Dandu Espíritu Ìì xí Dios, nì càhàn‑yà xì Felipe, cachí‑yà:
―Cuahán ndé cuàhàn carreta yucán, cutnahu xi nècuàchìmà cùhùn.
Ñàyùcàndùá nì dàyáà Felipe nì sànìhì‑né carreta mà, te nì tiacu‑nè cahví nècuàchìmà tutu nì tiaa Isaías. Ñàyùcàndùá, nì xìcàn tnùhù‑né nùù nècuàchìmà:
―¿A sánìhì inì‑ní ñà‑ndùá cahvi‑ní, á coó?
Dandu nì cachi nècuàchìmà:
―Còó, mà cúí, vàchi còò iin cachi xìˊ nansa cuní cachà sàhà‑ñá ducán mànìhì inì.
Dandu nì sàcùndàhví nècuàchìmà nùù Felipe ñà‑nì nàná stná‑nè nùù carreta, te cutnahá‑né cundoo‑ne mà.