Tit 1 سے مشہور بائبلی آیات

شئیر

Tzcob' yalnc eb', to caw yojc eb' Dios, palta yuj sb'eyb'al eb' tzcheclj 'eli, to man̈ yojcoc eb'. Caw maysch'olnil eb' 'a sat Dios, yujto matz yiclj eb' jac tas tzyala. Yuj cha, toxn matz tac' sb'on eb' junc tas wach'.

An̈ tojlb'tzab'ilx qui nab'en, wach' smasnil tas 'ayon̈. Palta ax eb' matz ya'ch sc'ojl 'a Dios, eb' maysch'olnil xon snab'en, may junc tas wach' 'a eb'. Yujto a snab'en eb', toxn maysch'olnil. Man̈ jac tzyac' cuenta sb'a eb' yet' snab'en cha.

Yowlal tzya'ch eb' snab'en 'a jun cuynb'il caw yel, atn jun 'ajxnac scuy eb'. Yowlal 'ixta tzyutj sb'a eb', sec tztac' ya'n eb' snab'enoc jaywn̈ocx eb' yet' jun cuynb'il caw wach'. Ax ya'n ganar eb' yaln 'a eb' 'anma tzchichn 'ayon̈.

Yujto a eb' tz'och yilmalc eb' yit creyenteal, yowlal caw wach'n̈j tzyutj eb' sb'eyb'al, yujto yilmal smunljel Dios yaj eb'. Matz tac' axn̈ej eb' tznib'j tzyal yico'. Matz tac' 'utzn tzyutj eb' sc'ojol. Matz tac' yu'n eb' 'an̈. Matz tac' sma'wj pax eb'. An̈jtona', matz tac' snib'n eb' yac' ganar stumn 'a spatc maysch'olnil. A eb' 'ay yopiso cha, yowlal wach' tzyutj sb'a eb' 'a eb' tzlaj 'ec' 'a 'a. Yowlal a tas wach', an̈j tzb'o eb', tzya'n cuenta sb'a eb'. Caw tojl tzyutj eb' sb'eyb'al. Cojxn 'a Dios tzya'ch eb' snab'en. Yowlal tztench wan eb' sniwnal 'a maysch'olnil.

Tic 'oj walb't 'ayach, tas yowlal tzb'eylb'ej eb' tz'och ancianoal cha. Yowlal wach' sb'eyb'al eb' sec matz tac' yajx queja eb'. Yowlal junn̈j yistl junjn eb'. Ax yunnal eb', yowlal creyente cab' eb' smasnil, man̈ comnoc tzb'o eb' 'unnab'il chi maysch'olnil, man̈ tenmtacc tzyutj sb'a eb', yiclum cab' tzyutj sb'a eb' 'a smam snun cha.