Hinaqtinmi Santo Espirituqa Felipeta niran:
—Waq caballopa chutasqan carretaman ashuyuy, nispa.
Chaymi Felipeqa chay eunuco runapa carretanman ashuyuran. Hinaspan Felipeqa uyariran, chay eunuco runaqa ñawpaq profeta Isaiaspa escribisqan libro leeshaqta. Hinaspan Felipeqa chay eunuco runata khaynata tapuran:
—Chay libropi leesqaykitari, ¿entiendeshankichú? nispa.
Hinaqtinmi chay eunuco runaqa contestaspa niran:
—Noqari, ¿imaynataq entiendeyman, pipas mana yachachiwashaqtinrí? nispa.
Saynata nispanmi chay eunuco runaqa Felipeta ruegakuran, carretanman wichamuspa, paywan kushka tiyananpaq.