Aʼmaal al-Rusul 5 سے مشہور بائبلی آیات

شئیر

Wa Butrus wa l-rusul raddo leyah wa gaalo : «Waajib nitaabuʼu kalaam Allah wa ma kalaam al-naas.

Wa kulla yoom, humman gaaʼidiin yiʼallumu al-naas fi beet Allah wa fi buyuuthum wa gaaʼidiin yiballukhu kadar Isa bas al-Masiih. Wa abadan ma wagafo minnah.

Wa Butrus saʼalah wa gaal : «Ya Hanaaniiya, maalak khalleet al-Cheetaan yalʼab be aglak ? Maalak kadabt le l-Ruuh al-Khudduus wa chilt le nafsak nuss taman al-zereʼ ? Kan awwal ma biʼtah, kulla l-zereʼ da hanaak. Wa baʼad biʼtah kula, kan dawwart tichiil kulla l-gurus hu hanaak halaalak. Maala chilt niiye le takdib ? Be misil da, ma kadabt le l-naas. Inta kadabt le Allah !» Wa wakit Hanaaniiya simiʼ al-kalaam da, hu wagaʼ fi turaab wa maat. Wa l-khoof dakhal le kulla l-naas al-simʼo al-khabar da.

«Wa hassaʼ nuguul leeku khallu minku al-rujaal dool yamchu. Achaan kan fikirhum wa amalhum jaayiin min al-insaan, wiheedah bas yagiif. Wa laakin kan kalaamhum da jaayi min Allah, abadan ma tagdaro tiwaggufuuhum. Wa tichiifu kadar intu gaaʼidiin tihaarubu Allah !» Wa naas al-majlas simʼo kalaamah.