Uan 4 سے مشہور بائبلی آیات

شئیر

Nuquin Papapadquidquiobidi aton Mayan nec. Aidën tantiamiacpadombuen Nuquin Papa tantiaquin aidën chiacpadombuen naquido nendac, quepanëdash Esus chido chiec.

Nëbien aton Mayanën tantiamiac utsin utsinquien muainquio icquin: Cun Icbo nec, quequin Nuquin Papa tantiendac. Ambi chiacpadec bëdambuec tabadsho isash: Adquid ubi tantiaquidquio nec, quendac Nuquin Papa.

Padnuen umbi acte acmiac acquidtedi padpidec bundoenquio ictsiash. Umbi acte ushumbo pududquequid acmiac ënëdenquio yec ubëd tabadtequid mibi yantsiandac, quepanëdash Esus.

Adshobien Esusën naden chuipanëdash: Nuquin Papan bëdambuen isquin natebëta ubi tantiaquid icquin: Acte bec cho, mimbi ubi catsiac. Adsho acte bëdambo icmianquid mibi acmetsiambi, capanëdash.

Adsho tantiash Esus: Ubi cuishoncamete petebimbuecquid utsi iquec. Ubi chomiondaid Nuquin Papan chiacpadombuen naic bëdambo iquebi. Ambi chiaidtedi chonoadquin nainnuec nebi, quepondash.

Adoaquien chidon actembo danquin: ¿Mitsipaden acte ueshun ubi menetsia? Ma min tëchu nibëdpayoc. Mimbi uetiapimboen acte ëquëducquio iquec. ¿Mitsimbo acte bëdambo icmianquid ueshun ubi acmetsia?

Adsho tantiashun chidon: Nuquin Papan Chomiaid Mesias Quidistu caid choendac, quequin chuisho tantiondambi. Aid choshon nuqui tantienquio yaidtedi chuibanquin tantiametsiash, capanëdash. Adoaquien Esus: Mimbi chiaidquiobi nebi, quepanëdash chido chiec.

Isec cho. Umbi isacmaidëmbi dadan umbi naid abitedi chioshe. ¿Nuquin Papan Chomiaid Quidistu Mesias caidta nioshe? En isec cho, quequin chuituidac