Timoteo 2 4 سے مشہور بائبلی آیات

شئیر

Utsibon chieshënquin mëyandedniaqui dayacquio icquin Esusën naid chuibenniondambi. Ubi bunaid bednu, quec cumapenec titinquiacbimbuen dayacquiocquin Nuquin Papan Chiaidtedi nabanombi. Nëbi Nuquin Papan tantiacpadën ënembi. Chieshtoenquio icquin Esus tantiaquidquio nebi.

Aidën chiacpadombuen naquin Nuquin Papan Chiaidquio chuibanta, mado. Matses tantiate bunenquio icnuc chuibanquimbi utsibo tantiate bunquid icnuc adembi chuibanta. Esus tantiaquidon icsambuen nasho issun: Esus tantiaquido adesambo neque. Bëdambuequien tabadtiad, quequin chieshënenquio icquin chuita, mado. Utsibo bëdambuec tabadsho: Mibi bëdambuec tabadoc. Adquiequi tabadta, quequin chieshtoenquio icquin chuibanta. Bëdiactsëc tantiactsëcquido bëdambuen tantiamequin: Esus tantiaquidon nadoquid, quequin chuibanta, mado.

Iuecshun Nuquin Papan Chiaidquio matses dadpenshun tantiatiapimbo iquendac, quequin tantiashun aden abimbo chuibanta, mado. Aden tantiatiapimbo icquidën Nuquin Papan Chiaidpenquio chuisho tantiash: Ubi bunaidquio mimbi chieque. Tantianu. Ubi chiec cho, quequin muaquid utsi utsien abi yacno puduedmendac. Pamumëdacbimbuecquin matsesën Nuquin Papan Chiaid tantienquio icquin tsusedpabon ambembi chiampidbëta ambembi chiaid utsi chuisho tantiendac.

Aidën nacpadombuen nainda. Nuquin Papan Chiaidquio bëdambuen tantiaquid yec bëdambuec tabadta. Adsho utsibon natiamequin chieshënaqui chieshtoenquio icquin Esusquio tantiata, mado. Adembidi Nuquin Papan Chiaid Bëda Esusën naid Esus tantiesabo chuibanta. Esus chuibanquidën nadoquid, caidtedi nabanta, mado.

Adec tabadec uënësacshobini matsesën naid abitedimbo tantiaquin cuidnun chuiquid icquin Nuquin Icbobëtan Nuquin Papan: Umbi chiacpadec mibi bëdambuec tabadoque. Ubi yacno ubëdi tabadmequin chuiquidën mauete bëdamboshëcquid meniacbimbuen mibi bëdamboshë icmendambi, caindac. Abi chote uëshën choshon aden Nuquin Icbon ubi chiendac. Adembidi abi chosho iste bunquioquin abi cainquidotedi Nuquin Icbon bëdamboshë icmequin abëdi tabadmendac.