Cadasia 2 سے مشہور بائبلی آیات

شئیر

Esusbëd uënësacbimbuen umbi icsambuen nabanaid ënondambi. Nëbi Esusbëd cuëshëdenquio yec bëdambuec tabadebi. Ubi tantiaquiec ubi cuidmenquio icnuec Nuquin Papan Mado abided cuidadec Esuquidistu uënëspanëdash, quequin tantiashoeni Aidëmbi nëbi bëdambuec tabadquid icmec.

Nuquin Papan: Matses bëdambuen isendambi, quequin Chiaid niactiapimbo iquebi. Moisesën dada uaquin chiampid tantiaquin aidën chiacpadombuenuidi naic Nuquin Papabëd tabadtequid icnuc Esuquidistu abembi uënëstsempanëdash.

Nuquitedi isadaidbon tishaid yec isadaidbo icnubi Moisesën chiampid chiacmaido yec isadaidpembo icsambuen naquido nec. Adquid icnuc Nuquin Papan: Naden nata, quequin chuiquin Moises dada uamiampid tantiaquin nabansho Nuquin Papan icsaisabimbuecnuc nuqui bëdambuen isec, quetiapimbo nuquitedi iquec. Esuquidistu tantiashouidtsëqui Nuquin Papan nuqui bëdambuen isec, queshun nuqui Esuquidistu tantiabenondac. Adshun ambi: Naden nata, quequin chiampiduidi nainquio icsho icsaisabimbuecnuc Nuquin Papan bëdambuen istiapimbo iquec, quequin nuqui tantiec.