Omnyam haxa ryhe, nyamoro wyarohra mpànà ehtxoko. Ehonomnà me oyesnàr komo xe oyehtokonye, okukur komo yanoto me xaxa mpànà ehtxoko, kekon hatà. Àro wyaro rma rha wehxaha, uro, Toto me Enusaho. Anotomano ynye mehra mak komokye. Toto komo yanoto me haxa ryhe komokye, kekon hatà. Toto komo yonyhoryeny me ryhe komokye. Rano me ro rma kwayehyaha hampànà, rowya enyhoryetxho menye. Anhàn komo hyaye towtoho komo wehemehe, rowayehrà ke, kekon hatà, Txesusu, tànhananàhrà ro komo wya.