Romános 1
1
Apóstol Páblo uté chiroque darasitigade aja dojode Jesús anguresóño iji ore idai Róma uté
Yijorane uaque á,
1Páblo tu yu uje yiroque yurusarane cárta aja uaque. Yingo yu aja uaque uje e yẽra yu ome Jesucrı́sto ujetiga yi uté iroquéode. Enga gose Dupade uté uje pijnangaite yu ome yúringai uté utocaite apóstol nanique. Enga uté cãra yu ome daroquéode ujetiga yiji pujnomé ueradi údi uje garani tu Dupade.
2Enga pujnomé ueradi quigode u Dupade ichagájade darúo uje angúroméone proféta ore churúsãre iji Dupade uru iyiejnane udore icaite. 3Enga profétade ore urusarane júdi tupúsu Dupade Abi uté. E yirajágo uté uje bası́ji erámi ome dáringai ayoré nanique enga eduguéjna cuchábi David uté ájnape disi ejode uñai tu uté ome dáringai jnutiminore uté. 4Mu ome úringai Dupade Abı́pise, ga que potigayaquérique déji gotique to. Chamáñaje Dupade Ujopié Espı́ritu Sánto pésu ga Jesús niji iji datoringai nanique gu. Enga jé u uje Jesucrı́sto úringai Dupade Ape ujopı́erãque choquipı́siji guesi ome adi uté.
5Ome Jesucrı́sto uté ga Dupade guẽrate dacaniratiguéode ome yujode Dupade utocaicho uyoque, ga chisı́ome yocajnepı́di apóstol ome uyoque ujetiga yico ujnomé ueradi údi aja punirone jnese. Gaidi tu gu ujetiga pinejénamáite ayoré ponáyone jnese aja panguretigai iji Jesucrı́sto uté, ga angoninguite guesaque ore ome adode. Enga qui tu ujetiga Jesucrı́sto i úringai pisı́gai jogadi turásu ome ore jnese.
6Uje e uacagúsoji Jesucrı́sto inejénamánone udore ujade iji uaquedai Róma uté, enga jé u uje Jesucrı́sto uté e cho dajnenguı́ji uaque to. 7Jecute yurusarane udojo quisórone u uaque, Dupade ijnorane uaque jnese iji uaquedai Róma uté, uje uté e cãraque uágome uacáringane Dupade urása to.
¡Ga yijócha Dupade ajei údi ome uaque ujetiga Yocai Dupade, Yocangarádejnai Jesucrı́sto ore icaniratiguéode pijógome uaque, ga uacajneque ore ajesereringai gatuaque to!
Páblo potapı́sa ujetiga chajmita Jesús anguresórone ore iji Róma
8A qué yiji yuruode údi ome yijorane uaque, mu bajaque ga yipota ujetiga arajáyo to uje yicatecã́ri Yangureni Dupade iji Jesucrı́sto i, enga yacãre uté gai ome anguresórone rómagose uaque jnese iji uaquedai uté. Chamáñaje uacajnomei chubu erámi údode jnese gu, uje ũrepise uágome uacanguretigai iji Jesucrı́sto uté. 9Yejna yiguesi ome yajnéone Dupade iroquéo uje yiji yacajnaquéode údi ome Abi uté ujnomei. Enga yirósõri Dupade uté u uje chiraja uje jé ũré yu ome yuruode udojo uje jecucha yujnusina uágome Dupade gatuaque. 10Enga jecucha yijócha Dupade ajei údi ome yu to ujetiga ajéode u, ga piotiguérique dérasi ga yicabı́ji uaque to iji deréjnarique. Chamáñaje e iyajmaque uje yipotapı́sa uaquéode to nanique, ga a unérirase yui jeta yáyipie iyajmenie quene tocade.
11Yijnátupúsu uaquei ujetiga yacajnaquéode chátaja uáguiji uacáringane Jesucrı́sto anguresóño. Uje yigaidi turásu ujetiga aquérañoji Jesucrı́sto adode enga uajate uáguiji uacanguretigade gaté. 12Yuruode udojo qui tu ujetiga yujnucoi yógome ñane ga yocanguretigai iji Dupade quérã gaté jnese. Chamáñaje yoquipérogai yocanguretigai ome Jesucrı́sto uté gu.
13Yijorane uaque á, jé ca ajoso ati jé ca yipota uaquei, uje yajéode u jórogu gatuaque ujetiga yise uaque arı̃a. Mu jecucha cucha dacadode chãraque uaquei ome yu, jé aja dirode udojo. Yijnátu uaquei gu ujeta yátaja uaque ga etoque uáguiji uacáringane Jesús anguresóño, adi tu uje e yátaja purása quedéjnane iji pidáyode uñane enga e etoque ore iji dáringane Jesucrı́sto anguresóño to. 14Jé ũré yu uje yajnepı́di cuse ome ayoré ponáyone jnese ujetiga yatata Jesucrı́sto ujnomei ome ore. Jecute yapuse ayoré ibijógode, ayoré gajnaréngone ore aja ñane iji jnumi ome yacajnaquéode. Ujetiga irajataque gosi, jeoga agúpurai gosi ome pirajatigárique, mu yapuse ore aja jnese ome yacajnaquéode udore. 15Jecute yijnátu jórogu ujetiga yacate uágome pujnomé ueradi uté to iji uaquedai Róma uté.
Dupade cho ayoré ujñapetáguiji gosi ujetiga chedu Jesucrı́sto úringai pangurete ome re
16Que togome yu ujetiga yajéngome yatata Jesucrı́sto ujnomé ueradi uté, uje cuchadatépise gu. Chamáñaje Dupade ujopié iyiejna chiqueta ore jnese uje ore chedu changureta Jesucrı́sto adode ome re. Bajaque judı́ode uje ore gajnei tu ujetiga pacadique ore ome Jesús uté ujnomé ueradi uté. Mu e purása quedéjnane ore gajnecápo pujnomé ueradi uté rı̃ ujetiga pacadique ore ome to. 17Enga e choqui guesi ome pujnomé ueradi uté uje Dupade cho ayoré ujñapetáguiji udore ore uje ore chicha danguretigai aja uté, enga que pisoca uñeque cusipise, mu gusúpusu uje gosi chedu panguretigai. Enga jé chopise Dupade uruode atatasórone uñai urusarane iji Dupade uruode, uje chósi te: "Udore ore uje Dupade cho ayoré ujñapetáguiji ore ga a ore eca jne iji deréjnane gatuaque ome danguretigai."#1:17 Purusarane udojo quigode déji Habacuc 2:4.
Jé máraque ayoré ponáyone uyoque jnese ome yocangoninguite paritigade
18Yijorane uaque á, cuchadatei tu ujetiga ayoré ponáyone jnese chudute pujnomé ueradi uté quigode uje garani tu Dupade. Chamáñaje Dupade déji gaté ome dáringai cuchade jnese ijocayasõre. Enga jé ũrepise uje uté ájningadatéi e choqui guesi ome ayoré ponáyone jnese isijnaringuéone udore. Jecute jé tiógarapı́sa ujetiga Dupade cho dajuñame ore. Pujuyagaite ore gu uje que ore doi pate ujñapetade udore quigode go, uje ore chiraja mu. Enga ore chajo raja date noñángone udore gatuaque, uje ore gaidi u gu ujetiga cucha uréone udore e nóña ga pipoguiécho ome ore ujode ayoréo.
19Iji ore áyipiedie ga ore chiraja Dupade uté úringai Dupa arı̃a. Chamáñaje Dupade jé upúsu gu uje pésu jeta cuchade udore choqui guesi ome ore. 20Que yuruode qui tu ujetiga ore chimo Dupade uté ome dedodie, uje pimojma gu. Mu obiréjnapise uté isocade jé iji taningapı́sode gu imaningone cucha uásejna. Que potigayaquérique déji ome Dupade uté úringai Dupa. Enga pijoque to ome erámi unirisórone jnese uje eyúgojma uté úringai ujopı́erãque ome imaningone udore cucha. A gosi chojningárasa:
–Cáma yudute Dupade gotique ujnomérique, arı̃a.–
¡Mu cachi gosi uru bisidécho udore!
21A jé ca qui u ujetiga ca ore chiraja uje Dupade cuse, uje ore chiraja. Mu ore bai tupúsu uje que ore chisi Dupade uté gánique ome úringai Dupa. Enga que ore chacãre gánique ome cuchárique rı̃. ¡Chimo jóroque re! uje ore chicha cucha uréone aja ti yui enga ore chejna dáyipiedie aja cucha bisidégode ome datáyipietigade udore. Enga cho ujetiga jé ore áyipiedie udire tõrapı́siji ijnangununie ajéode, jeta jé ca ore áyipieraque pusi cucha uréone quitique go. 22Ore chisi jóroque dabai uje chiese áyipierãque ore ome dajéode, mu e ore nóña ga táyipieque ore. 23Uje a ore chirajárase uje gusu ingoningarãque Dupade, enga ore gajnepı́di urásu ujetiga ore chedu uté ome úringai pisı́gai. Mu ome ore itáyipietigade ga ore chicha Dupa Togójmai uté aja ti yui enga ore cho dadupáji ayoré gajnúone, uje toguébecho ayoréode mu. Ga ore chátapo cuchiso ponáyone oré gatedie aja rı̃, jé aja chugúperone, ugade udore oré gatedie rı̃. ¡Jé pijoque uje cuchade udore que ujopiéraque déji, mu ore cho jóroque dadupáji udore!
24-25¡Omitigai turásu ujetiga Dupade imaningone cucha jnese ore doi ga ore chisi Dupade uté gai jnese, uje gusu uté uje jé tiógarapı́sa dáringai pisı́gai iji deréjna pitade jnese! ¡Qui jé u, Amén!
Mu ¡chimo jóroque re! uje táyipiegode ore chumuchase cucha uréone quigode ome Dupade uté enga ore chedu cucha tágode quigode udore. Jecute ore chicha cuchade jnese imanisṍri Dupapı́si uté aja ti yui, ga ore cho dadupáji Dupade imaningone cucha udore jeta ore doi dangurenone udore adode gatuaque.
Uje táyipiegode udore ore chajo raja dáringane táyipiecho, ga quene Dupade tẽra ore ome ore ipotiguéode cucha noñácho jeta ore cho daba udore. Uje ore ipotigué ayoréode quene chise guesi enga ore doi punganinga quedéjnane ome ñane, uje pajegátigai gose pijmapié noñánguenie udire mu.
26Uje ore chachia re iji ñane ga jé ore cachodi tu uje Dupade tẽra ore ga jé u uje ore jno dapesudode cucha gajnarécho údi gaté. Ga chequedı́e jé u to, uje quedéjna ore isocade ga ore tungarája ñane. Ga jé ore chajo raja dapotigué ayoréode, ga que ore pusapoi pátegoningárique rı̃.
27Que gusu chequedı́e, mu jnanione jé upo rı̃ uje ore chécãre dadode aja quedéjnane. Udore ore chetaque chequedı́e ore úringanie pijõra, jé basa ga unérone u ore ujode jnanı́o. Enga jé u uje ore chejna dáyipiedie aja dapotiguédatéode ome ore ujetiga ore tungarája ore. Jecute Dupade cho ore ate noñángone udore oré, uje Dupade uté pésu ga ore chejnáreque re ga gose ore ipotiguéode udore. Enga jé tiógarapı́sa uje ore cho daba dapotigué noñángone udore. Chamáñaje ore cho cucha bisidéguiji Dupade gu.
Ayoréode ore ba gajnéone cucha quérã, quérã ome Dupade uté
28Que gusu ore isocade udore, mu ore etéquetı́ ore jnusinápo Dupade uté rı̃, enga jogadi jé u uje Dupade noñome ore iji te jmete. E ore cusu rome Dupade ga ore chajo raja dapotigué ayoréode, jecute Dupade juéga enga gusu páyipie noñánguenie uje chijocase ore áyipiedie. Enga jé u uje ore chimate raja cucha ponáyone udore uje que arécho gotique.
29Udore ore ipesudode cucha jecucha gajnarécho gatuaque, uje que ujñapetaque udore ore adode uñeque go. Enga qui tuté uje irágu ore ajéode ome cucha ponáyone udore uje que ũréo. Tãrarachuque ore, uje ore jnari cuchade ome re iji udore, udore. Enga ore áyipiedie chejna raja pisijnaringuéone úringane pipesucho. Que gusu ucode, mu jecucha ore charatáyime cuchade ome dojode ayoréo to. Enga jecucha ore pota chui ome dojode ayoréo rı̃. Ore pésapo dojode ayoré ajei dotáningane ome dabotaquéode rı̃. Ga aringácachoquı́ ore gatuaque rı̃ ome dojode ayoréo. Udore ore ipotigádi u to ujetiga cucha dacate gajnaréngone chise ore ujórique ayoré gatuaque. Jutaréquechoquı́ ore rı̃. 30Jecucha ore tagu dojode ayoréo iji quedéjnane to. Udore ore etéquedatéi jé upúsu Dupade to rı̃. Enga udore ore uruode dosója ore ujórique ayoréo to. Enga ore chosi riji gaté ome dajosipiedie. Dicotárechoquı́ ore to rı̃. Ga jecucha ore chucué dáyipieraque ome cucha gajnareque ichárique uñeque jeta ore chetingare to. Angoninguite pariguipise ore rı̃, ga que ore tangári dayode, datedie ore gotique. 31Que gusu ucode, mu táyipieque ore to. Ore chichaga jóroga daru iyiejnane aja dojórique ayoré yui, mu que ore chimate daru ueradode udore aja guesode go. Enga a jé ca pijnoraqué ũrei déji ore ajénique ome uñeque go. Ducusuréchoquı́ ore to, enga a jé ca posongaquérique déji ore ajénique go ome dojórique ayoré rı̃.
Enga jé u uje ore chejna raja Dupade etégode cucha udore.
32Jé ũré uje udore ore chirajapise Dupade uru pirosobádi uté, uje Dupade e chı̃́care pitoringai ome ate gajnaréngone udore. Mu jé qué ore chajo raja dapesute gajnaréngone udore gaté. Enga que gusu uje ore doi, mu ore chachietáji dojórigo ayoré uje udore ore chirate ore aja pijmapié gajnarénguenie udire to.
موجودہ انتخاب:
Romános 1: Ayore
سرخی
کاپی
موازنہ
شئیر
کیا آپ جاہتے ہیں کہ آپ کی سرکیاں آپ کی devices پر محفوظ ہوں؟ Sign up or sign in
© 2021 Ethnos360
Romános 1
1
Apóstol Páblo uté chiroque darasitigade aja dojode Jesús anguresóño iji ore idai Róma uté
Yijorane uaque á,
1Páblo tu yu uje yiroque yurusarane cárta aja uaque. Yingo yu aja uaque uje e yẽra yu ome Jesucrı́sto ujetiga yi uté iroquéode. Enga gose Dupade uté uje pijnangaite yu ome yúringai uté utocaite apóstol nanique. Enga uté cãra yu ome daroquéode ujetiga yiji pujnomé ueradi údi uje garani tu Dupade.
2Enga pujnomé ueradi quigode u Dupade ichagájade darúo uje angúroméone proféta ore churúsãre iji Dupade uru iyiejnane udore icaite. 3Enga profétade ore urusarane júdi tupúsu Dupade Abi uté. E yirajágo uté uje bası́ji erámi ome dáringai ayoré nanique enga eduguéjna cuchábi David uté ájnape disi ejode uñai tu uté ome dáringai jnutiminore uté. 4Mu ome úringai Dupade Abı́pise, ga que potigayaquérique déji gotique to. Chamáñaje Dupade Ujopié Espı́ritu Sánto pésu ga Jesús niji iji datoringai nanique gu. Enga jé u uje Jesucrı́sto úringai Dupade Ape ujopı́erãque choquipı́siji guesi ome adi uté.
5Ome Jesucrı́sto uté ga Dupade guẽrate dacaniratiguéode ome yujode Dupade utocaicho uyoque, ga chisı́ome yocajnepı́di apóstol ome uyoque ujetiga yico ujnomé ueradi údi aja punirone jnese. Gaidi tu gu ujetiga pinejénamáite ayoré ponáyone jnese aja panguretigai iji Jesucrı́sto uté, ga angoninguite guesaque ore ome adode. Enga qui tu ujetiga Jesucrı́sto i úringai pisı́gai jogadi turásu ome ore jnese.
6Uje e uacagúsoji Jesucrı́sto inejénamánone udore ujade iji uaquedai Róma uté, enga jé u uje Jesucrı́sto uté e cho dajnenguı́ji uaque to. 7Jecute yurusarane udojo quisórone u uaque, Dupade ijnorane uaque jnese iji uaquedai Róma uté, uje uté e cãraque uágome uacáringane Dupade urása to.
¡Ga yijócha Dupade ajei údi ome uaque ujetiga Yocai Dupade, Yocangarádejnai Jesucrı́sto ore icaniratiguéode pijógome uaque, ga uacajneque ore ajesereringai gatuaque to!
Páblo potapı́sa ujetiga chajmita Jesús anguresórone ore iji Róma
8A qué yiji yuruode údi ome yijorane uaque, mu bajaque ga yipota ujetiga arajáyo to uje yicatecã́ri Yangureni Dupade iji Jesucrı́sto i, enga yacãre uté gai ome anguresórone rómagose uaque jnese iji uaquedai uté. Chamáñaje uacajnomei chubu erámi údode jnese gu, uje ũrepise uágome uacanguretigai iji Jesucrı́sto uté. 9Yejna yiguesi ome yajnéone Dupade iroquéo uje yiji yacajnaquéode údi ome Abi uté ujnomei. Enga yirósõri Dupade uté u uje chiraja uje jé ũré yu ome yuruode udojo uje jecucha yujnusina uágome Dupade gatuaque. 10Enga jecucha yijócha Dupade ajei údi ome yu to ujetiga ajéode u, ga piotiguérique dérasi ga yicabı́ji uaque to iji deréjnarique. Chamáñaje e iyajmaque uje yipotapı́sa uaquéode to nanique, ga a unérirase yui jeta yáyipie iyajmenie quene tocade.
11Yijnátupúsu uaquei ujetiga yacajnaquéode chátaja uáguiji uacáringane Jesucrı́sto anguresóño. Uje yigaidi turásu ujetiga aquérañoji Jesucrı́sto adode enga uajate uáguiji uacanguretigade gaté. 12Yuruode udojo qui tu ujetiga yujnucoi yógome ñane ga yocanguretigai iji Dupade quérã gaté jnese. Chamáñaje yoquipérogai yocanguretigai ome Jesucrı́sto uté gu.
13Yijorane uaque á, jé ca ajoso ati jé ca yipota uaquei, uje yajéode u jórogu gatuaque ujetiga yise uaque arı̃a. Mu jecucha cucha dacadode chãraque uaquei ome yu, jé aja dirode udojo. Yijnátu uaquei gu ujeta yátaja uaque ga etoque uáguiji uacáringane Jesús anguresóño, adi tu uje e yátaja purása quedéjnane iji pidáyode uñane enga e etoque ore iji dáringane Jesucrı́sto anguresóño to. 14Jé ũré yu uje yajnepı́di cuse ome ayoré ponáyone jnese ujetiga yatata Jesucrı́sto ujnomei ome ore. Jecute yapuse ayoré ibijógode, ayoré gajnaréngone ore aja ñane iji jnumi ome yacajnaquéode. Ujetiga irajataque gosi, jeoga agúpurai gosi ome pirajatigárique, mu yapuse ore aja jnese ome yacajnaquéode udore. 15Jecute yijnátu jórogu ujetiga yacate uágome pujnomé ueradi uté to iji uaquedai Róma uté.
Dupade cho ayoré ujñapetáguiji gosi ujetiga chedu Jesucrı́sto úringai pangurete ome re
16Que togome yu ujetiga yajéngome yatata Jesucrı́sto ujnomé ueradi uté, uje cuchadatépise gu. Chamáñaje Dupade ujopié iyiejna chiqueta ore jnese uje ore chedu changureta Jesucrı́sto adode ome re. Bajaque judı́ode uje ore gajnei tu ujetiga pacadique ore ome Jesús uté ujnomé ueradi uté. Mu e purása quedéjnane ore gajnecápo pujnomé ueradi uté rı̃ ujetiga pacadique ore ome to. 17Enga e choqui guesi ome pujnomé ueradi uté uje Dupade cho ayoré ujñapetáguiji udore ore uje ore chicha danguretigai aja uté, enga que pisoca uñeque cusipise, mu gusúpusu uje gosi chedu panguretigai. Enga jé chopise Dupade uruode atatasórone uñai urusarane iji Dupade uruode, uje chósi te: "Udore ore uje Dupade cho ayoré ujñapetáguiji ore ga a ore eca jne iji deréjnane gatuaque ome danguretigai."#1:17 Purusarane udojo quigode déji Habacuc 2:4.
Jé máraque ayoré ponáyone uyoque jnese ome yocangoninguite paritigade
18Yijorane uaque á, cuchadatei tu ujetiga ayoré ponáyone jnese chudute pujnomé ueradi uté quigode uje garani tu Dupade. Chamáñaje Dupade déji gaté ome dáringai cuchade jnese ijocayasõre. Enga jé ũrepise uje uté ájningadatéi e choqui guesi ome ayoré ponáyone jnese isijnaringuéone udore. Jecute jé tiógarapı́sa ujetiga Dupade cho dajuñame ore. Pujuyagaite ore gu uje que ore doi pate ujñapetade udore quigode go, uje ore chiraja mu. Enga ore chajo raja date noñángone udore gatuaque, uje ore gaidi u gu ujetiga cucha uréone udore e nóña ga pipoguiécho ome ore ujode ayoréo.
19Iji ore áyipiedie ga ore chiraja Dupade uté úringai Dupa arı̃a. Chamáñaje Dupade jé upúsu gu uje pésu jeta cuchade udore choqui guesi ome ore. 20Que yuruode qui tu ujetiga ore chimo Dupade uté ome dedodie, uje pimojma gu. Mu obiréjnapise uté isocade jé iji taningapı́sode gu imaningone cucha uásejna. Que potigayaquérique déji ome Dupade uté úringai Dupa. Enga pijoque to ome erámi unirisórone jnese uje eyúgojma uté úringai ujopı́erãque ome imaningone udore cucha. A gosi chojningárasa:
–Cáma yudute Dupade gotique ujnomérique, arı̃a.–
¡Mu cachi gosi uru bisidécho udore!
21A jé ca qui u ujetiga ca ore chiraja uje Dupade cuse, uje ore chiraja. Mu ore bai tupúsu uje que ore chisi Dupade uté gánique ome úringai Dupa. Enga que ore chacãre gánique ome cuchárique rı̃. ¡Chimo jóroque re! uje ore chicha cucha uréone aja ti yui enga ore chejna dáyipiedie aja cucha bisidégode ome datáyipietigade udore. Enga cho ujetiga jé ore áyipiedie udire tõrapı́siji ijnangununie ajéode, jeta jé ca ore áyipieraque pusi cucha uréone quitique go. 22Ore chisi jóroque dabai uje chiese áyipierãque ore ome dajéode, mu e ore nóña ga táyipieque ore. 23Uje a ore chirajárase uje gusu ingoningarãque Dupade, enga ore gajnepı́di urásu ujetiga ore chedu uté ome úringai pisı́gai. Mu ome ore itáyipietigade ga ore chicha Dupa Togójmai uté aja ti yui enga ore cho dadupáji ayoré gajnúone, uje toguébecho ayoréode mu. Ga ore chátapo cuchiso ponáyone oré gatedie aja rı̃, jé aja chugúperone, ugade udore oré gatedie rı̃. ¡Jé pijoque uje cuchade udore que ujopiéraque déji, mu ore cho jóroque dadupáji udore!
24-25¡Omitigai turásu ujetiga Dupade imaningone cucha jnese ore doi ga ore chisi Dupade uté gai jnese, uje gusu uté uje jé tiógarapı́sa dáringai pisı́gai iji deréjna pitade jnese! ¡Qui jé u, Amén!
Mu ¡chimo jóroque re! uje táyipiegode ore chumuchase cucha uréone quigode ome Dupade uté enga ore chedu cucha tágode quigode udore. Jecute ore chicha cuchade jnese imanisṍri Dupapı́si uté aja ti yui, ga ore cho dadupáji Dupade imaningone cucha udore jeta ore doi dangurenone udore adode gatuaque.
Uje táyipiegode udore ore chajo raja dáringane táyipiecho, ga quene Dupade tẽra ore ome ore ipotiguéode cucha noñácho jeta ore cho daba udore. Uje ore ipotigué ayoréode quene chise guesi enga ore doi punganinga quedéjnane ome ñane, uje pajegátigai gose pijmapié noñánguenie udire mu.
26Uje ore chachia re iji ñane ga jé ore cachodi tu uje Dupade tẽra ore ga jé u uje ore jno dapesudode cucha gajnarécho údi gaté. Ga chequedı́e jé u to, uje quedéjna ore isocade ga ore tungarája ñane. Ga jé ore chajo raja dapotigué ayoréode, ga que ore pusapoi pátegoningárique rı̃.
27Que gusu chequedı́e, mu jnanione jé upo rı̃ uje ore chécãre dadode aja quedéjnane. Udore ore chetaque chequedı́e ore úringanie pijõra, jé basa ga unérone u ore ujode jnanı́o. Enga jé u uje ore chejna dáyipiedie aja dapotiguédatéode ome ore ujetiga ore tungarája ore. Jecute Dupade cho ore ate noñángone udore oré, uje Dupade uté pésu ga ore chejnáreque re ga gose ore ipotiguéode udore. Enga jé tiógarapı́sa uje ore cho daba dapotigué noñángone udore. Chamáñaje ore cho cucha bisidéguiji Dupade gu.
Ayoréode ore ba gajnéone cucha quérã, quérã ome Dupade uté
28Que gusu ore isocade udore, mu ore etéquetı́ ore jnusinápo Dupade uté rı̃, enga jogadi jé u uje Dupade noñome ore iji te jmete. E ore cusu rome Dupade ga ore chajo raja dapotigué ayoréode, jecute Dupade juéga enga gusu páyipie noñánguenie uje chijocase ore áyipiedie. Enga jé u uje ore chimate raja cucha ponáyone udore uje que arécho gotique.
29Udore ore ipesudode cucha jecucha gajnarécho gatuaque, uje que ujñapetaque udore ore adode uñeque go. Enga qui tuté uje irágu ore ajéode ome cucha ponáyone udore uje que ũréo. Tãrarachuque ore, uje ore jnari cuchade ome re iji udore, udore. Enga ore áyipiedie chejna raja pisijnaringuéone úringane pipesucho. Que gusu ucode, mu jecucha ore charatáyime cuchade ome dojode ayoréo to. Enga jecucha ore pota chui ome dojode ayoréo rı̃. Ore pésapo dojode ayoré ajei dotáningane ome dabotaquéode rı̃. Ga aringácachoquı́ ore gatuaque rı̃ ome dojode ayoréo. Udore ore ipotigádi u to ujetiga cucha dacate gajnaréngone chise ore ujórique ayoré gatuaque. Jutaréquechoquı́ ore rı̃. 30Jecucha ore tagu dojode ayoréo iji quedéjnane to. Udore ore etéquedatéi jé upúsu Dupade to rı̃. Enga udore ore uruode dosója ore ujórique ayoréo to. Enga ore chosi riji gaté ome dajosipiedie. Dicotárechoquı́ ore to rı̃. Ga jecucha ore chucué dáyipieraque ome cucha gajnareque ichárique uñeque jeta ore chetingare to. Angoninguite pariguipise ore rı̃, ga que ore tangári dayode, datedie ore gotique. 31Que gusu ucode, mu táyipieque ore to. Ore chichaga jóroga daru iyiejnane aja dojórique ayoré yui, mu que ore chimate daru ueradode udore aja guesode go. Enga a jé ca pijnoraqué ũrei déji ore ajénique ome uñeque go. Ducusuréchoquı́ ore to, enga a jé ca posongaquérique déji ore ajénique go ome dojórique ayoré rı̃.
Enga jé u uje ore chejna raja Dupade etégode cucha udore.
32Jé ũré uje udore ore chirajapise Dupade uru pirosobádi uté, uje Dupade e chı̃́care pitoringai ome ate gajnaréngone udore. Mu jé qué ore chajo raja dapesute gajnaréngone udore gaté. Enga que gusu uje ore doi, mu ore chachietáji dojórigo ayoré uje udore ore chirate ore aja pijmapié gajnarénguenie udire to.
موجودہ انتخاب:
:
سرخی
کاپی
موازنہ
شئیر
کیا آپ جاہتے ہیں کہ آپ کی سرکیاں آپ کی devices پر محفوظ ہوں؟ Sign up or sign in
© 2021 Ethnos360