Romános 14
14
Jé ca Jesús anguresórone yocajnepídi tu arĩa jetiga yajico ñane adode aja quigode
Yoquirósõri tupúsu Jesucrísto, enga uté gajneque jetiga pésu dáyipie ome yoquipesudode cucha jnese ome re
1Pijoque uje Jesús anguresõre uñane déji uje cáma etoque ore iji danguretigai. Mu jeta udore uñeque chise uaque, enga uacajnepídi u ujetiga amesẽcho uté gosi enga anejecho údode ujetiga cháta raja uaque to. E mu que uacagaidi urásu gotique ujetiga abóso uté ome caranguenie dáyipiei ome uaque. 2Uacamóño gu uje Jesús anguresõre uñane anguretigai etoque ga pujuegate cucha pibose ponáyone jnese ome ore ajéode, jecute ore chapuse dameserane cucha pibose aja jnese. Jé basa ga uñane déji uje cáma etoque ore iji danguretigai, enga ore chotigase jeta Dupade juéga cucha arione ome ore, jecute ore cho cucha puyáguiji uté. Enga ore chedu cucha pacade adie uje i tu "verdúras." 3Mu ome gosi uje chapuse dameserane cucha pibose aja jnese ga, jé ca uté pojárasa uté gosi uje chãraque re ome cucha pibosode uñane úringáringo pibose.
Jé basa ga uté gosi uje chotigase jetiga Dupade juéga cucha pibosode uñane ome re ga, a jé ca chorase máranguiji uti uñai uje juéga cucha pibose ponáyone úringane pibose ome re, uje Dupade u uje e chimesẽre udore jnese gu. 4¿Ama gosi ua ya, ujetiga acué uñeque irótique iyoguérique cucha? Uté irósõri u Dupade arĩa, enga que ua u. Jecute, ujetiga jé uajate gosi iji gaté ome danguretigai jeoga cṍra ome bajéode, mu uté irósõri Dupade gajneque jeta pésu dajéode ome daroi uté ipesudode cucha ome re, jetiga ueracho, jeoga gajnarécho. Enga pijoque uje iroi uté a uajádiji gaté jne. Chamáñaje Pangarádejnai etotiguei cuse jeta chátaja uté, ga a pésu uté úringai etóguiji gaté jne ome dáringai Dupade iroque.
Jesús anguresõre chojmara, chojmarane yocajneque jetiga yucuegoi Dupade áyipie ome yoque ome yoquisocade jnese
5Que gusu uje yingarángo yocáyipiedie ome ñane ome cucha pibotígo úringáringo pibose, mu yocadi uté jé chuságaja dirode uñane úringáringo cuchadaté ome ñane to. Jesús anguresõre uñéngo ore cho cucha puyáguiji dirode uñane, uje ome ore ajéode ga, Pangarádejnai áyipie jé u gu. Jé basa ga ome uñéngo ga dirode jnese chopise ñane iji jnumi, enga Pangarádejnai áyipie jé u ome ore to, ome ore ajéode. Mu cuchiyi tupúsu ujetiga Jesús anguresõre chojmara, chojmarane ore jnese chucuepísi Dupade áyipierágome re, jeta jé ca gosi áyipierigui cho quiyíguiyígui ome cuchade udojo. Uje uté gaidi tu gu ujetiga pijoguipise áyipie qui, ga jé ca aguté cho jora ome ipesudedie dáyipiei udire. 6Uacamóño uje a gosi cho cuchadaté iji dirode uñane ome ore úringane puyácho ome Pangarádejnai uté, uje gaidi u jetiga chisi uté gai ome dasocai uté. Ga adi jé u to ome gosi uje chapuse dameserane cucha pibose ponáyo aja, uje tagu dabosode ome Pangarádejnai uté úringai pisígai. Ga jé pijoque udojo gu uje uté chacãre Dupade gai ome dabosode udore. Jé basa ga uñeque chetaque cucha pibose uñane úringai pibose ome re, jecute que tagu udore to, mu gaidi tu jeta chedu Pangarádejnai úringárique pisígai ome dasocai uté, enga jé chacãre Dupade uté gai ome dabosode to. 7Jé obiréjna uje Jesucrísto anguresórone jnese yoquigaidi urásu ome yoquijmapiedie jnese ujetiga Pangarádejnai úringai pisígai jogadi tu iji yocucuecaringuei udé, enga jé chusagarásaja yoquitoringai. Uje que gusu yoque iji erámi udé arĩa, mu Yocajnesṍri cuse, enga yocajnei tu ujetiga yedugo uté áyipiedie ome yoque. 8Jecute ujetiga yiquecágo jeoga yitogoi marínga, jé qui chojmara uje yugúcoji yocajnesṍri Pangarádejnai Dupade jmainie gatuaque. Enga uté gajneque yocucuecaringuei, yoquitoringai jnese, jeta pisi uté gai ome pisocade udore jnese. 9Quigode jé upúsu uté uje Jesucrísto toi ome uyoque, ga nijiápo iji datoringai quigade ome dáringai ueca nanique rĩ; uje gaidi jé u ujetiga uté úringai Dupa Pujnuéngaisṍre cuse ome ayoré togode, ayoré uecade ore jnese.
10Jecute ome ua, ga ¿cuchárique u gu a, uje bacué bojórique Jesús anguresõre uté iyoguérique?#14:10 Cho jetiga Páblo pésu pregúnta ome uté gosi uje cáma etoque iji danguretigai, ga chedu cucha pacade adie "verdúras" ome dabosode. Adójnacho versículo 3. Jeoga ua, ga ¿gotique gu a uje babója bojórique Jesús anguresõre uté to?#14:10 Cho jetiga Páblo pésu dapregúnta ome uté gosi uje etoque iji danguretigai, ga chapuse dameserane cucha pibose aja jnese. (Adójnacho versículo 3.) Dupade gajnepídi tupúsu arĩa ujetiga pésu dáyipie ome yoquisocade udore jnese. Uje a yugúcoji uté iquei jnese jne, enga a yingongo yógaja uté jnese jne iji ajiripídi jogadi uté. Enga uté a chajire yocadode udore aja quigode jnese jne. 11Uje purusãracho udore quigode ome Dupade uruode urusãrasõre uñai icaite, uje chojninga:
"Ome yúringai Pangarádejna Ueca udé," Pangarádejnai chojninga, "yajo yuja yuruode udojo uje ayoré ponáyone udore jnese a ore chichaga dagataidie aja jnumi jne iji yiquei ome yúringai pisígai. Enga a ore jnese chatata jne iji pedominone uje gusúpusu yu ome yúringai Dupa." #14:11 Dupade uruode udojo uje Páblo chatata, udore jogadi tu Isaías 45:23.
12Jecute que potigayaquérique déji ome Pangarádejnai uruode udore uje Jesús anguresõre chojmara, chojmarane iji yoque a jé chatata dapesutígo cucha jnese jne ome Dupade iji edominone. ¡A jé yingongo yógaja uté jnese jne!
Yocajnepídi u jeta yujucópise yocujode Dupade anguresóño guio
Yoquigaidi u jeta jé ca yocuñeque pésu ga ujórique Jesús anguresõre cṍra iji danguretigai uté
13Jé ũrepise uje Dupade gajneque jeta chajire yocadode aja quigode jne, jecute yicoi ga yiyágo yoquijmapié uaté uje yucuegoi yocujórigo Jesús anguresõre iyoguérigo. Ga yipécorásu yocáyipiedie jeta jé ca yoquipesudode cucha uñeque gajnui turásu cucarané pucuáya jeoga pujuya ome gosi. Enga yoquigaidi turásu jetiga jé ca yoquisocárique pésu ga gosi basája pisijnaringuérique.#14:13 Páblo cho yoquiquique iji de jeta jé ca yoquipesudode cucha uñeque chorase cucarané pucuáyaraque uje yichagója uté guípiedie qui ome uté úringárique cõrachuque yui. Ja seca yoquisocai uté pésu ga uté cho caru iji danguretigai. Quique uñai tu uje gosi a cho puyáguiji cuchárique, mu chimo uje yipéjo, ga jé chorase pujuyáraque ome uté gosi. A chigaru uté, enga uté chirate yógaja yoquisocai uté, enga paguté joráraque jogadi turásu ome uté gosi.
14Yocangarádejnai Jesús chutṍri yu ome yisai udé jetiga yacate uágome cuchade udojo, jecute yirajapise yuruode udojo úringane ũréo. Enga qui u uje que puyaque cucha pibotique uñeque ome Dupade jeta gosi tagu. E mu jeta ome gosi ajéode enga cucha puyai u, enga jé ca uté gosi tagúrasu. Uje a pisijnaringuei tu ome gosi ujetiga cho cucha puyáguiji, mu jé tagu. 15Jecute, ujetiga apésu bojórique Jesús anguresõre áyuguhebátigai ome bameserane cucha pibose uje bagu udore, enga qui u uje badode udore que garani u pijnoraquei adode gotique ome gosi. ¡Que cuchadatei turásu cucha pibosode udore úringane pibose arĩa, mu cuchadatei tu bajnoraquei ome bojórique Jesús anguresõre! Bamo uje Crísto toi ome uté, jecute jé ca ajuéga jeta cucha aríone úringane pibose u uje nápisa uté aja jnumi. Ja seca basocai uté chiborátarásaja ujetiga uté chorase dedobóya Dupade uté.
16Yuruode udojo quique obiréjnai tudé ome uaque jnese: Jé uerate uacáyipie quigode arĩa ome uacajuegátigo cucha ome uaque. Mu ajuso uacadode guio ome udore úringane pipesucho jne, uje uacarajáyo ore úringane ueracho múñi. Enga uacagaidi urásu ujetiga jé ca asíñome piotiguérique ome uacojórigo ayoré ujetiga ore dojnóngaja uaque ome udore.
17Uje yisígo Dupade gai ome uté úringai Eduguéjna Cuchape, mu que cucha ibijógode u cucha pibosode jeoga cucha pijódode gotique iji Dupade edominone. E mu cuchadatéode u pisocade udore uje chajna cucha ujñapetade quigode iji jnumone, jé aja pininaquei adode udore, jé aja pajesereringai uté. Enga cucha omone udojo u uje yocaríjogoto Dupade Ujopié uaté gueranome uyoque. 18Uje gosi chejna raja pisocade udore iji dáringai Crísto iroque, enga qui u uje Dupade irasique re ome uté gosi adode udore. Mu a jé ca chedu Dupade irasitigade ome re, mu ujode ayoré ore chimesẽre uté to.
19Jecute yicoi enga yójigoi gaté ujetiga yucuegoi pajesereringai gajnéone cucha, ga yajnérango udore údi ome ñane. Enga yoquigaidi u ujetiga yagutíyangome ñane uje yiquérango iji Dupade adode ome yocúringane uajádiji gaté. 20¡Yipésupú ga jé ca anoningase Dupade iroquéode udore gu bangaranguenie báyipiei ome babotique cucha! Jé ũré uje pujuegate cucha pibose ponáyone ome yoque, enga que udore uñeque ipesute yoquigajnarétigade ome Dupade uté. Mu gajnarenguirase ujetiga gosi juegádode dabose cucha ome re chiborátaja ujetiga uñeque basája pisijnaringuéone gu udore. 21Cucha ueradi urásu ujetiga jé ca agúrasu cucha arione, jé aja jetiga ca óji víno rĩ, enga jé ca ajocase cuchade udore jnese ujetiga udore uñeque chiborátaja bojórique Jesús anguresõre icoraningai iji danguretigai uté.
22¿Ama arajapise Dupade áyipiedie ome cuchade udojo jnese úringárique pujuegádome ua yá? Jetiga u mu edu báyipiedie udire ome Dupade, ga jé ca ango erámi. Pininaquei gajnesṍri u gosi uje chusípise dadode guio ome Dupade ga chedu cucha arégode úringane pipesucho. Enga jé ca cho máranguiji re ome dameserane cucha udore. 23Jé basa ga gosi uje áyipiedie cho quiyíguiyí ome dameserane cucha pibose udore, ga chotigase ujetiga pujuegate uñane, ga pisijnaringuei u ome gosi ujetiga tagu udore.
Mu pisocai uté que gusu ome cucha pibotígo úringárique pibose arĩa. Mu jé chuságaja gosi ipesutígo cucha jnese. Ujetiga cáma gosi chirajapise iji dáyipie ujetiga Dupade chimesẽre pisocárique jeoga chetaque, enga uté gosi úringai máraque jogadi urásu ome Dupade ujetiga chijocase.
موجودہ انتخاب:
Romános 14: Ayore
سرخی
کاپی
موازنہ
شئیر
کیا آپ جاہتے ہیں کہ آپ کی سرکیاں آپ کی devices پر محفوظ ہوں؟ Sign up or sign in
© 2021 Ethnos360
Romános 14
14
Jé ca Jesús anguresórone yocajnepídi tu arĩa jetiga yajico ñane adode aja quigode
Yoquirósõri tupúsu Jesucrísto, enga uté gajneque jetiga pésu dáyipie ome yoquipesudode cucha jnese ome re
1Pijoque uje Jesús anguresõre uñane déji uje cáma etoque ore iji danguretigai. Mu jeta udore uñeque chise uaque, enga uacajnepídi u ujetiga amesẽcho uté gosi enga anejecho údode ujetiga cháta raja uaque to. E mu que uacagaidi urásu gotique ujetiga abóso uté ome caranguenie dáyipiei ome uaque. 2Uacamóño gu uje Jesús anguresõre uñane anguretigai etoque ga pujuegate cucha pibose ponáyone jnese ome ore ajéode, jecute ore chapuse dameserane cucha pibose aja jnese. Jé basa ga uñane déji uje cáma etoque ore iji danguretigai, enga ore chotigase jeta Dupade juéga cucha arione ome ore, jecute ore cho cucha puyáguiji uté. Enga ore chedu cucha pacade adie uje i tu "verdúras." 3Mu ome gosi uje chapuse dameserane cucha pibose aja jnese ga, jé ca uté pojárasa uté gosi uje chãraque re ome cucha pibosode uñane úringáringo pibose.
Jé basa ga uté gosi uje chotigase jetiga Dupade juéga cucha pibosode uñane ome re ga, a jé ca chorase máranguiji uti uñai uje juéga cucha pibose ponáyone úringane pibose ome re, uje Dupade u uje e chimesẽre udore jnese gu. 4¿Ama gosi ua ya, ujetiga acué uñeque irótique iyoguérique cucha? Uté irósõri u Dupade arĩa, enga que ua u. Jecute, ujetiga jé uajate gosi iji gaté ome danguretigai jeoga cṍra ome bajéode, mu uté irósõri Dupade gajneque jeta pésu dajéode ome daroi uté ipesudode cucha ome re, jetiga ueracho, jeoga gajnarécho. Enga pijoque uje iroi uté a uajádiji gaté jne. Chamáñaje Pangarádejnai etotiguei cuse jeta chátaja uté, ga a pésu uté úringai etóguiji gaté jne ome dáringai Dupade iroque.
Jesús anguresõre chojmara, chojmarane yocajneque jetiga yucuegoi Dupade áyipie ome yoque ome yoquisocade jnese
5Que gusu uje yingarángo yocáyipiedie ome ñane ome cucha pibotígo úringáringo pibose, mu yocadi uté jé chuságaja dirode uñane úringáringo cuchadaté ome ñane to. Jesús anguresõre uñéngo ore cho cucha puyáguiji dirode uñane, uje ome ore ajéode ga, Pangarádejnai áyipie jé u gu. Jé basa ga ome uñéngo ga dirode jnese chopise ñane iji jnumi, enga Pangarádejnai áyipie jé u ome ore to, ome ore ajéode. Mu cuchiyi tupúsu ujetiga Jesús anguresõre chojmara, chojmarane ore jnese chucuepísi Dupade áyipierágome re, jeta jé ca gosi áyipierigui cho quiyíguiyígui ome cuchade udojo. Uje uté gaidi tu gu ujetiga pijoguipise áyipie qui, ga jé ca aguté cho jora ome ipesudedie dáyipiei udire. 6Uacamóño uje a gosi cho cuchadaté iji dirode uñane ome ore úringane puyácho ome Pangarádejnai uté, uje gaidi u jetiga chisi uté gai ome dasocai uté. Ga adi jé u to ome gosi uje chapuse dameserane cucha pibose ponáyo aja, uje tagu dabosode ome Pangarádejnai uté úringai pisígai. Ga jé pijoque udojo gu uje uté chacãre Dupade gai ome dabosode udore. Jé basa ga uñeque chetaque cucha pibose uñane úringai pibose ome re, jecute que tagu udore to, mu gaidi tu jeta chedu Pangarádejnai úringárique pisígai ome dasocai uté, enga jé chacãre Dupade uté gai ome dabosode to. 7Jé obiréjna uje Jesucrísto anguresórone jnese yoquigaidi urásu ome yoquijmapiedie jnese ujetiga Pangarádejnai úringai pisígai jogadi tu iji yocucuecaringuei udé, enga jé chusagarásaja yoquitoringai. Uje que gusu yoque iji erámi udé arĩa, mu Yocajnesṍri cuse, enga yocajnei tu ujetiga yedugo uté áyipiedie ome yoque. 8Jecute ujetiga yiquecágo jeoga yitogoi marínga, jé qui chojmara uje yugúcoji yocajnesṍri Pangarádejnai Dupade jmainie gatuaque. Enga uté gajneque yocucuecaringuei, yoquitoringai jnese, jeta pisi uté gai ome pisocade udore jnese. 9Quigode jé upúsu uté uje Jesucrísto toi ome uyoque, ga nijiápo iji datoringai quigade ome dáringai ueca nanique rĩ; uje gaidi jé u ujetiga uté úringai Dupa Pujnuéngaisṍre cuse ome ayoré togode, ayoré uecade ore jnese.
10Jecute ome ua, ga ¿cuchárique u gu a, uje bacué bojórique Jesús anguresõre uté iyoguérique?#14:10 Cho jetiga Páblo pésu pregúnta ome uté gosi uje cáma etoque iji danguretigai, ga chedu cucha pacade adie "verdúras" ome dabosode. Adójnacho versículo 3. Jeoga ua, ga ¿gotique gu a uje babója bojórique Jesús anguresõre uté to?#14:10 Cho jetiga Páblo pésu dapregúnta ome uté gosi uje etoque iji danguretigai, ga chapuse dameserane cucha pibose aja jnese. (Adójnacho versículo 3.) Dupade gajnepídi tupúsu arĩa ujetiga pésu dáyipie ome yoquisocade udore jnese. Uje a yugúcoji uté iquei jnese jne, enga a yingongo yógaja uté jnese jne iji ajiripídi jogadi uté. Enga uté a chajire yocadode udore aja quigode jnese jne. 11Uje purusãracho udore quigode ome Dupade uruode urusãrasõre uñai icaite, uje chojninga:
"Ome yúringai Pangarádejna Ueca udé," Pangarádejnai chojninga, "yajo yuja yuruode udojo uje ayoré ponáyone udore jnese a ore chichaga dagataidie aja jnumi jne iji yiquei ome yúringai pisígai. Enga a ore jnese chatata jne iji pedominone uje gusúpusu yu ome yúringai Dupa." #14:11 Dupade uruode udojo uje Páblo chatata, udore jogadi tu Isaías 45:23.
12Jecute que potigayaquérique déji ome Pangarádejnai uruode udore uje Jesús anguresõre chojmara, chojmarane iji yoque a jé chatata dapesutígo cucha jnese jne ome Dupade iji edominone. ¡A jé yingongo yógaja uté jnese jne!
Yocajnepídi u jeta yujucópise yocujode Dupade anguresóño guio
Yoquigaidi u jeta jé ca yocuñeque pésu ga ujórique Jesús anguresõre cṍra iji danguretigai uté
13Jé ũrepise uje Dupade gajneque jeta chajire yocadode aja quigode jne, jecute yicoi ga yiyágo yoquijmapié uaté uje yucuegoi yocujórigo Jesús anguresõre iyoguérigo. Ga yipécorásu yocáyipiedie jeta jé ca yoquipesudode cucha uñeque gajnui turásu cucarané pucuáya jeoga pujuya ome gosi. Enga yoquigaidi turásu jetiga jé ca yoquisocárique pésu ga gosi basája pisijnaringuérique.#14:13 Páblo cho yoquiquique iji de jeta jé ca yoquipesudode cucha uñeque chorase cucarané pucuáyaraque uje yichagója uté guípiedie qui ome uté úringárique cõrachuque yui. Ja seca yoquisocai uté pésu ga uté cho caru iji danguretigai. Quique uñai tu uje gosi a cho puyáguiji cuchárique, mu chimo uje yipéjo, ga jé chorase pujuyáraque ome uté gosi. A chigaru uté, enga uté chirate yógaja yoquisocai uté, enga paguté joráraque jogadi turásu ome uté gosi.
14Yocangarádejnai Jesús chutṍri yu ome yisai udé jetiga yacate uágome cuchade udojo, jecute yirajapise yuruode udojo úringane ũréo. Enga qui u uje que puyaque cucha pibotique uñeque ome Dupade jeta gosi tagu. E mu jeta ome gosi ajéode enga cucha puyai u, enga jé ca uté gosi tagúrasu. Uje a pisijnaringuei tu ome gosi ujetiga cho cucha puyáguiji, mu jé tagu. 15Jecute, ujetiga apésu bojórique Jesús anguresõre áyuguhebátigai ome bameserane cucha pibose uje bagu udore, enga qui u uje badode udore que garani u pijnoraquei adode gotique ome gosi. ¡Que cuchadatei turásu cucha pibosode udore úringane pibose arĩa, mu cuchadatei tu bajnoraquei ome bojórique Jesús anguresõre! Bamo uje Crísto toi ome uté, jecute jé ca ajuéga jeta cucha aríone úringane pibose u uje nápisa uté aja jnumi. Ja seca basocai uté chiborátarásaja ujetiga uté chorase dedobóya Dupade uté.
16Yuruode udojo quique obiréjnai tudé ome uaque jnese: Jé uerate uacáyipie quigode arĩa ome uacajuegátigo cucha ome uaque. Mu ajuso uacadode guio ome udore úringane pipesucho jne, uje uacarajáyo ore úringane ueracho múñi. Enga uacagaidi urásu ujetiga jé ca asíñome piotiguérique ome uacojórigo ayoré ujetiga ore dojnóngaja uaque ome udore.
17Uje yisígo Dupade gai ome uté úringai Eduguéjna Cuchape, mu que cucha ibijógode u cucha pibosode jeoga cucha pijódode gotique iji Dupade edominone. E mu cuchadatéode u pisocade udore uje chajna cucha ujñapetade quigode iji jnumone, jé aja pininaquei adode udore, jé aja pajesereringai uté. Enga cucha omone udojo u uje yocaríjogoto Dupade Ujopié uaté gueranome uyoque. 18Uje gosi chejna raja pisocade udore iji dáringai Crísto iroque, enga qui u uje Dupade irasique re ome uté gosi adode udore. Mu a jé ca chedu Dupade irasitigade ome re, mu ujode ayoré ore chimesẽre uté to.
19Jecute yicoi enga yójigoi gaté ujetiga yucuegoi pajesereringai gajnéone cucha, ga yajnérango udore údi ome ñane. Enga yoquigaidi u ujetiga yagutíyangome ñane uje yiquérango iji Dupade adode ome yocúringane uajádiji gaté. 20¡Yipésupú ga jé ca anoningase Dupade iroquéode udore gu bangaranguenie báyipiei ome babotique cucha! Jé ũré uje pujuegate cucha pibose ponáyone ome yoque, enga que udore uñeque ipesute yoquigajnarétigade ome Dupade uté. Mu gajnarenguirase ujetiga gosi juegádode dabose cucha ome re chiborátaja ujetiga uñeque basája pisijnaringuéone gu udore. 21Cucha ueradi urásu ujetiga jé ca agúrasu cucha arione, jé aja jetiga ca óji víno rĩ, enga jé ca ajocase cuchade udore jnese ujetiga udore uñeque chiborátaja bojórique Jesús anguresõre icoraningai iji danguretigai uté.
22¿Ama arajapise Dupade áyipiedie ome cuchade udojo jnese úringárique pujuegádome ua yá? Jetiga u mu edu báyipiedie udire ome Dupade, ga jé ca ango erámi. Pininaquei gajnesṍri u gosi uje chusípise dadode guio ome Dupade ga chedu cucha arégode úringane pipesucho. Enga jé ca cho máranguiji re ome dameserane cucha udore. 23Jé basa ga gosi uje áyipiedie cho quiyíguiyí ome dameserane cucha pibose udore, ga chotigase ujetiga pujuegate uñane, ga pisijnaringuei u ome gosi ujetiga tagu udore.
Mu pisocai uté que gusu ome cucha pibotígo úringárique pibose arĩa. Mu jé chuságaja gosi ipesutígo cucha jnese. Ujetiga cáma gosi chirajapise iji dáyipie ujetiga Dupade chimesẽre pisocárique jeoga chetaque, enga uté gosi úringai máraque jogadi urásu ome Dupade ujetiga chijocase.
موجودہ انتخاب:
:
سرخی
کاپی
موازنہ
شئیر
کیا آپ جاہتے ہیں کہ آپ کی سرکیاں آپ کی devices پر محفوظ ہوں؟ Sign up or sign in
© 2021 Ethnos360