Naa cua sequereeri: ‘Maja puerenu Danielnaa. Pueyasojuanaacuajaari jiyajeneta casaa quia niquishano quia niishiniu paniniuucua quia tacaaniu niishiya. Naa quia tacaashacaritij, quiaari saaja quia Pueyasoocua saariucuaa. Coteenu juucajiniji quia secojosacari, Pueyasocuajaari puetunu quia secojosanojuanaa tojiriucuaa. Naajuhuaj tama quia saniitiosacari quia cuaqueyajaaja niquiriucuaajaariuhuaj. Janiyari naacua quiocua niyareequij.