Timoteo 2 2 سے مشہور بائبلی آیات

شئیر

Mimbi bëdambuen naoc, Nuquin Papa camenuen bëdambuen nata dacuëdenquio icquin. Umbi naid ma Nuquin Papan isnu, queshun adota. Ambi chiaid bëdambuen isban isbanshun chieshtoenquio icquin Nuquin Papan Chiaidquio chuibanta, mado.

Caniabon abi bunacpadombuen icsambuen naquid tanenda, mado. Adenquio yec bëdambuec tabadte bunquiota. Adec tabadquin matses ambi icsambuen naid ënmenuen abimbo chuita. Chieshtoenquio icquin Esus tantiata. Utsibobëd tantiananec bëdambuec tabadta. Nuquin Icbo Esus bëdambocquid nec, quequin tantiaquidobëtan Esus tantiata.

Nuquin Papan Chiaid chuibanquid utsibëd chushcananenquio icquid nendac. Chieshëmënenquio icquin aton matses bëdambuen isquid nendac. Adembidi nëishenquio icquin Nuquin Papan Chiaidquio bëdambuen tantiamequidquio nendac. Badedi chieshtoenquiocquid nendac.

Matses icquin Nuquin Papan chiacpadombuen natiapimbo nuqui icnubi Esusien aidën chiacpadombuen naquidquio nec. Adquid icquin ambibi chiaid niaquesambo nec, quequin chuipampic.

Esus tantiesabon: Mimbi Nuquin Papan Chiaid chuisho tantiatiapimbo iquebi, caqui adembi chieshtoenquio icquin Nuquin Papan Chiaidquio mimbi chuibanendac. Nuquin Papan Ambi Chiaidquio tantiamiac: Icsambuen naombi, quequin ma Esus tantiesan tantiabennu, quequin abi chuibanendac.

Ambembi chiaid chiec onquequidobëd icsambuec onquec tabadenda. Adec onquequido icsambuen nabuedi buëdanquiec Nuquin Papan Chiaid niac niaquec icsambuenshë naquid yaneque.