu ujetiga purása quedéjnai uté dopı́si Moisés urusarane quigode uje que picaque mu, enga qui tu uje uté sué babai ome uté úringai areque. Enga jé u uje báringai máraque a choquı́pisiji guesi jne. Uje Moisés urusarane gajnengóri tu ua, mu angoninguite parique ua ome Dupade uru pirosobádode udore, uje paquesuque baoi tiji bajnungungué gai mu, ome báringai judı́o.
Dupade a chisi udore ore gáyode uje ujñapetei ore áyipiedie ome uté, enga cho judíopı́so iji ore
28-29A judı́o gosi, mu que judı́opise go ujetiga ca ujñapeté áyipie uaté ome Dupade. Uje a picaque gosi mu áyipie chedu pisoca guesı́minóri uté iji aoi gai, enga que cuchárique tṍraji uté. Jé basa ga gosi áyipie chejna raja Dupade enga judı́opise uté gosi. Uje úringai judı́opise que tṍraji úringárique picaque go iji Dupade edominone. Que garani tupo Moisés urusarane udore, mu garani tu Dupade Ujopié Espı́ritu Sánto uje chécãre uté gosi áyipiedie quigode. Enga quene ũré enga judı́opise gosi. Ja seca ca uté ujórique ayoré chisi gai ome úringai judı́o, mu Dupade u uje chiraja páyipie quigode jnese, ga chisi uté gai ga chojningame uté: "Yo yajnéngu ua."
موجودہ انتخاب:
Romános 2: Ayore
سرخی
کاپی
موازنہ
شئیر
کیا آپ جاہتے ہیں کہ آپ کی سرکیاں آپ کی devices پر محفوظ ہوں؟ Sign up or sign in
© 2021 Ethnos360
Romános 2
2
Jé ũrepise Dupade ome dajirigode yocacho jnese
1-2Yirajágo uje jé tiógara ujetiga Dupade cho dajuñame erámi unirisórone ore ome ore ipesudode cucha gajnarécho udore.
Mu uaque gosi a chojningárasa: "A jé ũré ua jõ. Omitigai turásu ujetiga Dupade cho dajuñame ayoré unejai uté, uje gajnareque adode gu."
¡Mu chimo jóroque re, uje bedugádi u ayoré unejai uté adode ome bajiritigade udore, uje uacaba gajnéone cucha cho ñane mu! Jecute máraque ua to, enga Dupade gajnepı́di turásu ujetiga cho dajuñame ua to. 3Ayoré ajirisṍri á, ¿ama ajos eti ajnimı́rase ua iji Dupade ujuyaquéode jmainie jne a? Báyipie qui jé u jórogu ujetiga apite ome Dupade ujuyaquei uté. Mu que togome ua, uje baba gajnéone cucha jé chopise bajirigode ayoré ore ate gajnaréngone gu.
Osõrataque Dupade, jecute que ujuyaquei jı̃raque chise pisijnaringuéone ipesusórone uyoque
4E bamo uje Dupade chingongara cutejmai dacaniratiguéode aja ua. Bamo uje uté chidota rome cuchade ga bajos eti ca Dupade ujuyaquei uté diji ua jne gu uje cáma tocade ujuyaquei. Jecute bo cucha bisidéguiji uté átegoningáne ome ua. ¿Ama jé ca adójnanga to a? uje Dupade chisı́ome piotiguei ome ua ujetiga écãre báyipiedie quigode ome basijnaringuéone udore quigode, jecute chingongara dacaniratiguéode, dajnoraquei ore aja ua. 5Mu betéquetı́ écãre báyipie quitique ome basijnaringuéone udore, enga jecucha bacusu ua. Ga jé babo bate gajnaréngone údi, údi, ga bañerane cucha jé u Dupade ujuyaquéode ome ua aja uté ojningai dire yui. Enga diri tuté upúsu uje Dupade a chõre dajuyaquéode ome ua jne.
¡Iji Dupade ájningadatéi tocachúringai dire uté jne, enga jé u uje uté ajiritı́ga uréone ome erámi unirisórone jnese a choquipı́siji guesi jne!
Dupade a cho yoquipesudode cucha jnese oré jne
6Iji Dupade ojningai jogapi dire uté, enga a cho oré erámi unirisórone, yoquipesudode cucha jnese. Enga oredie a jé chirate ayoré chojmara, chojmarane ipesudode cucha jne. Jetiga gajnareque gosi ipesudode ga gajnarénguei oredie. Jé basa ga ueracho gosi ipesudode ga ueradei oredie ome.
7Uje ome gosode ujetiga ore chidota re iji date arégode gatuaque, enga a ore chimo oredie, ga ueradei oredie uje Dupade a chisı́ome ore jne. Yojningane u udore uje ore ajegáitedatéi tu dáringárique pisı́gai ome Dupade uté, enga ore chejna daguesi ome cucha eyúgojmane, uje Dupade ingoningájnai u, enga ore jnusi rome Dupade guerani pucuecaringué uté yui uje que eruénique cuse. Ujetiga gosi isocai tu uté, enga Dupade a cho gosi oré ga oré tu pucuecaringué eyúgojmai iji deréjna pitade jnese jne.
8¿Mu Dupade cho ringome gosode uje ore chosi riji gaté, ga ore áyipie jé jogate re? Dupade cho júruru ome ore, arı̃a. Uje ore cho cusu, cusúgome cucha uréone gu, jé aja uje uajate ore iji date gajnaréngone. Enga a quene ore chimo oré jne ome re, mu gajnarengue oredie, enga Dupade ujuyaquédatéi jé u. Enga ujuyaquei ome ore a jé ca chajire rome ore jne. 9Ayoré ponáyone udore ore jnese a chejnárengui jóroque re ome dajnéone pujuyaquéo jne, ga páyuguhebátigadatéi a quene yore ore gai jne. Enga bajade u judı́ode ore jne uje ore gajnei tu ujetiga ore cho daba date gajnaréngone udore. Mu judı́ode que ore cãraque re ome páyuguhebátigadatéi uté. Uje purása quedéjnane ore gajnecápo to rı̃ ujetiga ore chejnáreque re ome dajnéone Dupade ujuyaquéo.
10Jé basa ga ome ate ujñapetade udore iji erámi unirisórone ore ujade, ga a pisi ore gai jne. Enga ore gajneque Dupade ingoningájnai, jé aja uté guerani pajesereringa uté. Enga bajade u judı́ode ore jne jeta ore cho dajnéngu udore, mu purása unejángone jé upo to rı̃.
11¡Uje yoco ñane jnese iji Dupade iquei arı̃a! Ujetiga judı́o uyoque gosi, jeoga purása unejaque uyoque gosi, mu ũrepise Dupade ome ajiritigade uje chajire yocadode aja quigode jnese.
Dupade ujuyágaidóde u pate gajnaréngone ipesusórone, enga a jé ca chimoque páyipie pipoguiédedie to jne
12Ome purása quedéjnane udore jnese uje ore chirajaque Moisés urusarane Dupade uru pirosobácho quigode, enga ore pésu pisijnaringuéone iji dáringane agúpurayó údi, mu a parãte ore jnese aja Dupade ujuyaquei jne. Uje ı́jnoque Moisés urusarane ome ore marı́nga, a ore jnese cho daba dapesute gajnaréngone udore gu uje pisijnaringuéone ipesusórone jnese úringane máracho cuse gu ome Dupade.
Jé basa ga judı́ode udore ore uje ore chiraja Moisés urusarane Dupade uru pirosobácho udore mu ore chó ojningane cucha gai, enga a parãte ore aja Dupade ujuyaquei jnese jne. Ome ore ga Dupade a chijna Moisés urusarane udore enga a chasingare ore aja ujetiga chajire ore adode aja quigode. 13Obiréjna arı̃a uje Dupade que cho ayoré ujñapetáguiji gosode uje cachi ore chudute Moisés urusarane bisideque. Mu Dupade a cho ayoré ujñapetáguiji udore ore jne uje angoninguite guesaque ore ga ore dopı́si uruode udore quigode jnese.
14-15Jé ũré uje pisı́ome Moisés urusarane Dupade uru pirosobácho ome judı́ode ore, enga que purása quedéjnane ore cho dajnéngu to. Mu uje purása quedéjnane ore doi Moisés urusarane quigode uje que pacadique ore ome mu, enga jé chorase ujetiga purusãracho Moisés urusarane quigode iji ore áyipiepı́sedie. Pijoque udojo gu uje ore cãra cucha gajnaréngone, cucha arégode ore iji ñane iji dajéode. A udore uñeque isocai gajnareque, enga chorase ujetiga gosi áyipie iji ajépisi chaquı̃́ra uté, ga chojningame uté: "Gajnareque basocai uté arı̃a," ga aguté cho jora ome date gajnarei uté. Jé basa ga uerate gosi ipesudode dacho, ga gosi ipijogútodie u dáyipiedie to ome dapesute ueradode udore, ga cho ujetiga gosi áyipie iji ajépisi chojningame uté: "Uerate basocai uté jõ," enga jé u uje áyipie iji ajei chirota uté gosi. Enga isocai jé u uté uje ore áyipiedie cho ore quique ome cuchade, uje cáma ore chudute Moisés urusarane Dupade uru pirosobácho mu.
16Iji Dupade ajegaitique dire jne enga a chuchẽri cucha dacadode jnese iji guesode. Enga Dupade angúromei tu datocaidi Jesucrı́sto jne ome udore ujetiga chajire erámi unirisórone jnese ore adode aja quigode, enga a cho ore oré jnese. Enga uté ajiritı́ga uréone udore a chuságaja páyipie pipoguiédedie jnese to jne.
Jecucha yáta cuchade udojo aja yacajnaquéode ome ayoréode gatuaque, uje yacate ore ome pujnomé ueradi quigode.
Páblo chatatame judíode uje jé ũré uje Moisés urusarane déji ore, mu ore cho cucha bisidéguiji quigode
17E yuruode quisórone upúsu uaque uje uaquẽ́cacho judı́ode aja uaque. ¿Ome uacajéode ga jé ca Dupade ujuyaquéode chuságaja judı́ode uaque to jne a? Judı́ogosábi á, ga a ajos eti ca cuchárique chósi tiji judı́ode uaque gu uje Moisés urusarane Dupade uru pirosobácho déji uaque. Enga ja seca asi babai ome bojórigo ayoréo ore gu uje Dupade cãra judı́ode uágome re ga cho darása iji uaque. 18Baraja Dupade ajegaidode cucha arı̃a, uje e bajiripise Moisés urusarane Dupade uru pirosobácho aja quigode gu. Enga jé u uje chiese ome bajéode ga cucha ujñapetade quigode choqui guesi ome ua, uje purása uñane que ore chiraja quigode mu. 19Jecute basi babai ome ore, ga bajos eti bajnui jé upúsu edoparigode ore ijñai uté aja Dupade yui. Enga chiese ua u to uje bajñate udore ore áyipiedie gáyode to uje qué ore déji ijnangununie ajéode, ome bajéode. 20Ua u uje bangureta ua ome báringai agúpurayóde ore oquisõre. Ua jé upo rı̃ ome bajéode uje bacadı́rase disi parátagabode gajnúone uje cáma ore chiraja Dupade uru pirosobádode udore quigode. Ome bajoyaquéode ga chiese arajapise Dupade gajnéone cucha jnese, uje ome bajéode, ga cucha uréone, pirajatigade jnese dépisi Moisés urusarane udore, enga judı́ode uacajnenguipı́so Moisés urusarane udore.
21Mu quedéjna gu uje que bepı́si Moisés urusarane quigode, uje baraja mu. Bacajnaquéode júdi u ome ayoré unejángone ujetiga ore doi Moisés urusarane quigode, mu ¿gotique chimo jóroque re uje que bacajnaquéode catája báyipieraque to? Jé barúbecho ome ayoré unejángone to ujetiga jé ca ore toria cuchárique, uje Dupade uru pirosobádode udore chãraque poriquéode. ¿Mu jé ca ayó Dupade uruode udore gáyode to a? 22Baquı̃́ra bojórigo ayoré jeta jé ca ore tungarája chequé quedéjnaraque, ¿mu ca angarája chequé unejángueraque to a? Betéquedatéode u dupa quedéjnaringo, mu que cucha ome ua ujetiga oria dupa quedéjnane udore gajnéone cucha orerã́cho iji ore iguı́jna puyade ajéode.
23Judı́ogosi á, basi babai gu uje Moisés urusarane Dupade uru pirosobácho déji judı́ode uaque, mu que cuchárique tṍraji uacarajatigade udore uje uacayóyo uruode gai. ¡Enga jogadi jé u uje uacoyo cucha iyiéguiji Dupade uté uje chisı́ome daru pirosobádode ome uaque! 24Enga jé chiborátaja uje purása quedéjnane ore cho cucha iyiéguiji uacangureni Dupade to, uje ore pañaji judı́ode uacadode udore. Chopise profétade ore urusarane Dupade urúo icaite, uje chósi te:
–Purása quedéjnane ore dojnóngaja Dupade i, ga gose judı́ode uacangoninguite paritigade ome uté.–#2:24 Profétade udore urusarane udojo jogadode u Isaías 52:5, jé aja Ezequiel 36:22.
Judı́ode ore isocabei uté uje i tu "circuncisión" que chãraque ore ome Dupade ujuyaquei gotique
25Judı́ogosi á, ja seca ome bajéode, ga báringai picaque#2:25 Judı́ode jmapié u uje ore doi Dupade utoquéode quigode ome jnani bajai Abraham iji Génesis capı́tulo 17. Dupade chiroque Abraham aja nanique ujetiga paquesuque aoi uté iji ujnungungué gai, jé aja ape diyoquı́ode ujnungunguenie gáyode jnese. Imoi tu nanique uje Dupade cho dajnéngu ore, enga ore gajneque Dupade ingoméone cucha uje chichagája ore yui. charanguirase ua ome Dupade ujuyaquei uté. Jé ũré uje bapijógome báringai Dupade urása ome basocai uté ujetiga ajuse Moisés urusarane cucha puyácho guio. Mu ujetiga ca ajuse Moisés urusarane cucha puyácho udore guio, enga que cuchárique tṍraji basocai uté, enga jé chorase ujetiga cáma paquesuque baoi tiji bajnungungué gai gotique.
26Jé basa ga ujetiga purása quedéjnarique dérasi uje que doi judı́ode yoquisocabei uté mu dopı́si Moisés urusarane Dupade uru pirosobácho udore quigode, enga ¿Dupade chorási ringome uté gosi a? Dupade a chimesẽrirase uté arı̃a, enga a jé chorase darása iji uté, uje que paquesuque aoi tiji ujnungungué gai mu.
27Que gusu uté, mu ujetiga purása quedéjnai uté dopı́si Moisés urusarane quigode uje que picaque mu, enga qui tu uje uté sué babai ome uté úringai areque. Enga jé u uje báringai máraque a choquı́pisiji guesi jne. Uje Moisés urusarane gajnengóri tu ua, mu angoninguite parique ua ome Dupade uru pirosobádode udore, uje paquesuque baoi tiji bajnungungué gai mu, ome báringai judı́o.
Dupade a chisi udore ore gáyode uje ujñapetei ore áyipiedie ome uté, enga cho judíopı́so iji ore
28-29A judı́o gosi, mu que judı́opise go ujetiga ca ujñapeté áyipie uaté ome Dupade. Uje a picaque gosi mu áyipie chedu pisoca guesı́minóri uté iji aoi gai, enga que cuchárique tṍraji uté. Jé basa ga gosi áyipie chejna raja Dupade enga judı́opise uté gosi. Uje úringai judı́opise que tṍraji úringárique picaque go iji Dupade edominone. Que garani tupo Moisés urusarane udore, mu garani tu Dupade Ujopié Espı́ritu Sánto uje chécãre uté gosi áyipiedie quigode. Enga quene ũré enga judı́opise gosi. Ja seca ca uté ujórique ayoré chisi gai ome úringai judı́o, mu Dupade u uje chiraja páyipie quigode jnese, ga chisi uté gai ga chojningame uté: "Yo yajnéngu ua."
موجودہ انتخاب:
:
سرخی
کاپی
موازنہ
شئیر
کیا آپ جاہتے ہیں کہ آپ کی سرکیاں آپ کی devices پر محفوظ ہوں؟ Sign up or sign in
© 2021 Ethnos360