1 Aj Corint 6 سے مشہور بائبلی آیات

شئیر

¿Ma nyatzin bꞌiꞌn kyuꞌn, qa a kyxmilila o tzꞌok te tnajbꞌil Xewbꞌaj Xjan, a o tzaj tqꞌoꞌn Dios toj kyanmiꞌn? Tuꞌnpetziꞌn, nyaqe kyeꞌ tajawjo kyxmilila, qalaꞌ a Dios. Quꞌn o chi laqꞌeta tuꞌn tchkyꞌel Jesucrist. Tuꞌnpetziꞌn, chi nimsiꞌn tbꞌi Dios tukꞌa kyxmilila.

¿Ma mitzin bꞌiꞌn kyuꞌn qa ayeꞌ xjal bꞌinchil ilqe, ntiꞌ kyoklin toj Tkawbꞌil Dios? Mitzin txi kyqꞌoꞌn sbꞌubꞌl kyibꞌa, quꞌn tkyaqiljo xjal lo ntiꞌ kyoklin toj Tkawbꞌil Dios: Jniꞌ aj pajil, ex aj kꞌulil kywutzjo twutzbꞌiyil, ex aye n-el kyiꞌjlin mejebꞌlin, ex jniꞌ ichin, a n-ok kyqꞌoꞌn kyibꞌ te qya, noq tuꞌn kykyꞌaꞌjin ichin tukꞌa ichin; exqetziꞌn ileqꞌ, exqetziꞌn npon kykꞌuꞌj tiꞌj nimku tiꞌ, exqetziꞌn txꞌujtinel, ex xoꞌl yol, ex jniꞌ sbꞌul.

Tuꞌnpetziꞌn, ku kyel oqa teꞌ jniꞌ kyꞌaꞌjin. Nxi kyqꞌmaꞌn qa tkyaqil kyila, mi nchi bꞌinchin mibꞌin kyiꞌja. Me mina werman, quꞌn tkyaqiljo il nbꞌinchin mibꞌin qiꞌj, ex a xjal nbꞌinchin kyꞌaꞌjin, nbꞌinchin il tiꞌjx t-xmilil.

Ikytzin tzeꞌnku nkyqꞌmaꞌn: Tzaqpiꞌnqo tuꞌn tkubꞌ qbꞌinchin noq alkyex qaj. Me te weꞌy, nya tkyaqil at tajbꞌin. Ex qa tzaqpiꞌnqo tuꞌn tkubꞌ qbꞌinchin noq alkyex qaj, me nlay txi nqꞌoꞌn wibꞌa tuꞌn tkubꞌ wiꞌja tuꞌn tajbꞌil nxmilila.

Quꞌn ikytziꞌn tzeꞌnku xjaw anqꞌin t-xmilil qAjaw tuꞌn Dios, exsin ikyxjo qe, kjawil anqꞌin qxmilil, tuꞌn tipin.