Zaburey 138

138

Ay ga ni šifa nda ay binoo kul

1Woo ti Dawda zabur foo.

Ay ga ni šifa nda ay binoo kul,

ay ga don ka ni saabu koyey jine.

2Ay ga sujudu ni hugu henanantaa here

ka ni maaɲoo šifa ni borohennataraa nda ni laadirtaraa maaganda,

zama nʼna ni šennoo beerandi ka bisa ni maaɲoo kul.

3Hanoo kaŋ ay na ni cee, nʼnʼay zaabi,

nʼnʼay hundoo noo bine nda gaabi.

4Abadantaa, laboo kokoyey kul ga ni šifa

nda i maa ni miɲoo šenney.

5I ga Abadantaa fondawey daŋ dooni ra,

zama Abadantaa daržaa ga beeri,

6zama Abadantaa jerandi, amma a ga dii borey kaŋ yeetandi ganda,

nda hundi beerey, a gʼi bay nongu mooro ra.

7Ba nda ay ga dira taabi ra, nʼgʼay hunandi,

nʼga ni kaboo šerre agay iberey futuroo ga,

ni kabe gumaa gʼay hallasi.

8Abadantaa ga haya kul benantaa tee ya ne gomni.

Ni borohennataraa si ben abada.

Masi ni kabey teegoyey fur.

موجودہ انتخاب:

Zaburey 138: ses

سرخی

کاپی

موازنہ

شئیر

کیا آپ جاہتے ہیں کہ آپ کی سرکیاں آپ کی devices پر محفوظ ہوں؟ Sign up or sign in

Zaburey 138
سے مشہور بائبلی آیات