MATHAIA 19
19
Inmâk thu-a zirtîrna
(Mk. 10:1-12)
1Isuan chûng thu chu a sawi zawhin Galili ram ata a chhuak a, Jordan râla Judai ramah chuan a kal ta a. 2Mipui nasa takin an zui a, chumi hmunah chuan a lo tidam hlawm a.
3Farisai-te a hnênah an lo kal a, amah fiah nân, “Eng vâng pawhin miin a nupui a mâk a thiang em?” an ti a. 4Ani chuan a chhâng a, “A tîr ata Siamtu chuan hmeichhia leh mipaah a siam a, 5‘chumi avâng chuan mipain a nu leh pa a thlah ang a, a nupui a vuan ang; tichuan, an pahnih chuan tisa pumkhat an lo ni tawh ang,’ a tih hi in chhiar lo vem ni? #Gen. 2:24; 5:2. 6Chutichuan, pahnih an ni tawh lo va, tisa pumkhat an ni tawh zâwk a ni. Pathianin a zawm tawh avângin mihringin ṭhen suh se,” a ti a.
7Anni chuan a hnênah, “A nih leh, engati nge Mosian inmâkna lehkha pea mâk theih thu a pêk si?” an ti a. #Deut. 24:1-4; Mt. 5:31. 8Ani chuan an hnênah, “Mosian in thinlung sak avângin in nupui mâk a phal a ni; nimahsela, a tîr ata chutiang a ni si lo. 9Kei chuan ka hrilh a che u, tu pawh uire vâng ni lova a nupui maa mi dang neitu chu a uire a ni. Mâk hnu nei pawh a uire a ni,” a ti a. #Mt. 5:32; Lk. 16:18; 1 Kor. 7:10,11.
10Zirtîrte chuan a hnênah, “Chutiang chu nupa chungchânga mipa dinhmun a nih si chuan inneih hi a ṭha lo ve,” an ti a. 11Ani erawh chuan, “Chu thu chu mi zawng zawngin an pawm thei lo, a pêkate chauh lo chuan.#1 Kor. 7:7-9. 12Mi tilreh, nu pum chhûng aṭanga chutianga piang rêng an awm a; mihring kuta reh an awm bawk a; vânram avânga tilreha insiam chawp an awm bawk a. Tu pawh a zâwm thei chuan zâwm rawh se,” a ti a.
Naupangte Isuan mal a sâwm
(Mk. 10:13-16; Lk. 18:15-17)
13Chumi lai chuan an chunga kut nghata a ṭawngṭaisak tûrin a hnênah naupang tê tê an rawn hruai a; zirtîrte chuan an lo hnar a. 14Isua erawh chuan, “Naupangte ka hnênah han kaltîr ula, hnar suh u; vânram chu hêng ang mite ta hi a ni si a,” a ti a. 15An chungah a kut a nghat a, chuta ta chu a kal ta a. #Gen. 2:24; Efe. 5:32; 1 Kor. 6:16.
Tlangvâl hausa
(Mk. 10:17-31; Lk. 18:18-30)
16Mi pakhat a hnênah a lo kal a, “Zirtîrtu#19:16 Mss ṭhenkhatah ‘ṭha’ tih a tel. chatuan nun ka neih theih nân eng thil ṭha nge ka tih ang?” a ti a. #Lk. 10:25; Lev. 18:5. 17Ani chuan, “Thil ṭha engah nge mi zawh? Ṭha chu pakhat chauh a awm,#19:17 Mss ṭhenkhatah, ‘Pathian pakhat chauh lo chu tu mah ṭha an awm lo’ tih a tel. Nunnaa luh i duh chuan thupêkte chu zâwm rawh,” a ti a. 18Ani chuan, “A engte hi maw?” a ti a. Isuan, “Tual i that tûr a ni lo; i uire tûr a ni lo; i ru tûr a ni lo; dâwtin i hêk tûr a ni lo; #Exod. 20:13,14; Deut. 5:17,18; Exod. 20:15,16; Deut. 5:19,20; Rom. 13:9; Jak. 2:11. 19i nu leh i pa chawimawi rawh, tihte leh, nangmah i inhmangaih angin i vêngte i hmangaih tûr a ni, tihte hi,” a ti a. #Exod. 20:12; Lev. 19:18; Deut. 5:16. 20Tlangvâl chuan a hnênah, “Chûng zawng zawng chu ka zâwm ṭhîn, eng nge ka la bâk?” a ti a. 21Isuan, “Ṭhat famkim i duh chuan, kal la, i thil neihte hralh la, pachhiate pe rawh; chutichuan, vânah ro i nei dâwn nia; tin, lo kal la, mi zui ang che,” a ti a. #Lk. 12:23; Tirh. 2:45; 4:34. 22Chu thu chu a hriatin tlangvâl chuan beidawng takin a kalsan ta a, sum ngah tak a ni si a.
23Isuan a zirtîrte hnênah chuan, “Thu dik ka hrilh a che u; mi hausa tân vânram chu luh harsa tak a ni.#19:23 ‘Mi hausate chu harsa tak chauhvin vânram an lût thei ang’ tih theih a ni. 24Ka hrilh leh a che u, Pathian rama mi hausa an luh aiin hriau benga sanghâwngsei luh tlang a awl zâwk,” a ti a. 25Zirtîrten an hriat chuan mak an ti êm êm a, “Chuti chu tu nge chhandam ni thei ang le?” an ti a. 26Isuan anni chu a en reng a, an hnênah, “Chu chu mihring tân tih rual a ni lo va, Pathian tân erawh chuan engkim tih theih a ni,” a ti a. #Gen. 18:14; Job. 42:4.
27Peteran a chhâng a, “Ngai teh, keini lahin engkim kalsanin kan zui ta che a, eng nge kan hmuh ang le?” a ti a. 28Isuan an hnênah, “Thu dik ka hrilh a che u, Hun Tharah#19:28 ‘Siamtharnaah’ tih theih a ni. chuan, mihring Fapa a lalṭhutthlêng ropui taka a ṭhut hunah, nangni mi zuitute pawh hi Israel hnam sâwm leh pahnih chunga rorêlin lalṭhutthlêng sâwm leh pahnihah in la ṭhu ve ang. #Mt. 25:31; Lk. 22:30; Mt. 20:21; Thup. 3:21. 29Tu pawh ka hming avânga inte emaw, unaute emaw, farnute emaw, pa emaw, nu emaw,#19:29 Mss ṭhenkhatah ‘nupui’ tih a tel. fate emaw, ramte emaw kalsan chuan a lêt za#19:29 Mss ṭhenkhatah ‘a lêt tam tak’ tih a ni. an hmu ang; chatuan nun an la chang bawk ang.
30“Mi tam tak hmasa bera awmte chu hnuhnûng ber an la ni ang a, hnuhnûng bera awmte pawh hmasa ber an la ni ang,” a ti a. #Mt. 20:16; Lk. 13:30.
موجودہ انتخاب:
MATHAIA 19: MIZCLBSI
سرخی
شئیر
کاپی
Want to have your highlights saved across all your devices? Sign up or sign in
Mizo (Lushai) C.L. Bible - PATHIAN LEHKHABU THIANGHLIM
Copyright © 1995 by The Bible Society of India
Used by permission. All rights reserved worldwide.