Petedo 1 2 سے مشہور بائبلی آیات

شئیر

Padnuen mibitedi Nuquin Papan: Cun matses nec, caido nec. Adquid icquin Nuquin Papa bëdambuen ismenuen nëish iua pichicaquidbimbuecquido mibitedi nec. Nuquin Papan chiacpadombuenuidi nate bunebi, quequin aid nashunquin: Nadquio Nuquin Papa iquec, quequin chuiquido mibi nec. Adquido yec Nuquin Papan iuabo mibitedi nec. Adquid icsho Ambi: Cun matses caido yec bëdamboshëcquido nec. Ënden Nuquin Papa tantiesa yec icsamboshë iccondaidi nëbi: Nuquin Papa bëdamboshë iquec, quequin paposhquiacbimbuecnuc tantiamequin mibitedi abi chuibanquido icmepondash.

Esuquidistu nuqui icsaid bedshunash abided cuidadec cueste napotiaidën diadec uënëspondash. Nuquitedi icsaquido icbuedi ma icsaid ënash bëdambuec tabadnu, quiash uënëspondash. Adecbidi abi tantiaquido bëdambuen isnuec Esuquidistu mëyamëdpondash. Ënden mibitedi obeca nëish iua bënnudacbimbuec tabadpondac. Adquid icbuedi nëbi mibitedi icbon aton iua istuidshun dayun uacbimbuen abi tantiasho Esuquidistun bëdambuen isquin dayun uaindac.

Ënden mibitedi Nuquin Papan: Cun matses nec, cainquio icpondash. Adquid iccondaidi nëbi Nuquin Papan: Cun matses caido mibitedi nec. Ënden Nuquin Papan mibi bëdambuen istiapimbo icpanëdash. Adobuedëmbi nëbi mibitedi tantiaquin Nuquin Papan mibi bëdambuen isec.

Adenquio yec tishac chucactsëc bacuëmpi shuma chishte bunquiacbimbuec Nuquin Papan Chiaid iste bunquiota. Bëdiactsëc tantiabuedi canidoacbimbuen aid isban isbanquin aidën chiacpadombuen natiadquio yanec Esus tantiaquidquio yanec aidbëd tabadtequid ictsiabi, queshun Nuquin Papan Chiaid isbanquiota.

Tantia, cun utsibo, umbi tantiaido icsho mibitedi chuinu. Nëid nidaidën iuec tabadtiapimbo icquido mibi nec. Adquid icnuc Esus tantiesabo abi icsate bunacpadec icsainda. Aden naic cuidadtequid yanmane, quiash bëdambuec tabadta. Nuquin Papa tantiesabobëd bëdambuec tabadta. Ma aidontsen: Tantiabennu, quiash adta. Adec mibitedi bëdambuec tabadsho issun mibi chieshënquin icsambuen chuishumbuedombi Nuquin Papa tantiabenshun naden chiendac: Papa, Mimbi tantiamiaido bëdambuec tabadsho issun mibi tantiabenombi, quequin Nuquin Papan matses abitedi chuimequin cuidte uëshëmbi aden chiendac.

Aden Esus tantiaquido yec buintad tsasimbocquid yacbimbuecquido mibitedi nec. Adquid icsho Nuquin Papan aton shubun tabadtequido mibitedi icmendac. Adoac: Nuquin Papa bëdamboshë iqueque. Aidën chiacpadombuenuidi nate bunebi, queshun Esuquidistu uidtsëqui tantiec bëdambuec tabadquid mibi yanendac. Adsho isash nuadte bëda pichicasho shëdacbimbuec: Bëdambo iquec, quependac Nuquin Papa.

Nuquin Papan Chiaid tantiashi chieshëmënec tabadenda. Utsi mua uainda. Esus tantiaquid nebi, quiashi icsambuec tabadenda. Utsina isash adquid cuna nibëdec, quec chieshëmënec tabadenda. Utsibon icsambuen naiduidi chiec tabadenda.

Shubu uanun buintad istuidash: Nëid bëdambo iqueque. Nëidquio nitsinembi, quiacbimbuen Nuquin Icbo uënëstiapimbocquid icsho tantiata. Adotiadquidi matses dadpenshunquio chieshëmpondash. Aidi Nuquin Papan tantiaidquio yec bëdamboshëcquidquio chopaccondash.

Mayan Icsa Satanasën iuaido icsho Esusën bedshunaid yec nëbi Satanasën iuaidpenquio mibi nec. Adquid yequi icsanuec: Ubi bunaiduidi naimbi, quenda. Nuquin Papan iuabo yec bëdambuec tabadta.

Nuquin Papa mibitedi bëdambuen naic tabadmete bunquid nec. Adquid icsho tantiesabo icquin mibitedi icsambuen chuishunte bumbuedombi mibi icsambuen chuishunenquio iquendac.