Lomɛ́ŋ 5 سے مشہور بائبلی آیات

شئیر

Kilíse megú gás góbusió, nányé e dɛmáabá dɛmáanyɛ beli bɛfal. Nɛnama iniány gɔg Gɔdányá méedíyé ɛlɛ́ga yág gás góbusió.

guág ɔdɛm uguány dɛbá múnéŋén, gágual ká ɛlɛ́ga yá Gɔdányá nyɛ́ iséléméndény agás gá ɛdɛm nagadá, agá nŋili ya Ɛsámb yá Méfuny iyɛ́ dɛ́maábia.

Saá ubuány gusúg, diguɔ́bɔɔn bese ta aga guɔ́bɛ́g gás, dɛlɛnsan ká guɔbɛ́g guála mɔnd bá na guéhihenyi, guɔ́mínɔn ólon na nuládád ta muyú bá, ewe unyá na nuládád gúbianan guág ɔdɛm

Ŋɛ́ɛ, Gɔdányá ógudióndi bindényé agág gá eŋís agá guádáb gás, dɛganyɛ nɛ́nuán gá bumben naga aga gélem gá Ɔgúnɔ́ wasɔ Yésu Kilíse. Na Yésu, dɛgubianan agá nŋili yá giondiɔdɛ́mɔ́, giás gá gúbɛ́sɛdɛnɛn Gɔdányá wa ɛlɛ́ga, uwɔ́ waád walaná dɛ́bá baluán ɛŋaŋa agagá. Diguɔ́bɔɔn bese dibiondonyi ɔdɛm ká, dɛgabia nugúm ná Gɔdányá.

Ŋɛ́ɛ, gigúl dɛ́maábá kandɛ bugaga, Kilíse uwegú góbusió bú bafalafal agá gɛsɛgɛl gimáabá gidényígénény.

Nɛ́nuán, anyɛ́ manɔŋ má Yésu nyá gudióndi besi, cá cá cá Kilíse godisódi ká ilób yá Gɔdányá.

Gɔɔ́gɔ anɛ́ kandɛ nŋɔ́bɛ́nɔ wa mɔnd omoom máal ká band giod ɛ́y beli bɛfal; nɛnama niád, gá nŋɔ́bɛnɔ ya mɔnd omoom, Gɔdányá uwaán band giod besi agág gá eŋís.

Saá búbuány gusúg! Diguɔ́bɔɔn bese ogóbúsió bá Gɔdányá agá gélem gá Yésu Kilíse Ɔgúnɔ́ wasɔ, uwɔ́ waád unyá gúdilád nɛ́nuán na Gɔdányá.