MATHAIA 6
6
Thilpêk thu-a zirtîrna
1“In thil ṭha tihte mi hmuh atân, an hmaa ti lo tûrin fîmkhur rawh u; chutilo chu in Pa vâna mi hnêna lâwmman in hmu lo vang. #Mt. 23:5. 2Chutichuan, khawngaih thilpêk i hlanin, mi vervêkten mi fak an hlawh theih nân sunagog-ah te leh kawtthlêrah te an ti ṭhîn ang hian i hmaah tawtawrâwt hâm suh. Thu dik ka hrilh a che, an lâwmman chu an hmu tawh reng a ni. 3Nang erawh chuan khawngaih thilpêk i hlanin, i kut ding lam tih chu i kut vei lamin hre suh se, 4i thilpêk chu a rûka a awm theih nân; chutichuan, i Pa, a rûka hmu ṭhîntu chuan#6:4 Mss ṭhenkhatah ‘a langin’ tih a tel. a rûl ang che.
Ṭawngṭai thu-a zirtîrna
(Lk. 11:2-4)
5“In ṭawngṭai pawhin mi vervêkte angin awm suh u; miin an hmuh theih nân sunagog-ah te, kawtthlêr ṭhuam laiah te ding chunga ṭawngṭai an ngaina si ṭhîn. Thu dik ka hrilh a che u, an lâwmman chu an hmu tawh reng a ni.#Mk. 11:25; Lk. 18:10-14. 6Nang erawh chu i ṭawngṭai hunin, i pindan chhûng rilah lût la, kawng khâr la, i Pa, a rûka awm hnênah chuan ṭawngṭai rawh; tichuan, i Pa, a rûka hmu ṭhîntu chuan a rûl ang che.
7“In ṭawngṭaiin Jentail-te angin sawi nawn mai mai suh u; an ṭawng tam avângin hriain an ring a ni. #1 Lal. 18:25-29. 8Anmahni angin awm suh u, in dîl hma pawhin in Pa chuan in mamawhte chu a hre si a. 9Tichuan, nangni chu hetiang hian ṭawngṭai rawh u:
‘Kan Pa, vâna mi,
I hming zahin awm rawh se.
I ram lo thleng rawh se. #Lk. 11:2-46.
10I duhzâwng vâna tih a nih angin leiah tih ni rawh se.
11Vawiinah hian kan ei khawp chaw min pe ang che.#6:11 ‘Ni tin kan ei khawpin’ tih theih a ni.
12Kan laka bate kan ngaidam angin,
kan batte hi min ngaihdamsak ang che.
13Thlêmnaah min hruai lût suh la,
Mi sual#6:13 ‘sual’ tih theih a ni. lakah chuan min chhandam zâwk ang che.’#6:13 Mss ṭhenkhatah ‘Ram te, thiltihtheihna te, ropui te, chatuan i ta a ni si a, Amen’ tih a tel.
tiin. 14An bawhchhiatnaah mite in ngaihdam chuan, in Pa vâna mi pawhin a ngaidam ve ang che u. #Mk. 11:25; Efe. 4:32; Kol. 3:13. 15In ngaihdam loh erawh chuan in Pain in bawhchhiatnaahte a ngaidam bîk lo vang che u.
Chaw nghei chungchâng zirtîrna
16“Chaw in nghei hun pawhin mi vervêkte angin ngui hmêl pu suh u; anni zawngin mi hmuha chaw ngheia an lan theih nân an hmêl an tipawr si ṭhîn a. Thu dik ka hrilh a che u, an lâwmman chu an hmu tawh reng a ni. #Isa. 58:5. 17Nang erawh chuan chaw i nghei hunin, sahriak thih la, i hmai phih rawh. 18I Pa, a rûka awm hnênah chauh lo chuan mi hmuhah chaw ngheiin i lang lo vang; tichuan, i Pa a rûka hmu ṭhîntu chuan a rûl ang che.
Vâna ro khâwl khâwm
(Lk. 12:33,34)
19“Leiah, thîm leh tuiêkin a ei chhiatnaah, rûkruten an reh pawha an rûknaah hian in tân ro khâwl khâwm suh u. #Lk. 12:33,34; Mk. 10:21; 1 Tim. 6:17-19; Jak. 5:1-3. 20Vânah, thîm leh tuiêkin a ei chhiat lohnaah, rûkruten an reh pawha an rûk hek lohnaah chuan in tân ro khâwl khâwm zâwk rawh u. 21In ro awmna apiangah in rilru pawh a awm ṭhin hi.
Taksa tâna êng
(Lk. 11:34-36)
22“Mit hi taksa tân khâwnvâr ang a ni, I mit a dik chuan i taksa chu a pum ên ang; 23i mit a dik loh erawh chuan i pumin i thim vek ang. Tichuan, nangmaha êng awm chu a thim si chuan, chu thim chu a va nasa dâwn êm!
Pathian leh sum
(Lk. 16:13; 12:22-31)
24“Tu man hotu pahnih rawng an bâwl kawp thei lo, pakhat huain pakhat an duh emaw a ni ang a; a nih loh leh pakhat chu an ngaina ang a, pakhat chu an hmusit ang. Pathian rawng leh sum rawng in bâwl kawp thei lo ve.
25“Chuvâng chuan, ka hrilh a che u, in nun nân eng nge in ei anga in in ang tih te, in taksa tân eng nge in sin ang tih te lungkham suh u. Ei tûr aiin nunna a pawimawh zâwk a, silhfên aiin taksa pawh a pawimawh zâwk lo vem ni? 26Chunglêng savate hi en ta che u, buh an tuh lo va, an seng lo va, buh inahte an khung khâwm hek lo; mahse, in Pa vâna mi chuan a châwm si a; anni ai chuan in hlu zâwk daih lo vem ni? 27Nangniho zîngah lungkham avângin tu nge mahni nun tisei#6:27 ‘tawng khata mahni intisâng’ tih theih a ni. hret thei?#Sam. 39:5. 28Silhfên thu engah nge in lungkham ni? Ram tûktinpâr ṭhan dânte hi ngaihtuah teh u, hna an thawk lo va, la an dek hek lo; 29nimahsela, ka hrilh a che u, Solomona meuh pawh a ropui thei ang bera a inthuam khân hêng tûktinpâr pakhat tluk pawh hian chei a ni lo. #1 Lal. 10:4-7; 2 Chr. 9:3-6.
30“Chutichuan, ram hnim, vawiina nung, a tûka meia tuah leh mai tûr mah Pathianin chuti kauva a chei si chuan, aw, nangni rin tlêmte u, chûngte ai chuan a thuam nasa zâwk dâwn lo che u em ni? 31Chuvângin, eng nge in eia in in anga, eng nge in silha in fên ang tih lungkham suh u. 32Jentail-ten chûng chu an buaipui ber a ni: hêng zawng zawng hi nangni pawhin in mamawh tih in Pain a hre reng a ni. 33A ram leh a felna chu zawng hmasa zâwk rawh u; tichuan, hêng zawng zawng hi a pêk belhchhah dâwn che u nia.#Sam. 37:4. 34Chuvângin, a tûk atân lungkham suh u, a tûk chuan ama tân a ngaihtuah chawp dâwn si a. Ni khat hrehawm hi ni khat atân a tâwk e.
موجودہ انتخاب:
MATHAIA 6: MIZCLBSI
سرخی
شئیر
کاپی
کیا آپ جاہتے ہیں کہ آپ کی سرکیاں آپ کی devices پر محفوظ ہوں؟ Sign up or sign in
Mizo (Lushai) C.L. Bible - PATHIAN LEHKHABU THIANGHLIM
Copyright © 1995 by The Bible Society of India
Used by permission. All rights reserved worldwide.