Gn 17 سے مشہور بائبلی آیات

شئیر

A Abram 99 ab'il sq'uinal, yic sch'oxn sb'a Jehová 'a 'a, xyaln 'a 'ixtic: —An ton Dios in, tztac' wuj smasnil, wach' tzotj a b'a 'a in sat.

Man̈x Abram 'oj a b'i'oc, palta Abraham 'oj a b'i'oc, yujto niwn nacion̈ 'oj ach wa'ch smam 'ichmoc.

A jun in trato tzwac' et' tic, yet' smasnil pax eb' en̈tl 'a smasnil tiempo, to a Diosal in, sDiosal in pax eb' en̈tl cha.

—Yaj jun in trato tic 'oj wac' et'oc: To niwn nacion̈ 'oj och smam 'ichmoc.

Yuj cha, xta'w Dios 'a Abraham 'ixtic: —Tox 'ix wal 'ayach, chajtlto 'oj jawc jun onnal yet' 'ix Sara. Isaac 'oj ac' sb'ioc, atn yet' win 'oj wac' jun in trato tic yet' 'a jun 'ejmn̈ej, yet' pax 'a eb' yin̈tl winac.

'Oj wac' smasnil lum Canaán tic 'ayach, yet' 'a eb' en̈tl 'a jun 'ejmn̈ej, ax woch sDiosalc eb', xchi Dios 'a Abraham cha.

A yic xyab'n win Abraham jun cha, 'ix 'em n̈ojnjoc, masnto x'emch snan̈l sat 'a sat lu'um. 'Ix stzewji, syamn 'och snan 'ixtic: ¿Tom 'oj jawc to wal wunnal, jun ciente ab'il xo in q'uinal, ax 90 ab'il xo sq'uinl Sara? ¿Tom 'oj jawc to wal yune 'ix? xchi 'a snab'en.

Xyaln pax Dios 'a Abraham 'ixtic: —Ticnec yet' 'a ojltac b'aq'uin̈, man̈xtoc Sarai 'oj sb'ic 'ix estzil tic, palta Sara 'oj sb'ic can 'ix.

Yuj cha, 'ijx cab' 'el jac stz'umal sjolm swincal eb' winac, atn jun cha, yechl in trato tz'ajcn eyet'oc.

A pax in trato 'ix wac' eyet'oc, 'oj 'el'choc yet' win Isaac, win onnal 'oj 'aljoc 'a 'ix Sara yab'n 'ixtc junab', xchi 'a Abraham.

Yucb'ixial yalj junjn winc 'unin, tz'ajx 'och jun yechl chi 'a eb' eyunnal yet' 'a yunnal eb' e checab'. An̈jtona yet' eb' e checb' manb'il 'a chuc chon̈b'al, tz'ajx 'och jun yechl chi 'a eb'. Junjn ex yowlal tz'ajx 'och jun yechl chi 'ayex, matz 'eq'ui, sec a jun in trato tzwac' eyet' cha, checl cab' 'a e niwnal 'a smasnil tiempo.