Hechos 17 سے مشہور بائبلی آیات

شئیر

Quixba̱nu chi joꞌcan re nak li junju̱nk teꞌxsicꞌ li Dios ut ma̱re teꞌxtau nak teꞌxsicꞌ. Ut relic chi ya̱l moco chꞌaꞌaj ta xtaubal cui teꞌxsicꞌ chi anchaleb xchꞌo̱l.

Riqꞌuin jun chi cui̱nk quixyoꞌobtesi chixjunileb li cristian li cuanqueb saꞌ ruchichꞌochꞌ. Ut aꞌan yal re joꞌ najtil teꞌcua̱nk li junju̱nk saꞌ ruchichꞌochꞌ. Ut aꞌan ajcuiꞌ quiqꞌuehoc re lix naꞌajeb li junju̱nk chi tenamit.

Ut aꞌan ajcuiꞌ li Dios, li quiyi̱ban re li ruchichꞌochꞌ ut chixjunil li cꞌaꞌak re ru cuan. Aꞌan laj e̱chal re li choxa ut li ruchichꞌochꞌ. Aꞌan incꞌaꞌ nacuan saꞌ junak cab yi̱banbil xban cui̱nk.

Li Dios ac xxakab jun li cutan re ta̱rakok a̱tin saꞌ xbe̱neb chixjunileb li cuanqueb saꞌ ruchichꞌochꞌ. Ut quixxakab li ani ta̱rakok a̱tin saꞌ ti̱quilal. Quixcꞌut chiku nak tzꞌakal ya̱l xban nak quixcuaclesi cuiꞌchic chi yoꞌyo saꞌ xya̱nkeb li camenak, chan laj Pablo.

Joꞌcan nak cui la̱o ralal xcꞌajol li Dios, incꞌaꞌ naru takacꞌoxla nak li Dios chanchan ta li oro, malaj li plata chi moco li pec li yi̱banbil yal riqꞌuin xcꞌaꞌux ut xnaꞌlebeb li cui̱nk.