MATHAIA 18
18
Tu nge ropui ber?
(Mk. 9:33-37; Lk. 9:46-48)
1Chumi lai chuan zirtîrte chu Isua hnênah an lo kal a, “Vânramah tu nge ropui ber ang le?” an ti a. 2Ani chuan naupang tê hi a ko va, an hmaah a dintîr a, 3“Thu dik ka hrilh a che u, in inlamlêta naupang tê ang hi in nih loh chuan vânramah in lût tawp lo vang.#Mk. 10:15; Lk. 18:17; 1 Pet. 2:2. 4Chutichuan, inngaitlâwma he naupang anga awm chu, vânrama ropui ber a ni ang. 5Tu pawh ka hming avânga hetiang naupang tê pakhat pawh lâwm chu keimah mi lâwm an ni. #Mk. 9:37; Lk. 10:16; Jn. 13:20. 6Amaherawhchu, tu pawh hêng mi ringtu zînga tê ber pakhat pawh titlu chu an nghâwngah chhangphut râwt lung lian pui awrhtîrin, tuifinriat thûk laia#18:6 ‘zau lai’ tih theih a ni bawk. thlâk ni se an tân a hlâwk daih zâwk ang.
Tlûkna awmtîrtu thlêmna
(Mk. 9:42-48; Lk. 17:1,2)
7“Tlûknate avângin khawvêl hi a va pik êm! Tlûknate hi awm tûr rêng zawng a ni; nimahsela, tlûkna awmtîrtu chung chu a pik e. 8I kutin emaw, i kein emaw a tihtlûk che chuan tan la, paih daih rawh; kut khing hnih emaw, ke pahnih emaw neia kumkhaw meia paih nih ai chuan, piangsualin emaw, ke baiin emaw nunnaa luh chu i tân a ṭha zâwk e.#Mt. 5:30. 9I mitin a tihtlûk che chuan kher chhuak la, paih daih rawh; mit khinghnih neia hremhmun meia paih nih ai chuan, mit khing khat chauh neia nunnaa luh i tân a ṭha zâwk e. #Mt. 5:29.
10“Hêng mi tête zînga pakhat pawh hi hmusit lo tûrin fîmkhur rawh u, vâna an vântirhkohten ka Pa vâna mi hmêl an hmu reng ṭhîn tih ka hrilh che u hi.#18:10 Mss ṭhenkhatah châng 11-na, ‘Boralte chhandam tûrin Mihring Fapa hi a lo kal a ni rêng si a,’ tih a tel.
Berâm bo tehkhin thu
(Lk. 15:3-7)
12“Engtin nge in ngaih? Miin berâm za nei se, an zînga pakhat chu vâk bo sela, sawmkua leh pakuate chu tlânga hnutchhiahin a bo zawng tûrin tu nge kal lo vang? 13Thu dik ka hrilh a che u, a hmuh leh hlauh chuan sawmkua leh pakua vâk bo lote chungah ai chuan a chungah a lâwm zâwk ang. 14Chutiang bawkin hêng mi tête zînga pakhat boral pawh hi in Pa vâna mi duhzâwng a ni lo ve.
Unau thil tisual
15“I unauvin i chungah thil sual ti sela, kal la, in pahnih chauhva hriatah zilh ang che, a ngaihthlâk che chuan i unau chu i hmin a ni ang. #Lk. 17:3; 1 Kor. 6:1-6; Gal. 6:1; Jak. 5:9,20; Lev. 19:17; Deut. 19:15. 16A ngaihthlâk loh che erawh chuan mi dang pakhat emaw, pahnih emaw hruai ang che; chutichuan, in thu zawng zawng chu hretu pahnih emaw, pathum emaw kâa tihngheh a ni thei ang. 17Tin, anni chu a ngaihthlâk duh loh chuan kohhran hnênah thlen ang che; kohhran pawh chu a ngaihthlâk duh loh chuan ani chu i tân Jentail leh chhiahkhawntu ang ni rawh se.
Phuar leh phelh
18“Thu dik ka hrilh a che u, lei chungah eng pawh in phuar apiang vânah phuar a ni ang a, lei chunga eng pawh in phelh#18:18 ‘khap... phal’ tih theih a ni. apiang vânah phelh a ni ang.#Mt. 16:19; Jn. 20:23. 19Thu dik ka hrilh a che u, lei chungah hian in zînga mi pahnihin inrema eng thu-ah pawh an ṭawngṭai chuan, ka Pa vâna miin a tihsak ang. #Lk. 9:9. 20Mi pahnih emaw, pathum emaw ka hminga an ṭhut khâwm apiangin an zîngah ka awm si ṭhîn a,” a ti a.
Chhiahhlawh ngaidam ve duh lo tehkhin thu
21Chumi lai chuan Petera a lo kal a, “Lalpa, ka unauvin vawi eng zât nge ka chungah thil tisual sela ka ngaihdam ang? Vawi sarih thleng em ni ang?” a ti a. #Lk. 17:3,4. 22Isuan a hnênah, “Vawi sarih thlengin ka ti lo va che, vawi sarih hmun sawmsarih thlengin ka ti zâwk che a ni. #Gen. 4:24.
23“Chumi avâng chuan vânram chu, lalber tu emaw a bawihte hnêna sum chungchâng tihfel tum nên chuan tehkhin a ni. #Mt. 25:19. 24A han tihfel chuan mi pakhat, talent sîngkhat ba a hnênah an rawn hruai a; 25rulhna a neih loh avângin a pu chuan amah leh a nupui nên, a fate leh a neih zawng zawng chu hralha rulh tûr thu a pe a. 26Chutichuan, bawih chuan lei siin chibai a bûk a, ‘Ka chungah zahngai rih la, a za-in ka rûl vek ang che,’ a ti a. 27Tichuan, chu bawih chu a pu chuan a khawngaih ta êm êm a, a thlah a, a bat chu a ngaidam ta a. 28Nimahsela, chu bawih chu a kal chhuak a, a bawihpui zînga pakhat a duli#18:28 tangkaraw gram 3:98 vêla rit, inhlawfa ni khat hlawh, denari an ti. za ba a va hmu a, a man a, a hrawkah a rêk a, ‘I bat kha mi pe rawh,’ a ti a. 29A bawihpui chuan, ‘Ka chungah zahngai rih la, ka la rûl ang che,’ tiin kûnin a ngên chiam a. 30Nimahsela, a duh lo va, a bat chu a tlâk hma zawng tân inah a khung ta a. 31A bawihpuite chuan a thil tih dân chu an hmuhin pawi an ti êm êm a; a thiltih zawng zawng chu an pu an va hrilh a. 32Chu veleh a pu chuan ani chu a ko va, a hnênah, ‘Bawih sual, i ngen chiam avângin i bat zawng zawng kha ka ngaidam a, 33ka khawngaih che ang khân i bawihpui chu i khawngaih ve tûr a ni lâwm ni?’ a ti a. 34A pu chu a thinur ta a, a bat zawng zawng a tlâk hma chuan nghaisatute a pe ta a. 35Mi tinin thinlung taka in unaute in ngaihdam loh chuan, ka Pa vâna mi pawhin chutiang bawkin in chungah a ti ve ang,” a ti a.
موجودہ انتخاب:
MATHAIA 18: MIZCLBSI
سرخی
شئیر
کاپی
کیا آپ جاہتے ہیں کہ آپ کی سرکیاں آپ کی devices پر محفوظ ہوں؟ Sign up or sign in
Mizo (Lushai) C.L. Bible - PATHIAN LEHKHABU THIANGHLIM
Copyright © 1995 by The Bible Society of India
Used by permission. All rights reserved worldwide.