Jos 1 سے مشہور بائبلی آیات

شئیر

Laa'in li yookin chi taqlank aawe. Yal aaq'e ut kawaq aach'ool. Matxiwak ut kaw xaqxooqat sa' laak'anjel, xb'aan naq li Qaawa' laaYos wanq aawik'in yalaq b'ar tatxik”, chan li Qaawa'.

Ink'a' taakanab' rilb'al xsa' xhuhil li Chaq'rab' a'in; chak'oxla rix chi q'eq ut chi kutan. Chi jo'kan junelik taab'aanu li k'aru naxye; tat-usaaq ut chaab'il tat-elq sa' chixjunil laak'anjel.

Kawaq b'i' aach'ool ut chayal aaq'e chi xpaab'ankil chixjunil li chaq'rab' k'eeb'il aawe xb'aan laj Moisés aj k'anjel chiwu. Chapaab' chi tz'aqal re ru, re naq us tat-elq sa' chixjunil li taab'aanu.

Maa'ani truuq taanumtaaq sa' aab'een chiru chixjunil laayu'am. Jo' naq kinwank rik'in laj Moisés, jo'kan ajwi' naq wanqin aawik'in: ink'a' tatinkanab' aajunes chi moko tatintz'eq chirix linch'ool.

Kaw xaqxooqat sa' laak'anjel ut matxiwak, xb'aan naq laa'at tatjek'oq re li ch'och' cho'q re li tenamit a'in, a' li ch'och' kinyeechi'i sa' jurament reheb' li xxe'toonil yuwa'eb'.

Tink'e eere chixjunil li ch'och' li toxexxaqliiq wi', jo' kinye re laj Moisés.

“Kamenaq chik laj Moisés, aj k'anjel chiwu. Ayu ut numen junpak'al li nima' Jordán aawochb'een chixjunileb' li tenamit a'in. Texxik sa' li na'ajej li tinq'axtesi eere laa'ex aj Israel.

Chirix li xkamik laj Moisés, aj k'anjel chiru li Qaawa', li Qaawa' kiraatina laj Josué, ralal laj Nun ut aj tenq' re laj Moisés, ut kixye re

Eerehaq chixjunil li na'ajej chalen chaq sa' li chaqich'och' ut Líbano, toj wan wi' li nimla nima' Éwfrates, chixjunil li xch'och'eb' laj Hit toj sa' li Nimla Palaw li wank sa' rokeb'l saq'e.

Yalaq ani taaq'etoq re laawaatin ut ink'a' tixpaab' laataqlahom sa' chixjunil, taakamsiiq. Li k'aru naqaj laa'o a'an a'in: naq kawaq aach'ool ut kaw xaqxooqat sa' laak'anjel”, chankeb'.

“Numenqex sa' chixjunil li xmuheb'aaleb' li tenamit ut yehomaq reheb' naq te'xkawresi rib' ut te'xk'uub' xtzekemqeb', xb'aan naq sa' oxib' kutan toonume'q junpak'al li nima' Jordán ut toxqeechani li ch'och' tixk'e qe li Qaawa' li qaYos”, chan.