Dn 2 سے مشہور بائبلی آیات

شئیر

'Ix yaln 'ixtic: Ach qui Diosal on̈, alx cab' wach' paxti 'aych 'a smasnil q'uinal, yujto ec yaj jelnal yet' poder. Ach ojtac jantc tiempo tzyac' junjn mach yajlil, ach tza'ch eb' 'a yopiso, tze'n pax 'el eb'. O'oj yuj cha, 'ay snab'en eb' 'ay snab'en, o'oj yuj cha, 'ay sjelnal eb' 'ay sjelnal. Ach tzac' cojcoc 'el jun tzo'n̈ tas caw 'ajltac snachj 'eli, yet' jun tzo'n̈ tas c'ultac yaji. Ojc tas 'ay 'a scal q'uic'q'uinal, yujto 'aj sacq'uinl ach.

'Ix ta'w Daniel 'a win 'ixtic: —Mamin rey, a jun tas caw c'ultac yaj tza nib'j tzojquej 'el cha, may junc mach tztac' snachj 'el yu'uj. Wach'xam eb' tzyal jelnal sb'a, eb' tzchumn yet' c'anal, eb' wayjel, eb' tztac' snan 'el junc tas, may junc eb' tztac' yaln 'ayach. Palta 'ay jun Dios 'aj satcha'an̈, a tztac' ya'n cojcoc 'el jun tzo'n̈ tas caw c'ultac yaj cha. A tz'a'n ojcoc 'el ach mamin rey tas jun tzo'n̈ 'oj ujc b'aq'uin̈. 'Oj wal 'ayach tas 'ix el 'a a wayich yic wayn̈c ach cha

A 'a yol stiempoal jun tzo'n̈ eb' rey cha, ata 'oj ya'ch Dios 'aj satchan̈ junx yajl yet' snacion̈ to man̈x 'a b'a'n̈ 'oj satli. Man̈x 'oj 'ajxoc 'och 'a yol sc'ab' junc xo chon̈ab'. 'Oj satxoc 'el smasnil jun tzo'n̈ xo rey yet' snacion̈ yu'uj. Palta a jun cha, 'ayc'n̈ej 'a jun 'ejmn̈ej.