MATHAIA 7
7
Mi dang sawisêl
(Lk. 6:37-38,41-42)
1“Sawisêl suh u, sawisêla in awm loh nân. 2In sawisêlna ang bawkin sawisêl in ni ang a, in tehna ngeiin an tehsak ang che u.#Mk. 4:24; Rom. 2:1. 3Engtizia nge mahni mita thingtum awm chu hre si lovin in unau mita thil tê tak tê awm chu in hmuh ni? 4A nih leh, engtin nge mahni mita thingtum awm reng siin i unau hnênah, ‘I mita thil tê tak tê awm kha mi lâk chhuahtîr rawh,’ i tih theih ang? 5Ngai teh, nangma mit ngeiah thingtum a awm ruau si a. Mi vervêk, i mita thingtum awm kha la chhuak hmasa zet rawh; tichuan, i unau mita thil tê tak tê lâk chhuah tûr chu fiah takin i hmu thei ang.
6“Uite chu thil thianghlim pe suh ula, vawk hmaah pawh in tuikeplung vawrh hek suh u; an chîl hrep ang a, an rawn tai thlêr dah ang che u.
Dîl la, zawng la, kik rawh
(Lk. 11:9-13)
7“Dîl ula, pêk in ni ang; zawng ula, in hmu ang; kik ula, hawnsak in ni ang.#Mk. 11:24; Jak. 4:3. 8A dîl apiangin an dawng ṭhîn a, a zawng apiangin an hmu bawk ṭhîn; tu pawh a kik chu an hawnsak dâwn a ni. 9A nih leh, nangniho zînga tu pawh hi, a fapain chhang dîl sela, tu nge lung pe ang? 10Sangha dîl ta sela tu nge rûl pe ang? 11Chutichuan, nangni mi sual mahin in fate thil ṭha pêk nachâng in hriat chuan in Pa vâna mi chuan a dîltute chu thil ṭha a va pe dâwn êm!
12“Chutichuan, thil eng pawh miin in chunga an tih in duh tûr ang apiang chu, mi chungah pawh ti ve rawh u; chu chu Dân leh zâwlneite thu a ni rêng si a. #Lk. 6:31.
Kawngka zîm
(Lk. 13:24)
13“Kawngka zîmah chuan lût rawh u, boralna kawngka#7:13 Mss ṭhenkhatah ‘kawng’ tih mai a ni. chu a zau va, a kawng pawh a nuam a, chumi lama kalte chu tam tak an ni. #Deut. 30:19; Jer. 21:8; Lk. 13:23,24; Jn. 14:6. 14Nunna kawngka erawh chu a zîm a, a kawng pawh a chêp a, a hmutute pawh tlêm tê an ni.
Thing ṭha a rah ṭha
(Lk. 6:43,44)
15“Zâwlnei derte lakah fîmkhur rawh u, chûng chu berâm vun sinin in hnênah an lo kal ṭhîn; an chhûng lamah erawh chuan chinghne koham tak an ni si a. #Ezek. 22:27; Mt. 24:11,24; Jn. 10:12; 1 Jn. 4:1. 16Anni chu an rahah in hre mai ang. Hlîngbukah grep an lo ngai em ni? Lênhlîngah theipui an lo ngai em ni? #Mt. 12:32,35; Jak. 3:12. 17Thing ṭha chu a rah ṭha ṭhîn a, thing chhia chu a rah chhe ṭhîn. 18Thing ṭha a rah chhe thei lo va, thing chhia lah a rah ṭha thei hek lo. 19Thing tin rah ṭhaa rah lo apiang chu an kit a, meiah an tuah ṭhîn.#Mt. 3:10; Lk. 3:9. 20Tichuan, anni chu an rahah in hre mai ang.#Mt. 12:33.
Ka hre lo che u
(Lk. 13:25-27)
21“‘Lalpa, Lalpa,’ mi ti nazawng chu vânramah an lût lo vang a, ka Pa vâna mi duhzâwng titute erawh chu an lût ang. #Lk. 6:46. 22Chumi ni-ah chuan mi tam takin, ‘Lalpa, Lalpa, i hmingin thute kan hril a, i hmingin ramhuaite kan hnawt chhuak a, i hmingin thil makte kan ti ṭhîn lo vem ni?’ an la ti ang. 23Chumi hunah chuan, ‘Nangni thil sual titute u, ka hre ngai lo va che u, ka hnên ata kal bo daih rawh u,’ tiin anni chu ka la hrilh ang. #Sam. 6:8.
In satu pahnih
(Lk. 6:47-49)
24“Chutichuan, hêng ka thu hi hriaa, zâwm apiang chu mi fing, lungpui chunga in satu nên tehkhin tûr a ni. 25Ruah a lo sûr a, tui te a lo lian a, thli te a lo tleh a, chu in chu a rawn nam sawk sawk a; mahse, lungpui chunga rem tlat a nih avângin a chim lo. 26Hêng ka thu hi hriaa zâwm si lote erawh chu mi â ṭiauvut chung maia in satu nên tehkhin tûr a ni. 27Ruah a lo sûr a, tui te a lo lian a, thli te a lo tleh a, chu in chu a rawn nam sawk sawk a, a chim ta a, a sawp rup mai a ni,” a ti a.
Isua thuneihna
28Isuan chûng thu chu a sawi zawh chuan mipuiten a thu zirtîr chu mak an ti hle a, #Mk. 1:22; Lk. 4:32. 29Dân zirtîrtute ang lova thu nei taka anmahni a zirtîr avâng chuan.#7:29 ‘Thuneihna nei âwm taka’ tih theih a ni bawk.
موجودہ انتخاب:
MATHAIA 7: MIZCLBSI
سرخی
شئیر
کاپی
کیا آپ جاہتے ہیں کہ آپ کی سرکیاں آپ کی devices پر محفوظ ہوں؟ Sign up or sign in
Mizo (Lushai) C.L. Bible - PATHIAN LEHKHABU THIANGHLIM
Copyright © 1995 by The Bible Society of India
Used by permission. All rights reserved worldwide.