ᐃᓯᐦᒋᑫᐃᐧᓂᐋᐧᐊᐧ 16
16
1ᑭ ᑕᑯᓯᐣ ᒫᑲ ᒥᓇ ᑕᕒᐱᐃᕽ ᒥᓇ ᓬᐃᐢᑕᕒᐊᐃᕽ: ᒋᐢᐟ ᒫᑲ, ᐁᑯᑕ ᑭ ᐊᔮᐤ ᐯᔭᐠ ᑭᐢᑭᓄᐦᐊᒪᐋᐧᑲᐣ, ᑎᒪᑏ ᐁ ᐃᓯᔨᐦᑳᓱᐟ, ᒍᐃᐧᐢᑫᐧᐤ ᐁ ᑖᐯᐧᑕᕽ ᐅᑯᓯᓴ; ᒫᑲ ᐅᑖᐃᐧᔭ ᑭ ᑲᕒᐃᑭᐃᐧᔨᐊᐧ. 2ᐁᐊᐧᑯ ᐊᐊᐧ ᑭ ᒥᔮᐧᒋᒥᐠ ᐅᒋᐋᐧᒥᒫᐊᐧ ᑳ ᐊᔮᔨᐟ ᓬᐃᐢᑕᕒᐊᐃᕽ ᒥᓇ ᐊᐩᑳᓂᔭᒥᕽ. 3ᐁᐊᐧᑲᐧᓂ ᐹᓬ ᑭ ᓇᑕᐁᐧᔨᒣᐤ ᑭᑕ ᓯᐯᐧ ᐃᐧᒉᐃᐧᑯᐟ; ᐁᑯᓯ ᑭ ᐅᑎᓀᐤ ᒥᓇ ᑭ ᓴᕒᑲᒼᓴᐃᓯᐃᐧᐁᐤ ᒋᑫᒫ ᒍᐊᐧ ᐅᐦᒋ ᐁᑯᑌ ᑳ ᐊᔭᔮᔨᐟ: ᐃᐧᔭ ᑲᐦᑭᔭᐤ ᐁ ᑭᐢᑫᔨᑕᒥᔨᐟ ᐅᑖᐃᐧᔭ ᐁ ᑭ ᑲᕒᐃᑭᐃᐧᔨᐟ. 4ᐁ ᐊᑎ ᐊᔨᑐᑌᒋᐠ ᒫᑲ ᓵᐳ ᐅᑌᓈᕽ, ᑭ ᐸᑭᑎᓇᒪᐁᐧᐊᐧᐠ ᐅᔭᓱᐁᐧᐃᐧᓇ ᑭᑕ ᑲᓇᐁᐧᔨᑕᒥᔨᐟ, ᑳ ᑭ ᐅᔭᑭᑕᑭᐠ ᐊᐹᐢᑎᓬᐊᐠ ᒥᓇ ᑳ ᓂᑳᓀᔨᑖᑯᓯᒋᐠ ᒉᕒᐅᓴᓬᐊᒥᕽ ᑳ ᐊᔮᒋᐠ. 5ᐁᑯᓯ ᐅᑕᔭᒥᐦᐋᐊᐧᐠ ᑭ ᒪᐢᑲᐃᐧᓯᐋᐊᐧᐠ ᑖᐯᐧᔦᔨᑕᒧᐃᐧᓂᕽ, ᒥᓇ ᑭ ᔭᐦᑭ ᒥᐦᒉᑎᐊᐧᐠ ᑕᐦᑐ ᑭᓯᑳᐤ.
6ᒥᓯᐁᐧ ᒫᑲ ᑭ ᐊᔨᑐᑌᐊᐧᐠ ᐊᓂᒪ ᐸᕒᐃᒋᔭ ᒥᓇ ᑲᓬᐁᓯᔭ ᐊᐢᑭ, ᐁ ᑭ ᑭᑕᐊᒫᑯᒋᐠ ᑳ ᑲᓈᑎᓯᔨᐟ ᐊᐦᒑᐦᑲᐧ ᑭᑕ ᐃᐧᐦᑕᒫᑫᒋᐠ ᐃᑌᐧᐃᐃᐣ ᐁᓯᔭᐃᕽ; 7ᐃᐢᐱ ᒫᑲ ᑎᐱᐢᑯᐨ ᒥᓯᔭᐃᕽ ᐁᔮᒋᐠ, ᑭ ᑲᑫᐧ ᐃᑐᐦᑌᐊᐧᐠ ᐱᑎᓂᔭᐃᕽ; ᒫᑲ ᐊᐦᒑᐦᑲᐧ ᓇᒪᐃᐧᔭ ᐃᔨᓇᒫᑲᐧᐠ; 8ᐁᑯᓯ ᐁ ᓵᐳ ᒪᔮᐢᑲᑭᐠ ᒥᓯᔭ, ᑭ ᐅᑎᑕᒪᐧᐠ ᑕᕒᐅᐋᐢ. 9ᐁᑯᓯ ᐃᓯᓇᒧᐃᐧᐣ ᑭ ᐋᐧᐸᐦᑕᒼ ᐹᓬ ᐁ ᑎᐱᐢᑳᔨᐠ; ᐳᑎ ᑭ ᓂᐸᐃᐧᐤ ᓈᐯᐤ ᒫᓯᑖᓂᔭ ᐅᐦᒋ, ᐁ ᑳᑭᓯᒧᑐᑖᑯᐟ, ᒥᓇ ᐁ ᐃᑌᐧᔨᐟ, ᐅᑌ ᒫᓯᑖᓂᔭᐃᕽ ᐯ ᐃᓯ ᐊᓱᐊᐧᐊ, ᒥᓇ ᐃᐧᒋᐃᓈᐣ. 10ᐃᐢᐱ ᒫᑲ ᑳ ᐋᐧᐸᐦᑕᕽ ᐃᓯᓇᒧᐃᐧᐣ, ᓭᒫᐠ ᓂ ᑭ ᓇᑐᓀᓈᐣ ᑭᑕ ᐃᑐᐦᑌᔮᕽ ᒫᓯᑖᓂᔭᐃᕽ, ᐁ ᑫᒋᓇᐅᔮᕽ ᑭᓭᒪᓂᑐ ᐁ ᑭ ᓇᑐᒥᑯᔮᕽ ᑭᑕ ᑲᑫᐢᑭᒫᔮᑭᐠ ᒥᔮᐧᒋᒧᐃᐧᐣ ᐁᐊᐧᑯᓂᐠ.
11ᐁ ᓯᐯᐧᔮᓯᔮᕽ ᒫᑲ ᑕᕒᐅᐊᐢ ᐅᐦᒋ, ᑲᐧᔭᐢᐠ ᓂ ᑭ ᐃᑖᓯᓈᐣ ᐊᓂᑕ ᓵᒧᑕᕒᐁᐢ, ᐁᑯᓯ ᐃᐧᔮᐸᕽ ᓂᔮᐳᓬᐃᓯᕽ; 12ᐁᑯᑕ ᒫᑲ ᐅᐦᒋ ᐱᓬᐃᐸᐩ, ᐁᐊᐧᑯ ᐅᑌᓇᐤ ᒫᓯᑖᓂᔭᐃᕽ, ᓂᐢᑕᒼ ᐁᑯᑕ ᐊᓂᒪ ᐁ ᐱᐢᑭᑕᑭᑌᐠ ᐊᐢᑭ, ᕒᐅᒪᐣ ᑭᐢᑕᐱᐃᐧᐣ: ᐁᑯᑕ ᒫᑲ ᐅᑌᓈᕽ ᓂ ᑭ ᐃᑕᓯ ᐊᔮᓈᐣ ᒥᐦᒉᑎᐢ ᑭᓯᑳᐊᐧ. 13ᐃᐢᐱ ᒫᑲ ᐁᔭᒥᐁᑭᓯᑳᐠ ᓂ ᑭ ᓯᐯᐧᑖᓈᐣ ᐊᐧᔭᐃᐧᑎᒥᕽ ᑭᐦᒋ ᐃᐢᑳᐧᑌᒥᕽ ᒋᑭ ᓯᐱᕽ, ᐃᑕ ᐃᑕᑲᐧᓄᑐᑫ ᐃᑕ ᐁ ᐊᔭᒥᐦᐋᕽ ᐁ ᑭ ᐃᑌᔨᑕᒫᕽ; ᓂ ᑭ ᓇᐦᐊᐱᓈᐣ ᒫᑲ, ᐁᑯᓯ ᓂ ᑭ ᑭᑐᑖᓈᓇᐠ ᐃᐢᑫᐧᐊᐧᐠ ᐁᑯᑕ ᑳ ᐯ ᐃᑐᐦᑌᒋᐠ.
14ᐯᔭᐠ ᒫᑲ ᐃᐢᑫᐧᐤ ᓬᐃᑎᐊ ᐁ ᐃᓯᔨᐦᑳᓱᐟ, ᐁ ᐋᑖᐋᐧᑫᐟ ᒥᑫᐧᑭᓄᔨᐤ, ᑕᐃᐊᑕᐃᕒᐊ ᐅᑌᓈᕽ ᐁ ᐅᐦᒋᐟ, ᐁ ᐊᔭᒥᐦᐁᐢᑕᐋᐧᐟ ᑭᓭᒪᓂᑐᐊᐧ, ᓂ ᑭ ᐯᑕᑯᓈᐣ: ᐁᐊᐧᑯᓂ ᐅ ᑌᐦᐃᔨᐤ ᑳ ᑎᐯᔨᐦᒋᑫᐟ, ᑭ ᔪᑌᓇᒣᐧᐤ ᑭᑕ ᐋᑲᒣᔨᒧᑐᑕᕽ ᑲᐦᑭᔭᐤ ᐊᓂᐦᐃ ᐹᓬᐊ ᑳ ᐊᔨᑌᐧᔨᐟ. 15ᐃᐢᐱ ᒫᑲ ᑳ ᐹᑊᑖᐃᓯᐃᐧᐦᐃᐦᐟ, ᒥᓇ ᑲᐦᑭᔭᐤ ᐃᐧᑭᕽ ᑳ ᐃᑕᓯᐟ, ᓂ ᑭ ᓇᑕᐁᐧᔨᒥᑯᓈᐣ, ᐅᒥᓯ ᐁ ᐃᑌᐧᐟ, ᑭᐢᐱᐣ ᐊᔮᑳᐧᒥᓯᐢᑕᐁᐧᐤ ᑳ ᑎᐯᔨᐦᒋᑫᔨᐟ ᑳ ᐃᑕᑭᒥᐁᐧᑫᐧ ᐱᐦᑐᑫᐠ ᓂᑭᕽ, ᐁᑯᑕ ᒫᑲ ᐃᐧᑭᑫᒧᐠ. ᐁᑯᓯ ᒫᑲ ᐁ ᐊᑲᒥ ᓇᑕᐁᐧᔨᑕᕽ ᓂ ᑭ ᐃᑐᑕᒫᐧᓈᐣ.
16ᑭ ᐊᔨᐢᐸᔨᐤ ᒫᑲ, ᐁ ᐊᑎ ᐃᑐᐦᑌᔮᕽ ᐃᑕ ᐁ ᐊᔭᒥᐦᐋᕽ, ᐯᔭᐠ ᐅᐢᑭᓂᑭᐢᑫᐧᐤ ᐁ ᑭᑭᐢᑳᑯᐟ ᑯᓵᐸᑕᒧᐃᐧ ᐊᐦᒑᐦᑲᐧ ᓂ ᑭ ᓇᑭᐢᑳᑯᓈᐣ, ᑭ ᐯᑕᒪᐁᐧᐤ ᒫᓇ ᒥᐢᑕᐦᐃ ᑲᐢᑭᒋᑫᐃᐧᐣ ᐅᐟ ᐅᑭᒫᒪ ᑯᓵᐸᑕᒧᐃᐧᐣ ᐅᐦᒋ: 17ᐁᐊᐧᑯ ᒫᑲ ᐁ ᐱᒥᑎᓴᐅᑯᔮᕽ ᐹᓬ ᒥᓇ ᓂᔭᓈᐣ, ᐁ ᑕᑌᐯᐧᐟ ᒫᑲ, ᐅᒥᓯ ᐁ ᐃᑌᐧᐟ, ᐆᑭ ᐊᔨᓯᔨᓂᐊᐧᐠ ᐁᐊᐧᑲᐧᓂ ᐅᐟ ᐊᑐᐢᑫᔮᑲᓇ ᒪᒪᐁᐧᔭᐢ ᑳ ᑭᐦᒑᔨᐃᐧᐟ ᑭᓭᒪᓂᑐ, ᐊᓂᑭ ᑳ ᐃᐧᐦᑕᒫᑯᔮᑯᐠ ᐱᒫᑎᓯᐃᐧᓂ ᒣᐢᑲᓇᐤ. 18ᐁᑯᓯ ᒫᑲ ᐅᒪ ᑳ ᑐᑕᕽ ᒥᐦᒉᑐᑭᓯᑳᐊᐧ. ᒫᑲ ᐹᓬ, ᐁ ᒥᑯᐢᑳᑌᔨᑕᒥᐃᑯᐟ, ᑭ ᐊᐸᒥᑳᐸᐃᐧᐢᑕᐁᐧᐤ, ᐅᒥᓯ ᒫᑲ ᐁ ᑭ ᐃᑖᐟ ᐊᓂᐦᐃ ᐊᐦᒑᐦᑲᐧ, ᑭ ᐃᐧᐦᑕᒫᑎᐣ ᐅ ᐃᐧᔪᐃᐧᓂᕽ ᒋᓴᐢ ᙭, ᑭᑕ ᐯ ᐊᐧᔭᐃᐧᔭᐣ. ᐁᑯᓯ ᒫᑲ ᑭ ᐯ ᐊᐧᔭᐃᐧᐤ ᐁᐊᐧᑯ ᐁ ᐃᐢᐸᔨᐠ ᑎᐸᐃᐱᓯᒫᐧᐣ.
19ᒫᑲ ᐃᐢᐱ ᐅᐟ ᐅᑭᒫᒪ ᐃᐧᔮᐸᐦᑕᒥᔨᐟ ᐊᓂᒪ ᐁ ᐸᑯᓭᔨᒧᑐᑕᐦᑭᐠ ᐅᐟ ᐅᑎᓯᐃᐧᓂᐋᐧᐤ ᐁᑲᐧ ᐁᑳ ᐁ ᐃᐦᑕᑲᐧᓂᔨᐠ, ᑭ ᐅᑎᐦᑎᓀᐊᐧᐠ ᐹᓬᐊ ᒥᓇ ᓴᐃᓬᐊᐢᐊ, ᐁᑯᓯ ᐁ ᑭ ᐃᑐᐦᑕᐋᒋᐠ ᐊᓂᑌ ᐊᑖᑐᐃᐧᑲᒥᑯᕽ, ᐁ ᐃᑐᐦᑕᑕᒪᐋᐧᒋᐠ ᐊᓂᐦᐃ ᐅᔭᓱᐁᐧᐊᐧ, 20ᐃᐢᐱ ᒫᑲ ᑳ ᐃᑐᐦᑕᐋᒋᐠ ᐃᑕ ᐁ ᐊᔮᔨᐟ ᐅᔭᓱᐁᐧᐃᐧᑭᒫᐊᐧ, ᐅᒥᓯ ᑭ ᐃᑌᐧᐊᐧᐠ, ᐅᑭ ᐊᔨᓯᔨᓂᐊᐧᐠ, ᐁ ᒍᐃᐧᒋᐠ, ᓈᐢᐱᐨ ᒥᑯᐢᑳᒋᑖᐊᐧᐠ ᑭᐟ ᐅᑎᓇᐃᐧᓇᐤ, 21ᒥᓇ ᐁ ᑭᐢᑭᓄᐦᐊᒫᑫᒋᐠ ᐃᓯᑖᐧᐃᐧᓇ, ᐁᑳ ᐁ ᐃᑕᐢᑌᐠ ᑭᔮᓇᐤ ᑭᑕ ᐅᑎᓇᒪᕽ, ᐊᐦᐳ ᑭᑕ ᓈᑲᑕᐁᐧᔨᑕᒪᕽ, ᐁ ᕒᐅᒪᓂᐃᐧᔭᕽ. 22ᐊᓂᑭ ᒫᑲ ᐊᔨᓯᔨᓂᐊᐧᐠ ᐁ ᒫᒪᐁᐧᔭᑎᒋᐠ ᑭ ᐸᓯᑰᐢᑕᐁᐧᐊᐧᐠ: ᐊᓂᑭ ᒥᓇ ᐅᔭᓱᐁᐧᐃᐧᑭᒫᐊᐧᐠ ᑭ ᔮᔨᑭᐱᑕᒪᐧᐠ ᐅ ᑭᑭᐢᑳᒋᑲᓂᐋᐧᐊᐧ, ᐁᑯᓯ ᐁ ᑭ ᐃᑕᓱᐁᐧᒋᐠ ᑭᑕ ᐸᐸᑲᒪᐅᐦᐟ ᓂᐱᓯᔭ ᐅᐦᒋ. 23ᐃᐢᐱ ᒫᑲ ᑳ ᒥᐢᑕᐦᐃ ᐸᐸᓴᐢᑌᐋᐧᒋᐠ, ᑭᐸᐦᐅᑐᐃᐧᑲᒥᑯᕽ ᑭ ᐃᓯ ᐁᐧᐱᓀᐊᐧᐠ, ᐁ ᐊᔮᑳᐧᒥᒫᒋᐠ ᐅᑭᐸᐦᐅᐁᐧᐊᐧ ᒥᑐᓂ ᑭᑕ ᑲᓇᐁᐧᔨᒫᔨᐟ: 24ᐁᐊᐧᑯ ᐅᒥᓯ ᐁ ᑭ ᐃᓯ ᐊᔮᑳᐧᒥᒥᐦᐟ, ᑭ ᐃᓯ ᐁᐧᐱᓀᐤ ᒫᐊᐧᐨ ᐱᐦᒋ ᑭᐸᐦᐅᑐᐃᐧᑲᒥᑯᕽ, ᐁᑯᓯ ᐁ ᑭ ᒪᒫᒋᑯᓯᑌᔮᐱᑎᑳᐋᐧᐟ.
25ᓇᐣᑕᐤ ᒫᑲ ᐁ ᐋᐱᑖᑎᐱᐢᑳᐠ ᐹᓬ ᒥᓇ ᓴᐃᓬᐊᐢ ᑭ ᐊᔭᒥᐦᐋᐊᐧᐠ, ᒥᓇ ᑭ ᓂᑲᒧᐢᑕᐁᐧᐊᐧᐠ ᓂᑲᒧᓇ ᑭᓭᒪᓂᑐᐊᐧ: ᑭᐸᐋᐧᑲᓇ ᒫᑲ ᐁ ᓇᑐᑖᑯᒋᐠ. 26ᓯᓯᑯᐨ ᒫᑲ ᑭ ᑭᐦᒋ ᑭᐦᑲᐧᐣ, ᐁᑯᓯ ᐃᑕ ᑳ ᐊᐢᐸᐢᑌᐠ ᑭᐸᐦᐅᑐᐃᐧᑲᒥᐠ ᑭ ᓇᓇᒥᐸᔨᐤ: ᒥᓇ ᓭᒫᐠ ᑲᐦᑭᔭᐤ ᐃᐢᑳᐧᑌᒪ ᑭ ᔪᑌᐸᔨᐊᐧ, ᑲᐦᑭᔭᐤ ᒫᑲ ᐅ ᒪᒫᒋᑲᐧᐱᓱᐃᐧᓂᐋᐧᐊᐧ ᑭ ᐋᐱᑯᐸᔨᔨᐊᐧ. 27ᐅᑭᐸᐦᐅᐁᐧᐤ ᒫᑲ ᐁ ᑯᐢᑯᐢᑳᐟ ᐁ ᒣᑳᐧ ᓂᐹᐟ ᐁᑯᓯ ᐁ ᐋᐧᐸᐦᑕᕽ ᑭᐸᐦᐅᑐᐃᐧᑲᒥᑯᐃᐢᑳᐧᑌᒪ ᐁ ᔪᑌᑯᑌᔨᑭ, ᑭ ᐅᑎᑎᓇᒼ ᐅᐟ ᐃᓴᐁᐧᐢᐠ, ᐁᑯᓯ ᐁ ᐃᐧ ᐊᑎ ᓂᐸᐃᓱᐟ, ᓵᓴᐩ ᑭ ᑕᐸᓯᐊᐧᐠ ᑭᐸᐋᐧᑲᓇᐠ ᐁ ᐃᑌᔨᑕᕽ. 28ᒫᑲ ᐹᓬ ᑭ ᑌᐯᐧᐤ, ᐅᒥᓯ ᐁ ᐃᑌᐧᐟ, ᐁᑳᐃᐧᔭ ᓈᓂᑕᐤ ᐃᑐᑖᓱ; ᒋᑫᒫ ᑲᐦᑭᔭᐤ ᐅᑕ ᓂᐟ ᐊᔮᓈᐣ. 29ᐁᑯᓯ ᓇᑐᑕᒼ ᐋᐧᓴᐢᑯᑌᓂᑲᓇ ᑭ ᐱᐦᑐᑫ ᑳᐧᐢᑯᑎᐤ ᒫᑲ ᐁ ᓇᓇᒥᐸᔨᐟ, ᐁ ᑭ ᐸᐦᑭᓯᕽ ᒫᑲ ᐅᐟ ᐋᐢᑕᒥᐃᐧᓂᔨᕽ ᐹᓬᐊ ᒥᓇ ᓴᐃᓬᐊᓴ, 30ᐁᑯᓯ ᐁ ᑭ ᐯ ᐊᐧᔭᐃᐧᑕᐋᐟ, ᐅᒥᓯ ᒫᑲ ᐁ ᐃᑌᐧᐟ, ᐅᑭᒫᑎᐠ, ᑫᑲᐧᐩ ᑫ ᑐᑕᒫᐣ ᑭᑕ ᐱᒫᒋᐦᐅᔮᐣ? 31ᐅᒥᓯ ᒫᑲ ᑭ ᐃᑌᐧᐊᐧᐠ, ᑖᐯᐧᔦᔨᒼ ᑳ ᑎᐯᔨᐦᒋᑫᐟ ᒋᓴᐢ, ᐁᑯᓯ ᒫᑲ ᑭ ᑲ ᐱᒫᒋᐦᐅᐣ, ᑭᔭ ᒥᓇ ᑭᑭᕽ ᑳ ᐊᔮᒋᐠ. 32ᐁᑯᓯ ᒫᑲ ᑭ ᐃᐧᐦᑕᒪᐁᐧᐊᐧᐠ ᐅᐟ ᐃᑌᐧᐃᐧᓂᔨᐤ ᑳ ᑎᐯᔨᐦᒋᑫᔨᐟ, ᒥᓇ ᑲᐦᑭᔭᐤ ᐊᓂᐦᐃ ᐃᐧᑭᔨᕽ ᑳ ᐊᔮᔨᐟ. 33ᑭ ᐅᑎᓀᐤ ᒫᑲ ᐁᐊᐧᑯ ᐁ ᐃᐢᐸᔨᐠ ᑎᐸᐃᐱᓯᒫᐧᐣ ᐁ ᑎᐱᐢᑳᐠ, ᐁ ᑭ ᑭᓯᐯᑭᓇᒫᐧᐟ ᐅ ᐸᐸᓴᐢᑌᐅᑯᐃᐧᓂᔨᐤ; ᐁ ᑭ ᐹᑊᑖᐃᓯᐃᐧᐦᐃᐦᐟ ᒫᑲ, ᐃᐧᔭ ᒥᓇ ᑲᐦᑭᔭᐤ ᐁ ᐃᐦᑕᓯᐟ, ᓭᒫᐠ. 34ᐃᐢᐱ ᒫᑲ ᑳ ᐱᑐᑲᐋᐟ ᐃᐧᑭᕽ, ᑭ ᐅᔭᐢᑕᒪᐁᐧᐤ ᑫ ᒥᒋᔨᐟ, ᐁ ᒥᔭᐋᐧᑕᕽ ᒫᑲ, ᐁ ᑖᐯᐧᔦᔨᒫᐟ ᑭᓭᒪᓂᑐᐊᐧ ᐊᓯᒋ ᑲᐦᑭᔭᐤ ᐃᐧᑭᕽ ᐁ ᐃᐦᑕᓯᐟ.
35ᐃᐢᐱ ᒫᑲ ᐁᑎ ᑭᓯᑳᐠ, ᐅᔭᓱᐁᐧᐃᐧᑭᒫᐊᐧᐠ ᑭ ᐃᓯᑎᓴᐁᐧᐊᐧᐠ ᐅᑎᓂᐁᐧᐊᐧ, ᐆᒥᓯ ᐁ ᐃᑌᐧᒋᐠ, ᑭᔮᒼ ᑭᑕ ᓯᐯᐧᑌᐊᐧᐠ ᐁᐊᐧᑯᓂᐠ ᐊᔨᓯᔨᓂᐊᐧᐠ. 36ᐅᑭᐸᐦᐅᐁᐧᐤ ᒫᑲ ᑭ ᐃᐧᐦᑕᒪᐁᐧᐤ ᐆᐦᐃ ᐃᑌᐧᐃᐧᓇ ᐹᓬᐊ, ᐁ ᐃᑌᐧᐟ ᐅᔭᓱᐁᐧᐃᐧᑭᒫᐊᐧᐠ ᑭ ᐯ ᐃᓯᑎᓴᐦᐅᐁᐧᐊᐧᐠ ᑭᑕ ᐸᑭᑎᓂᑲᐃᐧᔦᐠ: ᐁᑲᐧ ᒫᑲ ᓯᐯᐧᐦᑌᐠ ᐯᔭᑕᑫᔨᒧᐃᐧᓂᕽ. 37ᒫᑲ ᐹᓬ ᐆᒥᓯ ᑭ ᐃᑌᐤ, ᒥᑐᓂ ᒨᓯᐢ ᓂ ᑭ ᐸᐸᓴᐢᑌᐅᑯᓈᓇᐠ ᐁᑳ ᐁ ᐅᐦᒋ ᐅᔭᓱᐋᐧᑎᑲᐃᐧᔮᕽ ᓂᔭᓈᐣ ᐁ ᕒᐆᒪᓂᐃᐧᔮᕽ, ᐁ ᑭ ᐃᓯ ᐁᐧᐱᓂᑯᔮᐦᑭᐠ ᒥᓇ ᑭᐸᐦᐅᑐᐃᐧᑲᒥᑯᕽ; ᐁᑲᐧ ᒋ ᒫᑲ ᑭᒨᐨ ᓂ ᐃᐧ ᐊᐧᔭᐃᐧᑎᓴᐅᑯᓈᓇᐠ? ᓇᒪᐃᐧᔭ ᐁᑯᓯ; ᒫᑲ ᑭᔮᒼ ᐃᐧᔭᐋᐧᐤ ᑫᐦᒋᐋᐧᐠ ᑭᑕ ᐯ ᐃᑐᐦᑌᐊᐧᐠ ᑭᑕ ᐊᐧᔭᐃᐧᑕᐃᑯᔮᐦᑭᐠ. 38ᐅᑎᓂᐁᐧᐊᐧᐠ ᒫᑲ ᑭ ᐋᒋᒧᐢᑕᐁᐧᐊᐧᐠ ᐅᐦᐃ ᐊᔭᒥᐃᐧᓇ ᐊᓂᐦᐃ ᐅᔭᓱᐁᐧᐃᐧᑭᒫᐊᐧ: ᐁᑯᓯ ᑭ ᓭᑭᓯᔨᐊᐧ, ᐃᐢᐱ ᐱᔦᑕᒥᔨᐟ ᐁ ᕒᐅᒪᓂᐃᐧᔨᐟ; 39ᑭ ᐯ ᐃᑐᐦᑌᐊᐧᐠ ᒫᑲ ᒥᓇ ᑭ ᑳᑭᓯᒧᑐᑕᐁᐧᐊᐧᐠ; ᐃᐢᐱ ᒫᑲ ᑳ ᐊᐧᔭᐃᐧᑕᐋᒋᐠ, ᑭ ᑲᑫᐧᒋᒣᐊᐧᐠ ᑭᑕ ᓇᑲᑕᒥᔨᐟ ᐅᑌᓇᐤ.
40ᑭ ᐊᐧᔭᐃᐧᐊᐧᐠ ᒫᑲ ᑭᐸᐦᐅᑐᐃᐧ ᑲᒥᑯᕽ ᐅᐦᒋ, ᒥᓇ ᑭ ᐱᐦᑐᑫᐊᐧᐠ ᐅ ᐋᐧᐢᑳᐦᐃᑲᓂᔨᕽ ᓬᐃᑎᔭᐊᐧ; ᐃᐢᐱ ᒫᑲ ᑳ ᐋᐧᐸᒫᒋᐠ ᐅᒋᐋᐧᒥᒫᐊᐧ, ᑭ ᒪᒥᔪᑌᐁᒣᐊᐧᐠ, ᐁᑯᓯ ᑭ ᓯᐯᐧᑌᐊᐧᐠ.
موجودہ انتخاب:
ᐃᓯᐦᒋᑫᐃᐧᓂᐋᐧᐊᐧ 16: KKMs
سرخی
کاپی
موازنہ
شئیر
کیا آپ جاہتے ہیں کہ آپ کی سرکیاں آپ کی devices پر محفوظ ہوں؟ Sign up or sign in
This Bible text is a corrected edition of the 1908 Western Cree Bible; it is in the public domain.