Nm 22 سے مشہور بائبلی آیات

شئیر

Ax 'a jun rato cha, 'ix ya'n Jehová paxtinc no 'axna cha, xyaln no 'ixtc 'a win Balaam: —¿Tas tzach wutej, yuj cha, yox 'ejmal xo in a ma'n tic? xchi no'.

Ax Jehová 'ix ch'oxn yil Balaam jun yángel cha. Lin̈n 'ec' 'a snan̈l yol b'e, yamb'il jun q'uen espada yu'uj. A yic xyiln sb'a Balaam 'a jun ángel cha, 'ix 'em n̈ojnjoc 'a sat lu'um, masnto squil 'ejm snan̈l sat.

Yuj cha, xyaln jun yángel Jehová chi 'a 'ixtic: —¿Tas yuj 'ix a mac' no a 'axna chi 'ox 'ejem? An ton 'ix in mac yol a b'e tic, yujto maysch'olnil tas tz'at a nib'j a b'o'.

Palta ax no 'axna cha, 'ix yaln no 'ixtc 'a winac: —A chej waj 'a smasnil tiempo. Tzach 'ochn̈j 'a wib'an̈. May 'aj 'ixta xon tzach wutej, xchi no'. —Yel ton tzala, xchi Balaam.

—Yujto yel xo wal tzin extej. ¡Comnoc wal 'ay junc q'uen espada 'ayc' 'a in tz'ey tic, wal tic tzach in tzu'n can chamoc! xchi win 'a no'.

'Ix yiln pax sb'a no 'axna chi 'a jun yángel Jehová cha. 'Ix 'em lachn no 'a sat lu'um, yujto man̈x 'a 'aj wach' sc'och no'. Yuj cha, caw 'ix cot yowl Balaam, syamn 'och win sma'n no yet' sc'ococh.