MATHAIA 1
1
Isua Krista thlahtute
(Lk. 3:23-38)
1Isua Krista chu Davida thlah a ni a, Abrahama aṭanga an inthlah chhâwn dân chu hetiang hi a ni:
2Abrahaman fapa Isaka a nei a, Isakan Jakoba. Jakoban Juda leh a unaute. #Gen. 21:3; 25:26; 29:35. 3Judan Tamari lakah Faresa leh Zera, Faresan Esroma, Esroman Arama.#Gen. 38:25-27.#Rut. 4:18-22; 1 Chr. 2:12-15. 4Araman Aminadaba. Aminadaban Nasona, Nasonan Salmona. 5Salmonan Rahabi lakah Boaza, Boazan Ruthi lakah Obeda, Obedan Jesaia. 6Jesaian fapa, lal Davida a nei a.
Davidan Uria nupui lakah fapa Solomona a nei a. #2 Samu. 12:24. 7Solomonan Rehoboama, Rehoboaman Abia, Abian Asafa.#1:7 Mss ṭhenkhatah ‘Asana’ tih a ni. #1 Chr. 3:10-14. 8AsafanR Jehosafata, Jehosafatan Jehorama, Jehoraman Uzia. 9Uzian Jothama, Jothaman Ahaza. Ahazan Hezekia. 10Hezekian Manasea, Manasean Amosa,#1:10 Mss ṭhenkhatah ‘Amona’ tih a ni. Amosan Josia.#2 Lal. 20:21. 11Babulon sala hruai lai vêl khân Josian Jekonia leh a unaute a nei a. #2 Lal. 24:14-15; 2 Chr. 36:10; Jer. 27:20.
12Babulon-a sala an hruai hnuin Jekonian fapa Sealtiela a nei a. Sealtielan Zerubabela,#1 Chr. 3:17; Neh. 12:1. 13Zerubabelan Abiuda, Abiudan Eliakima, Eliakiman Azora. 14Azoran Zadoka, Zadokan Akima, Akiman Eliuda. 15Eliudan Eleazara, Eleazaran Mathana. Mathanan Jakoba. 16Jakoban Josefa, Mari pasal chu a nei a; Mari#1:16 Mss ṭhenkhatah ‘nula thianghlim’ tih a tel. lakah Isua, Krista an tih chu, a lo piang ta a.
17Tichuan, Abrahama leh Davida inkârah chhuan sâwm leh chhuan li an awm a, Davida leh Babulon sala hruai inkârah pawh chhuan sâwm leh chhuan li an awm a, Babulon sala hruai leh Krista inkârah chhuan sâwm leh chhuan li bawk an awm a ni.
Isua pian thu
(Lk. 2:1-7)
18Isua Krista lo pian dân chu hetiang hi a ni: A nu Mari chu Josefa nupui hual a ni a, an inpâwl hmain Thlarau Thianghlimin nau a paitîr tih hriat a lo ni ta a. #Lk. 1:27.
19A pasal tûr Josefa chu mi fel tak a ni a, tihmualpho a duh lo va, a rûka ṭhen a tum a.#Deut. 24:1. 20Nimahsela, chûng thu chu a ngaihtuah lai chuan, ngai teh, a mangah Lalpa tirh vântirhkoh a hmu a. “Josef, Davida fapa, i nupui hual Mari hi neih tîm suh, a nau pai chu Thlarau Thianghlim laka mi a ni asin. 21Fapa a hring ang a, a hmingah ISUA sa ang che; ani chuan a mite chu an sualte lak ata a chhandam dâwn si a,” a ti a. #2:21; Tirh. 4:20; Isa. 7:14 (LXX).
22Lalpan zâwlnei hmanga,
23“Ngai teh, nula thianghlim
chuan nau a pai ang a,
Fapa a hring ang a,
A hmingah Imanuela an sa ang,”
(chu chu ‘Kan hnêna Pathian awm’ tihna a ni) tia a sawi kha a lo thlen theih nân hêng zawng zawng hi a lo awm a ni. 24Josefa muhîl chu a lo harh a, Lalpa Vântirhkoh thupêk ang chuan a ti a. Mari chu nupuiah a nei ta a; 25nimahsela, fapa a hrin hma chu a pâwl lo, nau hmingah chuan Isua a sa ta a.
موجودہ انتخاب:
MATHAIA 1: MIZCLBSI
سرخی
شئیر
کاپی
Want to have your highlights saved across all your devices? Sign up or sign in
Mizo (Lushai) C.L. Bible - PATHIAN LEHKHABU THIANGHLIM
Copyright © 1995 by The Bible Society of India
Used by permission. All rights reserved worldwide.