Canpitaso nipirinhuëꞌ ama inapita pochin cancantocosohuëꞌ. Yosë huëntonënquë yaꞌconpatëra, co chiníquën nanantacasoꞌ nohuantërëhuëꞌ. Noya noya iyaroꞌsaꞌ yanipatamaꞌ, yaꞌipi piyapiꞌsaꞌ catahuacoꞌ. Piyapinën pochin cancantocoꞌ. Catahuacasoáchin yonquihuatamaꞌ, Yosë noya noya niꞌsarinquëmaꞌ. Cantaꞌ Yosë quëran quëmapico niporahuëꞌ, co aꞌnapita camaicaꞌhuaso marëꞌ oꞌmarahuëꞌ. Piyapiꞌsaꞌ catahuacaꞌhuaso marëꞌ oꞌmarahuë. Chiminarahuë naꞌa piyapiꞌsaꞌ nichaꞌëcaꞌhuaso marëꞌ, itërin Quisosori.
