Apoc 6 سے مشہور بائبلی آیات

شئیر

Ax xwilni, 'ayc' junx chej caw c'an. A jun 'ay q'ue 'a yib'an̈, atn Chamel. Ax jun lugar 'aj 'ay spixn eb' chamnac, 'icha to a tza'n 'och yu'uj. A jun cha, 'ix 'ajx spoder 'a yib'n̈ eb' 'anma 'a yolyib'n̈q'uinal. Chan̈c'aj 'oj 'el eb'. Palta 'ay junc'aj eb' 'oj milxc chamoc. 'Oj cham eb' yuj owal, mto yuj wejel, mto yuj yab'il, mto yuj jun tzo'n̈ no chiwjum noc' 'ay smay.

Ax xwilni, 'ay jun chej caw sac, 'ay jun 'ay q'ue 'a yib'an̈, yamb'il jun sjul-lab' yu'uj. 'Ix 'ajx pax jun scorona. Xlajw cha, x'ati, x'at ya'nc owal, yuj ya'n ganar si'mb'il.

A jun tzcuch Calnelu cha, a yic 'ix sn̈i'chtan jun yol seyo, 'ix wiln jun yet'l 'aj tz'a xajmb'al. A 'a yalan̈, ata 'ay spixn eb' milb'il cham yuj spaxti Dios, yujto ya'jnac testigoal sb'a eb' yu'uj.

A eb' cha, caw 'ip xyal eb' 'ixtic: —Ach Cajlil, caw wach'n̈j ach. Caw tz'el'chn̈ej tas tzala. ¿B'a'n̈ wal 'oj a b'eyc'ojloc eb' 'anma 'a yolyib'n̈q'uinl yuj qui chaml on̈, ax a'n spac 'a eb'? xchi eb'. Xlajw cha, 'a junjn eb', 'ix 'ajx spichl eb' caw sac. 'Ix alx 'a eb', to tz'ilj eb' jac xo, masnto 'oj tz'acwc sb'isl eb' yit creyenteal eb' tot 'oj milxoc cham 'icha eb', atn eb' ya'mal servil Cristo yet' eb'.

'Ayc' junx chej caw chac, a jun 'ay q'ue 'a yib'an̈, 'ix chan spoder yi'n 'at owl 'a smasnil yolyib'n̈q'uinal, yic tzya'n smil cham sb'a eb' 'anma'. 'Ay jun espada x'ajx 'a 'a, caw niwquil.

'Ixta x'aj eb', yujto xjaw jun c'u caw niwn yel'chi, yic tzya'n cot Dios yowl sc'ojl 'a yib'n̈ eb'. ¿Tom 'ay junc mach 'oj techjoc yuj 'a jun c'u cha?

A jun tzcuch Calnelu cha, 'ix wiln sn̈i'chtan pax jun swacl seyo. 'Ix 'ec' jun quixcab' caw ow. A c'u, caw q'uic' x'aj 'icha lopil. Ax 'uj, caw chac x'aj 'icha chic'. Ax jun tzo'n̈ c'anal, 'ix laj 'em eb' 'a yolyib'n̈q'uinal. 'Icha tz'aj yem te higo yuj junc 'ic' caw ow, 'ixta x'ejm eb'.

A jun tzcuch Calnelu cha, a yic 'ix sn̈i'chtan jun yoxl seyo, 'ix wab'n yaln junx yoxl querubín chi 'ixtic: Cotan̈, xchi. Ax xwilni, 'ayc' junx chej caw q'uic'. A jun 'ay q'ue 'a yib'an̈, yamb'il jun libra yu'uj. 'Ix wab'n yoch jun 'aw 'a snan̈l eb' querubín schan̈wn̈il, xyaln 'ixtic: —Cojn chab' libra trigo 'a jun c'ul munljelal, mto waque libra cebada. Man̈ extc aceite yet' yal uva, xchi 'a 'a.

'Icha junc un̈ tzchulxb'ec'an, 'ixta x'aj satchan̈ satli. Ax smasnil lum witz, yet' jun tzo'n̈ lum lum 'ay 'a snan̈l a mar, c'uxn 'ix 'ib'xi. 'Ix laj 'el eb' 'a yet'ul. Ax eb' rey 'a yolyib'n̈q'uinal, 'ix laj sc'ub'c 'el sb'a eb' 'a yol niwc n̈aq'ue'en, yet' 'a scal q'uen 'a tzalctac. 'Ixta xyutj pax sb'a jantcn̈ej eb' niwc winac, eb' rico, eb' yajal yet' eb' 'ay yel'chi. Eb' moso man̈ yico'oc sb'a, toxn̈ej eb' mun yic sb'a, c'uxn xlaj 'at eb' 'elc smasnil.