MATYOO 19 سے مشہور بائبلی آیات

شئیر

Fɔɔnnɛ Yeesus à pɛɓsɛ̀ngà ɓɔ, à kpaa ɓɔ lɛ: Kìɓan kiǹ ki yin ɓi rìkì ɗi ɓum, wɔ̀lɛ ɓi ɓɛg ànɛ yɛ̀ɛ Bɛ̀ll, com ki lɛ ki yaaghrɛ̀n rìkì ki yin.

Fɔlɔɔ nnɛ ɓɛ yiìdi ɓum ɓɛɓɛɛ̀, ɓɛ tì com kìfog. Mum à ghɛ̀ɛ̀sɛɛ ɓi min ki ghasii com ki Bɛ̀ll à ràri.

Yeesus à ɓàg lɛ: Ɓi ka ɓalà ɓi yɛ̀ɛ ki ri kì kànɛn lɛ: A rìtumɛ̀n Ǹkìì-ɓyom ɓìcèm à kìghà lɛ rì giɓ rì baŋì, à ki kpaa lɛ: Kìɓan kiǹ kɛɛ̀ki baŋì ì rì ɓiì càriì lɛ rì seŋi rì jɛɛ, ì ràrɛ̀n ɓɛɛ giy, kìɓɛ̀ɛ̀ ki ɓum ki ghay com kìfog.

Yeesus à kpaa lɛ: Càrina ɓɔɓti ɓɛsàg, kɛ̀ ɓi règ ɓɔ rìyù ɗi a lɔ̀ŋkɛm̀, ɓisuulɛ kìlɔ̀ŋ ki aɗyòò ki ri ɓisuu ɓumɓɛ ɓɛ ri yɛ̀ɛ ɓɔ.

Kìgwey kì ɓi ɓumɓɛ ɓɛ ɓaghà asu ki ɓaa gɛ ajɛ̀m; kìgwey ki ɓi ɓɛ̀roɓɛ ajɛ̀m; ki ghay ɓum ɓɛ beèbɛ̀y.

Fɔɔnnɛ mum ǹcèm ànɛ à rinìghày mɛɛ mii, nsoò lɛ ɓɛ̀geni ɓii ɓɛ ɓɛbaŋì rì ɓɛ ɓɛ̀yiɓ, nsoò seŋi, nsoò jɛɛ, nsoò giy, nsoò ɓɔn, nsoò zi yii, à rì ɓiì fɔ̀ni ɓyom ɓidɛŋ ɓi ɓi cee ɓiǹ, gɛ̀n hɔnɗɛ̀ɗ, à ki fɔ̀ɔ̀di cɛɓ ki fiɗyàɓ fikɔ̀ɔ̀.

Yeesus à kpaa nyi lɛ: Uù kɔ̀ni lɛ ù ɓa syeesyee à mum lɛ kɔɔ̀kɔɔ̀, kɛ̀na, u kaɓ ɓyom ɓyɔɔ ɓìcèm u kaɓsi mɔ̀ɔ̀ni mɛ miì rì ɓɛ̀soghàsogha fɔɔnnɛ ù ɓiì ɓa rì ìkum aɗyòò. Ajɛ̀m ìnɛn u yu u nɔɔ̀ti mɛ̀.

Yeesus à ɓàg nyi lɛ: Ɓisuucɛ nnɛ ù tɔɔgh mɛ̀ lɛ nɗeɓ wɔ̀ kìɓan ki syeesyee? Syeesyee à mum à rì lɔŋ bogtɛ̀n. Uù kɔ̀ni lɛ u ghɛǹ cɛɓ, ɓèŋa ɓìdɔ̀gsɛna; ŋwaànɛ̀n à tɔg lɛ: Ɓi be?

Ǹkalii tì mìni lɛ, ki ri lɛ fɛnfɛn lɛ syàmoo a ɗiŋi ɓi ɗyas ɗi bààtà à cee lɛ guŋgum a ɗiŋi ɓi kìlɔ̀ŋ ki aɗyòò.

Kìɓan kifog mɛ̀ ǹkalii mìni lɛ, ŋwaànɛ à ɓiì nàɓi giɓ wiì, di ki yin lɛ giɓ anɛ̀n à kìi fìsɔ̀mɔ̀g, i à wɔɔtii giɓ adɛŋ, di à kìi fìsɔ̀mɔ̀g.

Fɔɔnnɛ Yeesus à kpaaghà ɓɛ̀yilàg ɓii lɛ: Nkalii mìni saaɗ lɛ, ki ri kìtèetèɗ ki kiɓan lɛ guŋgum a ɗiŋi ɓi kìlɔ̀ŋ ki aɗyòò.