Doma 5 سے مشہور بائبلی آیات

شئیر

Padnuen matses abitedimbo icsambuenuidi naic tabadnuc nuquitedi cuidmenquio icnuec Esuquidistu abided cuidadec uënëspanëdash. Nuquin Papan nuquitedi tantiaquiec, matses camenuen aden Esus namepanëdash.

Aden chieshtoenquio icquin cainquin abi tantiaquid icsho Nuquin Papan ¿ada cacunmepec? Padenquio. Nuquin Papan nuquitedi tantiaquidquio icquin aton Mayan Bëda nuquibëd tabadmec, quequin nuquitedi tantiec.

Nadectsen nuquitedi cuishonquec: Abi tantiaquido icsho utsibon chieshënquin natiamiaqui bëdiactsëc tantiactsëcbuedi chieshtoenquio yec tantiaquidquio yanebi, quectsen nuquitedi cuishonquendac. Aden chieshtoenquio icquin Esus tantiasho Nuquin Papan nuqui bëdambuen isquin: Bëdambo iquec, caindac. Adoac: Uënësacsho uincuenmeshun abi yacno tabadmendac ambi chiampicpadombuen, quequin nuquitedi cainec.

Nuquin Icbo Esuquidistu uidtsëqui tantiasho Nuquin Papan nuqui bëdambuen isquin cuidenquio iquendac isaisabimbuecnuc. Adoaid yec nuqui bëdambuec tabadendac. Abi tantiaquido icsho nuquitedi cuidmenquio icnuec abided cuidadec Esuquidistu uënëspanëdash, quequin nuquitedi tantiec. Aid tantiashouidtsëqui Nuquin Papan bëdamboshë yacno abëdi nuqui tabadmendac, quec chieshtoenquio yec nuqui cuishonquec.

Nuquitedi icsaquido yec Nuquin Papa yacno tabadtapimbo icpondac. Adec matses abitedi icsambuec tabadsho Nuquin Papan uesquin cuidtsennubi abi tantiaquido cuidmenquio icnuec abided cuidadec Esus uënëspanëdash.

Nëbi abided cuidadaidquio Esuquidistu tantiasho Nuquin Papan nuquitedi ambi chiacpadombuen namequin icsaisabimbuecnuc isendac. Aden bëdambo icmeshun abi yacno tabadtequid icmeshun Nuquin Papan abitedi cuidte uëshën nuquitedi cuidtiapimbo iquendac.

Matses abentsëcshun Nuquin Papan Chiaid niacquin icsambuen naquin tauampicpadequi aton tsiuecquido dadpenquio icsaquidouidquio yanac. Padnuen Nuquin Papan Chiaid niaquesambo icquin Esusën abi tantiaquido icsho bëdambuen isquin dadpenquio icsaisabimbuecnuc icmendac.

Adembidi aidën tantiamiacpadombuen nuquitedi cuidmenquio icnuen Esuquidistu uidtsëqui cuidmequid bëdambo iquec, quequin Nuquin Papa tantiec nuquitedi cuishonquec. Adembidi icsambuec tabadbuedëmbi nëbi Esuquidistu uidtsëqui tantiasho Nuquin Papan bëdambo icmendac.