Romanos 3 سے مشہور بائبلی آیات

شئیر

Ḻe yogo'cho ba bencho da' xiṉj, na' ṉe tocho bi naccho beṉe' güen can' chaclaže' Diosen' gaccho. Perw na' Diosen' nži'ilaže'de' chio', na' gague bi chzi'e par že' naccho beṉe' güen len ḻe', ḻe Cristo Jesúsen' ba bṉitlagüe' xtoḻa'chon'.

Na' ṉa'a Diosen' ba blo'e can' goncho cont gaccho beṉe' güen len ḻe', na' bich bi že' c̱he da' ca' ža leyna' cheyaḻa' goncho, san že' cheyaḻa' šejnilaže'cho Jesucriston' cont gaccho beṉe' güen len ḻe'. Doxen Xtiža' Diosen' dan' nyojen cani'te chzejni'in cheyaḻa' šejnilaže'cho Jesucriston' cont gaccho beṉe' güen. Na' toz can' chon Diosen' len yogo'ḻoḻ beṉac̱h.

Diosen' gwseḻe' Jesucriston' bnežjw cuine' gosote'ne' ṉec̱he xtoḻa' beṉac̱h. Na' note'teze beṉe' yesejnilaže'ne' ṉitlao xtoḻa'gaque'. Diosen' gwseḻe'ne' cont nacbia' zeje' to ḻicha da' gwdape' yeḻa' chxenḻaže' bezi'xene' xtoḻa' beṉe' ca' gwnita' cani' beṉe' gosejnilaže'ne'. Na' ḻecze gwseḻe'ne' cont nacbia' zeje' to ḻicha da' že' c̱he yogo' chio' chejnilaže'cho Jesúsen' naccho beṉe' güen.

Bi ṉacho zoa beṉe' naque' beṉe' güen len Diosen' da' chone' yogo' da' ža leyna', ḻe notno chon ca'. Leyna' chlo'en chio' naccho beṉe' güen da' xiṉj.

Na' Xtiža' Diosen' nyojen žan: Nono zoa beṉe' zej to ḻicha, ṉe toe'. Nono nḻa' beṉe' chejni'i cont gwzenague' c̱he Diosen', nono nḻa' beṉe' cheyiljue' ḻe'. Yogo' beṉac̱h ba zjanque'e nez mal. Yogüe' ba zjanaque' ca to da' bibi zaca'. Ṉe to nono zoa beṉe' chone' da' güen.

Can' naquen, note'tez beṉe' chejnilaže' Jesucriston', Diosen' že' naque' beṉe' güen len ḻe' da' chejnilaže'ne', gague lagüe dan' chone' can' ža ḻeyna'.

Goncze' con can' že'na'. Yogo' ṉi'a Diosen' chṉe' diža' ḻi, ḻa'czḻa' še žin ža cate' yogo'ḻoḻ beṉe' yeseṉe' diža' güenḻaže'. Chac can' nyoj Xtiža' Diosen' žan: Le' gwlo'edo' beṉac̱hen' ḻe cho'o diža' ḻi. Na' ca nac beṉe' ca' cheson xbab bi chono' can' žon', yesacbe'ede' chonczo' can' žo'na'.