SAN MATEO 18 سے مشہور بائبلی آیات

شئیر

Echa mókoi ani mboapɨ vae oyemboatɨ yave cheree re, che oime ko aï jae reta ipɨte pe.”

Jare che jae ye peve, mókoi pegüi reta omometei yave iyemongeta kuae ɨvɨ pe oiporu vaerä oipotagüe mbae cheRu ara pe oï vae pe, jae omeeta ko chupe reta oyerure chupe jese vae.

Jayave Jesús oenɨi metei michia, jare oñono chupe reta mbɨte pe. Jare jei: —Añete che jae peve, mbaetɨ yave peyeapo jare peiko michia reta rami, ngaraa peike araɨgua mborookuaía pe.

Ërei oime yave kia oñemomichi kuae michia rami vae, jae tuichagüe yaeta araɨgua mborookuaía pe.

Jare kia omboresive yave kuae nunga michia cheree re vae, che ko chemboresive.

Añete che jae peve, peñapɨti yave kia ɨvɨ pe, ara pe oñeapɨtita vi, Jaeramiño vi oime yave kia ɨvɨ pe peyora vae, ara pe oyeyorata vi.

Jökoraita vi cheRu ara pe oï vae oyapo pe ndive, mbaetɨ peɨ̈ro yave opaete pepɨa reve perëtara ombaeyavɨ pekotɨ vae pe.

“Kia nunga vae mbaemboavai oñono michia güɨrovia cheré vae pe vae, ikavi ko oñeapɨti iyayu re metei ita tuicha vae mburika pegua oyembaeso pɨpe vae, javoi oyemombo ɨguasu tɨpɨa pe.

Mase, metei kuimbae güɨnoi cien vecha, ërei metei vecha okañɨ yave, ¿ngaraa pa kuimbae oeya jókuae noventa y nueve ivecha reta, jare ojo ɨvɨtɨ guasu rupi oeka jókuae ivecha okañɨgüe vae?