Marikoshi 1 سے مشہور بائبلی آیات

شئیر

Rootzimateentsi okitejite, ipiriintanaka Jesoshi. Riyaatanaki janta tekatsi jeekatsini, ikenkithatakaeri Iriri.

Ikanteeyakirini: —Rooteentsi ipinkathariwentayiteeni Tajorentsi. Pikenkithashiryagaeya, pookaero panteeyirini eero pikimita paerani: tee pikameethawitani. Omaanta paapatziyeeyaarini Tajorentsi, pawijakotanteeyarini.

Eenirowa othapyaaki iñaa, raminanaki jenokinta, roojatzi omapokapaaka iñaawakiro Ishire Tajorentsi, ayiitashitapaakiri Jesoshi, oshiyapaakari jamomo. Ikematziiri Tajorentsi ikantziri: —Eeroka notyomi nonintashireperotzimi. Osheki nokimoshirewentaperotakimi.

Nokaawoshitakotzimiri Tajorentsi iñaaki, omaanta riraga impaetakinari ikithaatakaapaakaero Ishire, amitakotanteeri.

Ikanta Jesoshi ikaemapaakiri, ikantapaakiri: —Pipoke, thame poyaatanakina aritaki niyotaakimi paapatziyakaapiintyaari atziripaeni Pawa Tajorentsi. Roojatzi rookantanakawo ishiryaamento, royaatanakiri riyotaantyaariri.

Riraga atziripaeni, rotsikanateeyanakarini, ikantawakagaeyanakani: —Piñaakiri, kameetha riyotaantaperotaki, riyoperotzi irira. Tee ikimitari riraga iyotaapiinteeyawiteerorini Iwaperite Tajorentsi: tee riyoperotzi irirapaeni.