Mananquiri mutsoinifoannaino funinaca huatan. Mua ahuun oposhco yafi ahuun tau muma curushu shara ini. Pedronun funaiquimashta mutsoinifoanpaiyaino afin fianshinacahuani. Ascatan man chaima catan. —¡Aichoran! —icashu, fia fiashuita unimani. Ichotiritiritan. Dios fu tsainti pushu muran atofu cani. Ato fu cashon, —¡Aichoran! Diosin muan caya huaquin. Dios shararan, —icashu ichotiritirini. Nantififain Israelifoan ichananti pushu anoshon oinquin futsanifo.