Miquéias 4 سے مشہور بائبلی آیات

شئیر

Teko amo ae ywy rehe har umuwete katu uzar tupàn a'ua'u wà. Weruzar uzar ze'eg wà. Tupàn Tuweharupi Wiko Ma'e wiko Zanezar romo a'e. Ximuwete katu zane. Xiruzar ize'eg tuweharupi nehe.

A'e teko uze'eg putar nezewe wà nehe. — Zazeupir ywytyr Tupàn Tuweharupi Wiko Ma'e henaw pe nehe. Zaha Tupàn Izaew wazar hàpuzuhu pe nehe. Zanemu'e putar zaneremiapo ràm ikatu ma'e rehe nehe. Zata putar zaha hape rupi nehe. Ta'e Tupàn Tuweharupi Wiko Ma'e ipurumu'e haw ur Zeruzarez wi a'e xe. Ywytyr Xiàw rehe wiko mehe uze'eg wemiaihu wanupe.

Amo 'ar mehe nehe, ywytyr Tupàn Tuweharupi Wiko Ma'e hàpuzuhu henaw a'e nehe, iaiha katu wera'u putar amogwer ywytyr wanuwi a'e nehe. Upyta putar amogwer ywytyr wamyter pe iaiha wera'u ma'e romo nehe. Teko ywy nànànar uzàn putar oho a'e pe wà nehe.

Wiko putar teko tetea'u waneruze'egar romo nehe. Aze amo ywy rehe har uzàmàtyry'ym amo ae ywy rehe har muitea'u har wà nehe, Tupàn umume'u putar ikatu 'ym ma'e iapo arer wà nehe, wamupytu'u kar pà wàmàtyry'ym ire wà nehe. Teko uzapo putar utakihepuku a'e wà nehe, ywy heruwaruwakaw romo a'e wà nehe. Uzapo putar upurukutukawhu uzyapar romo wà nehe no. Teko ywy nànànar nuzeàmàtyry'ym wi pixik kwaw wà nehe. Nuzemuàgà'ym wi pixik kwaw zeàmàtyry'ymawhu pe oho haw rehe wà nehe.