ᓂᐢᑕᒼ ᑲᕒᐃᐣᑎᔭᓇ 1
1
1ᐹᓬ ᑳ ᑭ ᓇᑐᒥᐦᐟ ᑭᑕ ᐅᐟ ᐊᐹᐢᑎᓬᐃᒥᐟ ᒋᓴᐢ ᙭ ᐁ ᐃᑌᔨᑕᕽ ᑭᓭᒪᓂᑐ, ᒥᓇ ᓵᐢᑎᓂᐢ ᑭᒋᐋᐧᒥᓇᐤ, 2#ᐃᓯᐦᒋᑫᐃᐧᓂᐋᐧᐊᐧ 18:1ᑳ ᐅᑕᔭᒥᐋᐃᐧᔨᓂᒥᐟ ᑭᓭᒪᓂᑐ ᐊᓂᑕ ᑳᕒᐃᐣᐟ ᑳ ᐊᔮᔨᐟ, ᐊᓂᑭ ᐅᑎ ᑳ ᑲᓈᒋᐃᐦᒋᐠ ᙭ ᒋᓴᓯᕽ, ᐅᑲᓈᑎᓯᐊᐧᐠ ᑳ ᐃᓯᐃᐦᒋᐠ, ᐊᓯᒋ ᑲᐦᑭᔭᐤ ᑳ ᒪᐃᐧᒧᐢᑕᒫᐧᒋᐠ ᐅ ᐃᐧᔪᐃᐧᓂᔨᐤ ᑳ ᑎᐯᔨᒥᑯᔭᕽ ᒋᓴᐢ ᙭ ᒥᓯᐁᐧ ᐃᑕ, ᐃᐧᔭᐋᐧᐤ ᒥᓇ ᑭᔮᓇᐤ ᑳ ᑎᐯᔨᒥᑯᔭᕽ: 3ᓂᓱᑲᒫᑯᐃᐧᐣ ᒥᓇ ᐯᔭᑕᑫᔨᒧᐃᐧᐣ ᑭ ᑲ ᐃᐧ ᐅᐦᒋᐢᑕᒫᑯᐋᐧᐤ ᑭᓭᒪᓂᑐ ᑯᑖᐃᐧᓇᐤ ᒥᓇ ᑳ ᑎᐯᔨᒥᑯᔭᕽ ᒋᓴᐢ ᙭.
4ᓂ ᓇᓈᐢᑯᒫᐤ ᓂ ᑭᓭᒪᓂᑐᒼ ᑳᑭᑫ ᑭᔭᐋᐧᐤ ᐅᐦᒋ, ᐅ ᓂᓱᑲᒫᑫᐃᐧᐣ ᐅᐦᒋ ᑭᓭᒪᓂᑐ ᑳ ᑭ ᒥᔨᑲᐃᐧᔦᐠ ᙭ ᒋᓴᐢ ᐁ ᐃᐧᒉᐋᐧᔦᐠ; 5ᑲᐦᑭᔭᐤ ᑫᑲᐧᐩ ᐁ ᑭ ᐃᓯ ᐁᐧᔪᒋ ᐅᐦᑎᓇᒫᑯᔦᐠ, ᑲᐦᑭᔭᐤ ᐱᑭᐢᑫᐧᐃᐧᓂᕽ ᒥᓇ ᑲᐦᑭᔭᐤ ᑭᐢᑫᔨᑕᒧᐃᐧᓂᕽ; 6ᐁᑯᓯ ᐅᐟ ᐋᒋᒧᐃᐧᐣ ᙭ ᑳ ᑭ ᐃᓯ ᓱᑲᐢᑕᒫᑲᐃᐧᔦᐠ: 7ᐁᑯᓯ ᓇᒪ ᓈᐣᑕᐤ ᒣᑭᐃᐧᐣ ᑭ ᓄᑌᐸᔨᓈᐋᐧᐤ; ᐁ ᐯᑖᐋᐧᔦᐠ ᐅ ᑭᐢᑫᔨᐦᑖᑯᐦᑫᐃᐧᐣ ᑳ ᑎᐯᔨᒥᑯᔭᕽ ᒋᓴᐢ ᙭; 8ᐁᐊᐧᑯ ᒥᓇ ᑫ ᐋᔮᒋᐃᑯᔦᐠ ᐱᔨᐢ ᑭᓯᐸᓄᕽ, ᐁᑳ ᑭᑖ ᐋᓀᐧᔨᑖᑯᓯᔦᐠ ᐃᐢᐱ ᐅ ᑭᓯᑳᒥᒋ ᑳ ᑎᐯᔨᒥᑯᔭᕽ ᒋᓴᐢ ᙭. 9ᑭᓭᒪᓂᑐ ᑖᐯᐧᐤ, ᑳ ᑭ ᐃᓯ ᓇᑐᒥᑯᔦᐠ ᐅ ᐃᐧᒉᐋᐧᑲᓂᑳᐃᐧᓂᔨᕽ ᐅᑯᓯᓴ ᒋᓴᐢ ᙭ ᑳ ᑎᐯᔨᒥᑯᔭᕽ.
10ᐁᑲᐧ ᒫᑲ ᑭ ᐸᑯᓭᔨᒥᑎᓈᐋᐧᐤ, ᓂᒋᐋᐧᒥᑎᐠ, ᐅ ᐃᐧᔪᐃᐧᓂᕽ ᑳ ᑎᐯᔨᒥᑯᔭᕽ ᒋᓴᐢ ᙭, ᑲᐦᑭᔭᐤ ᑭᑕ ᐯᔭᑯᑖᔦᐠ ᐁ ᐃᑌᐧᔦᐠ, ᒥᓇ ᐁᑳ ᐸᐢᑫᐃᐧᐦᐃᑐᐃᐧᓇ ᑭᑕ ᐊᔮᔦᐠ; ᒫᑲ ᑭᑕ ᒫᒪᐃᐧ ᒪᒥᑐᓂᐃᑲᐃᐧᔦᐠ ᐯᔭᐠ ᒪᒥᑐᓀᔨᒋᑲᓂᕽ ᒥᓇ ᐯᔭᐠ ᐅᔭᓱᐋᐧᓯᐁᐧᐃᐧᓂᕽ. 11ᒋᑫᒫ ᓂ ᑭ ᐋᒋᒧᐢᑖᑲᐧᐠ ᑭᔭᐋᐧᐤ ᐅᐦᒋ, ᓂᒋᐋᐧᒥᑎᐠ, ᐊᓂᑭ ᐃᐧᑭᕽ ᑲᓬᐅᐃ ᑳ ᐅᐦᒋᒋᐠ, ᒫᔨ ᐃᐧᒉᑐᐃᐧᓇ ᐁ ᐊᔮᔦᐠ. 12#ᐃᓯᐦᒋᑫᐃᐧᓂᐋᐧᐊᐧ 18:24ᐁᐊᐧᑯ ᐅᒪ ᑳ ᐃᑕᒫᐣ, ᐁ ᐃᑕᓯᐟ ᐊᔨᓯᔨᓂᐤ ᐹᐱᑐᐢ ᑭᐟ ᐃᑖᐧᓈᐋᐧᐤ, ᓂᔭ ᐹᓬ ᓂ ᐃᐧᒉᐋᐧᐤ; ᐁᑲᐧ ᓂᔭ ᐊᐹᓬᐊᐢ ᓂ ᐃᐧᒉᐋᐧᐤ; ᐁᑲᐧ ᓂᔭ ᓯᐹᐢ ᓂ ᐃᐧᒉᐋᐧᐤ; ᐁᑲᐧ ᓂᔭ ᙭ ᓂ ᐃᐧᒉᐋᐧᐤ. 13ᓇᓈᓂᐢᒋ ᐊᔮᐤ ᒋ ᙭? ᐹᓬ ᒋ ᑳ ᑭ ᒋᐢᑕᐦᐋᐢᑳᐧᑎᐦᐟ ᑭᔭᐋᐧᐤ ᐅᐦᒋ? ᐊᐦᐳ ᒋ ᐹᓬ ᐅ ᐃᐧᔪᐃᐧᓂᕽ ᑳ ᑭ ᐹᑊᑕᐃᓯᐃᐧᐃᑲᐃᐧᔦᐠ? 14#ᐃᓯᐦᒋᑫᐃᐧᓂᐋᐧᐊᐧ 18:8; ᐃᓯᐦᒋᑫᐃᐧᓂᐋᐧᐊᐧ 19:29; ᕒᐅᒪᓇ 16:23ᓂ ᓇᓈᐢᑯᒫᐤ ᑭᓭᒪᓂᑐ ᓇᒪᐋᐧᐨ ᐊᐃᐧᔭᐠ ᑯᐦᒋ ᐹᑊᑕᐃᓯᐃᐧᐦᐃᑎᓈᐋᐧᐤ, ᐱᑯ ᑲᕒᐃᐢᐸᐢ ᒥᓇ ᑫᔭᐢ; 15ᐁᑳ ᓈᐣᑕᐤ ᐊᔨᓯᔨᓂᐤ ᑭᑕ ᑭ ᐃᑌᐧᐟ ᐁ ᑭ ᐸᑊᑕᐃᓯᐃᐧᐃᑲᐃᐧᔦᐠ ᓂᔭ ᓂ ᐃᐧᔪᐃᐧᓂᕽ. 16#1 ᑲᕒᐃᐣᑎᔭᓇ 16:15ᒥᓇ ᓂ ᑭ ᐹᑊᑕᐃᓯᐃᐧᐃᒫᐊᐧ ᐁ ᐃᐦᑕᓯᔨᐟ ᐃᐧᑭᕽ ᐃᐢᑎᐸᓈᐢ: ᐊᔨᐋᐧᐠ, ᓇᒪᐃᐧᔭ ᓂ ᑭᐢᑫᔨᑌᐣ ᑳ ᐹᑊᑕᐃᓯᐃᐧᐋᐊᐧᑫ ᐊᐃᐧᔭᐠ ᑯᑕᐠ. 17ᒋᑫᒫ ᓇᒪᐃᐧᔭ ᑭᑕ ᐹᑊᑕᐃᓯᐃᐧᐃᐁᐧᔮᐣ ᑳ ᑭ ᐯ ᐃᓯᑎᓴᐦᐅᐟ ᙭. ᒫᑲ ᑭᑕ ᑲᑫᐢᑭᑫᒧᔮᐣ ᒥᔮᐧᒋᒧᐃᐧᐣ: ᓇᒪᐃᐧᔭ ᒥᓇ ᐃᔨᓂᓯᐃᐧ ᐊᔭᒥᐃᐧᓇ ᐅᐦᒋ, ᐁᑳ ᐅ ᐱᒥᑖᐢᑯᐃᑲᐣ ᙭ ᑭᑕ ᓄᑕᐤ ᐃᑕᑭᑌᐠ.
18ᒋᑫᒫ ᐁ ᑕᓯᑕᒥᕽ ᐱᒥᑖᐢᑯᐃᑲᐣ ᐱᑯᓇᑕ ᐃᑎᑕᒪᐧᐠ ᑳ ᓂᓯᐊᐧᓈᒋᐦᐅᒋᐠ; ᒫᑲ ᐃᐧᔭ ᑭᔮᓇᐤ ᑳ ᐱᒫᒋᐃᑲᐃᐧᔭᕽ ᐁᐊᐧᑯ ᐅ ᒪᐢᑲᐃᐧᓯᐃᐧᐣ ᑭᓭᒪᓂᑐ. 19#ᐊᐩᓵᔭ 29:14ᒋᑫᒫ ᐃᑕᓯᓇᐦᐃᑳᑌᐤ, ᓂ ᑲ ᓂᓯᐊᐧᓈᒋᑖᐋᐧᐣ ᐅᐟ ᐃᔨᓂᓯᐃᐧᐣ ᑳ ᐃᔨᓂᓯᐟ, ᒥᓇ ᐅᐟ ᐊᔮᑳᐧᒥᓯᐃᐧᐣ ᑳ ᐊᔮᑳᐧᒥᓯᐟ ᓂ ᑲ ᐋᑕᐁᐧᔨᑕᒫᐧᐣ. 20#ᒍᑊ 12:17; ᐊᐩᓵᔭ 19:12; 33:18; ᐊᐩᓵᔭ 44:25ᑖᓂᐋᐧ ᑳ ᐃᔨᓂᓯᐟ? ᑖᓂᐋᐧ ᒪᓯᓇᐦᐃᑫᐃᐧᔨᓂᐤ? ᑖᓂᐋᐧ ᑳ ᐋᔮᓯᑌᒥᐁᐧᐟ ᐅᑕ ᐊᐢᑭᕽ? ᓇᒪ ᒋ ᑭᓭᒪᓂᑐ ᑭ ᐃᑕᑭᑕᒼ ᐱᑯᓇᑕ ᐊᐢᑭᐃᐧ ᐃᔨᓂᓯᐃᐧᐣ?
21ᒋᑫᒫ ᐁ ᐋᐧᐸᐦᑕᒥᕽ ᐅᐟ ᐃᔨᓂᓯᐃᐧᓂᕽ ᑭᓭᒪᓂᑐ ᐊᐢᑭ ᐁ ᐃᔨᓂᓯᒪᑲᕽ ᐅᐦᒋ ᓇᒪᐃᐧᔭ ᑭ ᑭᐢᑫᔨᒥᐠ ᑭᓭᒪᓂᑐ, ᑭ ᐃᓯ ᒥᔦᐧᔨᑕᒼ ᑭᓭᒪᓂᑐ ᐁ ᐃᓯ ᐁᑳ ᐃᔨᓂᓯᐃᐧᓂᐋᐧᕽ ᑲᑫᐢᑫᐧᐃᐧᐣ ᑭᑕ ᐱᒫᒋᐦᐋᐟ ᐊᓂᐦᐃ ᑳ ᑖᐯᐧᑕᒥᔨᐟ. 22ᒋᑫᒫ ᒍᐊᐧᐠ ᓇᑕᐁᐧᔨᑕᒪᐧᐠ ᑭᐢᑭᓇᐋᐧᒋ ᐋᐧᐸᐦᑕᐦᐃᐁᐧᐃᐧᓇ, ᒥᓇ ᑲᕒᐃᑲᐠ ᓇᑐᓇᒪᐧᐠ ᐃᔨᓂᓯᐃᐧᐣ: 23ᒫᑲ ᓂ ᑲᑫᐢᑭᒥᐋᐧᓈᐣ ᙭ ᑳ ᑭ ᒋᐢᑕᐦᐋᐢᑳᐧᑎᐦᐟ, ᒍᐊᐧᐠ ᐃᐧᔭ ᐁᐊᐧᑫᐧᔨᐤ ᐱᓱᑫᓯᓄᐃᐧᐣ, ᐁᑯᓯ ᒉᐣᑕᐃᓬᐊᐠ ᐃᐧᔭ ᐁᑳ ᑳ ᐃᔨᓂᓯᐊᐧᑫᔨᑕᐦᑭᐠ; 24ᒫᑲ ᐃᐧᔭ ᐊᓂᑭ ᑳ ᓇᑐᒥᐦᒋᐠ, ᑖᐱᐢᑯᐨ ᒍᐊᐧᐠ ᒥᓇ ᑲᕒᐃᑲᐠ, ᙭ ᐅ ᒪᐢᑲᐃᐧᓯᐃᐧᐣ ᑭᓭᒪᓂᑐ ᒥᓇ ᐅᐟ ᐃᔨᓂᓯᐃᐧᐣ ᑭᓭᒪᓂᑐ. 25ᒋᑫᒫ ᐊᓂᒪ ᐁᑳ ᑳ ᐃᔨᓂᓯᐊᐧᑫᔨᒥᐦᐟ ᑭᓭᒪᓂᑐ ᐊᐊᐧᓯᒣ ᐃᔨᓂᓯᐤ ᐃᔨᑯᕽ ᐊᔨᓯᔨᓂᐤ; ᒥᓇ ᐅ ᓀᓱᐃᐧᓯᐃᐧᐣ ᑭᓭᒪᓂᑐ ᐊᐊᐧᓯᒣ ᒪᐢᑲᐃᐧᓯᒪᑲᓂᔨᐤ ᐃᔨᑯᕽ ᐊᔨᓯᔨᓂᐊᐧᐠ.
26ᒋᑫᒫ ᐋᐧᐸᐦᑕᒧᐠ ᑳ ᐃᓯ ᓇᑐᒥᑲᐃᐧᔦᐠ, ᓂᒋᐋᐧᒥᑎᐠ, ᐊᓂᒪ ᐁᑳ ᒥᐦᒉᐟ ᑳ ᐃᔨᓂᓯᒋᐠ ᐃᐧᔮᓯᐃᐧᓂᕽ ᐃᓯ, ᐁᑳ ᒥᐦᒉᐟ ᐁ ᑭᐦᒑᔨᐃᐧᒋᐠ, ᐁᑳ ᒥᐦᒉᐟ ᐁ ᐅᑭᒫᐁᐧᔨᑖᑯᓯᒋᐠ, ᑳ ᓇᑐᒥᐦᒋᐠ: 27ᒫᑲ ᑭᓭᒪᓂᑐ ᑭ ᓇᐊᐧᓱᓇᒼ ᐁᑳ ᑳ ᐃᔨᓂᓯᐊᐧᑫᔨᑕᒥᕽ ᐊᐢᑭᕽ, ᑭᑕ ᓇᓀᐯᐃᐧᑖᐟ ᐊᓂᐦᐃ ᑳ ᐃᔨᓂᓯᒪᑲᑭ; ᒥᓇ ᑭᓭᒪᓂᑐ ᑭ ᓇᐊᐧᓱᓇᒼ ᑳ ᓀᓱᐊᐧᑭ ᐊᐢᑭᕽ, ᑭᑕ ᑭ ᓇᓀᐯᐃᐧᑕᐟ ᐊᓂᐦᐃ ᑳ ᒪᐢᑲᐃᐧᓯᒪᑲᑭ; 28ᒥᓇ ᓄᑕᐤ ᑳ ᐃᑕᑭᑌᑭ ᐅᑕ ᐊᐢᑭᕽ, ᒥᓇ ᐊᓂᐦᐃ ᑳ ᐱᐁᐧᔨᑖᑲᐧᑭ, ᑭᓭᒪᓂᑐ ᑭ ᓇᐊᐧᓱᓇᒼ, ᒥᓇ ᐊᐦᐳ ᐊᓂᐦᐃ ᐁᑳ ᑳ ᐊᔮᑭ, ᐁᑳ ᑭᑕ ᐃᑕᑲᐧᑭ ᐊᓂᐦᐃ ᑳ ᑭ ᐊᔮᑭ: 29ᐁᑳ ᐊᐃᐧᔭᐠ ᑳ ᐅ ᐃᐧᔮᓯᐟ ᑭᑕ ᒪᒥᐦᒋᒧᐟ ᐁ ᐃᓯ ᑭᑖᐸᑕᕽ ᑭᓭᒪᓂᑐ. 30ᒫᑲ ᐁᐊᐧᑯ ᐅᐦᒋ ᑭᐟ ᐊᔮᓈᐋᐧᐤ ᙭ ᒋᓴᓯᕽ, ᐊᓇ ᑳ ᑭ ᐃᓯᐃᑯᐟ ᑭᓭᒪᓂᑐᐊᐧ ᑭᔮᓇᐤ ᐅᐦᒋ ᐃᔨᓂᓯᐃᐧᐣ, ᒥᓇ ᑲᐧᔭᐢᑭᑖᑎᓯᐃᐧᐣ ᒥᓇ ᑲᓈᑎᓯᐃᐧᐣ, ᒥᓇ ᑎᐸᐦᐃᑫᐢᑕᒫᑫᐃᐧᐣ: 31#ᒉᕒᐃᒫᔭ 9:24ᐁᑯᓯ ᒫᑲ, ᑳ ᐃᑕᓯᓇᐦᐃᑳᑌᐠ, ᐊᓇ ᑳ ᒪᒥᒋᒧᐟ, ᑭᔮᒼ ᑳ ᑎᐯᔨᐦᒋᑫᔨᐟ ᑭᑕ ᒪᒥᐦᒋᒣᐤ.
موجودہ انتخاب:
ᓂᐢᑕᒼ ᑲᕒᐃᐣᑎᔭᓇ 1: KKMs
سرخی
کاپی
موازنہ
شئیر
کیا آپ جاہتے ہیں کہ آپ کی سرکیاں آپ کی devices پر محفوظ ہوں؟ Sign up or sign in
This Bible text is a corrected edition of the 1908 Western Cree Bible; it is in the public domain.