May nam ma donota valam ka'a kay muɗgi ɗeŋe kuɗ labara ma firina vanu hiɗi kusta-yoboyna vi Yesu Kristu, kuɗ wida ta nay fa'a hay ŋayayta vi Lawna, ŋayayta na'ta ya' ay kusuɓiya hay liyn ma jewna, may wulini na' maawa goy haraŋi kuɗ ɗota vi sa jobta, kuɗ dita vi Lawn Ma-Vatɗina, maray goy haraŋi hay wida vi jaf-sumuna kaf, kay sumun ma hot yisi gaa'a hiɗi vida.
Lawna kep mi ma wi yalla hay Yesu Kristu, talam namu, gajijita hay vatɗita vatɗita. Amen.