Romɨ 4 سے مشہور بائبلی آیات

شئیر

Lɨmwangebwi yagalya'mavakei mɨka. Sarevɨ Gotɨyai yune naanga nebulya'na wɨja' sahɨrɨ'na yawɨraka sɨmunya pɨrɨwaai yawɨrakai mɨ'. Aawa. Dɨragɨnna lɨmwagakelyɨ. Sarevɨ dɨragɨnya yɨvaimwannyai mwaalaka “Gotɨyai byaannakelyɨ,” dakelyɨ. Yɨ dara dɨragɨnna mena yawɨrakelyɨ “Gotɨyai yune naanga nebulya'na nyɨdɨwake' yɨnɨga yannelyɨ. (Sare'na kaimɨraayarɨ yawakɨna'mujɨ kwalaalyaraavɨre kwɨyakwalaangeinyɨ yɨma'nɨdeinyɨ.)”

Gotɨyare bukuya' dɨnɨkabaaibɨsasɨ. Gɨmɨnyɨ anga naanga pimagɨnya kwalaalyangɨna kwɨyakwalaanga'neigɨnyɨ gɨthakɨwa. Sare' Gotɨyai dara yawɨrakelyɨ “Lɨmwabɨzaraavɨne kwɨyakwalaangelyɨra.” Gotɨya sarɨ Evɨraamɨ yawɨralɨmwagakelyɨ. Dɨragɨnya sahwai a'mwe bainɨkeraavɨ gaala sabwi wɨjaavadelyɨ. Nabaai sahwai dɨviya'nengɨna dahaa' tɨvi'na yɨma'nɨwakabaaibɨsangɨna dɨragɨnna dadelyɨ. Yɨ sasarerɨ Evɨraamɨ yawɨralɨmwagakelyɨ.

Jizaazai sahwai nemɨre wagɨla sa marasɨ'nya'nerɨ balya'nerɨ maryasaabakei bwalabalakelyɨ. Yaka Gotɨyai nemɨnyɨ “Yɨda'maraangeihi nɨmɨreihɨlyɨra,” neja'nerɨ ayahi yɨdɨkaavakelyɨ.

Evɨraamɨ Gotɨyarɨ wɨ'naka sare' a'mwe gazarazara myemwaalyadapi kɨrɨ' sahwai yemwaaida yawɨralɨmwagakevɨdaa'nyɨ a'mwe anga naanga pimagɨnya kwalaalyangɨyaraavɨre kwɨyakwalaangei yɨma'nyɨna. Yɨ sarevɨ Gotɨyai sɨlɨngaamɨnyangɨna mena dakesɨ. Sabɨ' gɨmɨre jakwarava kumɨ sara yɨma'nɨpɨ'derera. Sara dɨnɨkevɨna sara yɨma'nyɨna yakesɨ.

Sarevɨdaa'nyɨ a'mwera Gotɨyarɨ yawɨralɨmwangebwi yune naanga nebulya'na wɨdadelyɨ. Gotɨyai “Yange'na gaimwanna yɨma!” daka Evɨraamɨmɨ gyakwalaanga yuyaraavɨna sɨhumale' wɨjaaya'ne'na yune naanga nebulya'na wɨja' dɨragɨnna wa'de'nanyɨ. Sahwara lɨmwabɨzara maapɨ'dere. Daza' Evɨraamɨmɨre yɨsiwiara Kɨwɨnyabwi kɨnɨnnaka gaveraavɨne'na mɨ'. Aawa. Evɨraamɨ sara yaakabaaibɨ' yuyara lɨmwabɨza'na Evɨraamɨmɨrera yɨma'nɨgata kumɨ sara kwarajɨ maapɨ'dere. Evɨraamɨ sai aaya mudɨ'nanyai lɨmwagaazaina yuyainaavɨ aatalyɨ.

Dara dɨnɨ' “A'mwe datha'darera yɨlaaya yɨvanɨgasare. ‘Gotɨyai kumɨre yɨwetawakya marasɨ'nakere. Kumɨre wagɨlyangɨ duimwagasɨ'na yakere.’ Naangei ‘Wagɨlyabwi kɨnɨnnakelyɨ,’ dɨragɨnna myawɨryajai Yɨ sare'na a'mwe dazai yɨlaaya yada tewaanaanga yɨnɨkelyɨ.” Sara dɨnɨkesɨ.

Sare' Gotɨyare bukuya' gara dɨnɨkavaka? Sa' dara dɨnɨ' “Evɨraamɨ Gotɨyarɨ wɨ'nalɨmwanna kya' yɨ Gotɨyai gamɨnyɨna yawɨrakelyɨ ‘Sare'na sahwai yɨda'maraangerɨ wɨmwaaihɨwa.’ ”