Hechos 5 سے مشہور بائبلی آیات

شئیر

Laj Pedro, joꞌqueb ajcuiꞌ li rech apostolil, queꞌchakꞌoc ut queꞌxye: —¿Ma takakꞌet li cꞌaꞌru naxye li Dios ut takapa̱b li cꞌaꞌru nequeꞌxye li cui̱nk? Incꞌaꞌ. Tento takapa̱b li cꞌaꞌru naxye li Dios.

Ut incꞌaꞌ queꞌxcanab xchꞌolobanquil xya̱lal chiruheb li tenamit saꞌ li templo ut saꞌ eb li rochoch ut queꞌxye resil nak li Jesucristo, aꞌan laj Colonel li yechiꞌinbil xban li Dios.

Laj Pedro quixye re: —At Ananías, ¿cꞌaꞌut nak xaqꞌue a̱cuib chira̱le laj tza? ¿Cꞌaꞌut nak yo̱cat chixbalakꞌinquil li Santil Musikꞌej riqꞌuin nak yo̱cat chixcanabanquil yijach lix tzꞌak li chꞌochꞌ chokꞌ a̱cue? ¿Cꞌaꞌut nak tat-oc xmukbal xtzꞌak la̱ chꞌochꞌ? ¿Ma ma̱cuaꞌ ta biꞌ a̱cue? Cui xacꞌayi la̱ chꞌochꞌ, ¿ma incꞌaꞌ ta biꞌ raj xru xcana chokꞌ a̱cue lix tzꞌak? Ma̱cuaꞌ chiku la̱o yo̱cat chi ticꞌtiꞌic. Chiru ban li Dios, chan. Nak quirabi li a̱tin li quixye laj Pedro, quitꞌaneꞌ laj Ananías ut camenak quicana. Ut cꞌajoꞌ nak qui-oc xxiuheb chixjunileb li queꞌiloc re joꞌqueb ajcuiꞌ li queꞌabin resil.

Anakcuan la̱in tinye e̱re: Canabomakeb li cui̱nk aꞌin. Me̱chꞌiꞌchꞌiꞌiheb chic xban nak cui li cꞌanjel aꞌin yal xcꞌaꞌux cui̱nk, ta̱osokꞌ. Abanan cui ut re li Dios, incꞌaꞌ texru̱k chixpoꞌbal ru. Qꞌuehomak retal chi us ma̱re anchal yo̱quex chi pletic riqꞌuin li Dios, chan laj Gamaliel.