Doma 14 سے مشہور بائبلی آیات

شئیر

¿Nadquid petemaid nec. Nadquid actemaid nec, quequin tantiecta Nuquin Papan namiacno tabadpatsiash? Padenquio. Aton Mayan Bëdanuidtsëqui abëd tabadquin namiac ambi chiacpadombuen naic cuishonquec bëdambuec tabadendac. Adec Esuquidistun chiacpadec tabadsho issun Nuquin Papan: Bëdambo iquec, canubi matsesëntsen: Aido bëdambo iquec, cauaindac.

Uënësabi yec tabadec Nuquin Icbo Esusëna nuqui nendac. Adecbidi uënësash aidënabidi nuquitedi neuaindac. Aden uënësabicquin abi tantiaquido yec aidëna nuqui nendac. Aid tantiec uënësashic aidënabidi nuqui neuaindac.

Adquid icnuc aidën chiacpadec chieshëmënenquio yec bëdambuec tabadnuna. Esus tantiec chieshtoenquio yec bëdambuec tabadnuna, quec chuinannuna.

Aden chuitequid icnuc utsibobëd icsambuec chuishunnanenquio icnuna. Adoenquio icquin ambi natemaid umbi nasho isash chieshtoshon Esus tantienquio yannushe, queshun ambi natemaid naquin ismenquio iquembi, queshun Esus tantiaquidtedi bëdambuen isnuna.

Adembidi naden chuiquin Nuquin Papan Ambi Chiaid dada uamiampid nad iquec: Uënëstiapimbocquid icquin abimbo caimbi. Matses abitedishun dannëshën tinquebudcuededshun ubi naden chiendac: Abitedishun Icbombo yec bëdamboshëcquidquio mibi nec, quequin ubi ismequin dannëshën sebudendac, quequin chuipampic. Adec abitedishun Icbo icquin ambi cuidte uëshën Nuquin Papan: ¿Enda? ¿Mitsipadec tabado? cabanac nuquitedishun nuqui naidtedi chuibanendac.

Mibëd iccuededquid Esus tantiabentsëcquido bëdambuen ista. Aidobëd icsambuec chushcananec tabadenda.

¿Icbompenquioda utsin iua chushcaquin: Icsambo iquec, capadic? Padenquio. Aton Icbonuidtsëquien: Mibi bëdambo iquec. Mibi icsambo iquec, caquid. Adembidi abi nashunquid icsho Nuquin Papa nadatiambocquidën bëdambo icmendac.